Connect with us

Hi, what are you looking for?

NEWS

തൃക്കാരിയൂരപ്പന്റെ മണ്ണിൽ നിന്ന് മത മൈത്രി സ്മരണകളുണർത്തി വിശ്വാസ ജ്യോതിപ്രയാണം നടത്തി.

കോതമംഗലം: മാർതോമ ചെറിയപള്ളിയും പരിശുദ്ധ യൽദോ മാർ ബസേലിയോസ് ബാവയുടെ കബറിടവും സംരക്ഷിക്കണമെന്നാവശ്യപ്പെട്ട് മത മൈത്രി സംരക്ഷണ സമിതിയുടെ നേതൃത്വത്തിൽ സംഘടിപ്പിച്ചു വരുന്ന സമര പരമ്പരയുടെ ഭാഗമായി അറുപത്തിയൊന്നാം ദിനത്തിൽ ചരിത്രം പേറുന്ന തൃക്കാരിയൂരിൽ നിന്നും രാജീവ് ഗാന്ധി സ്റ്റഡി സെന്ററിന്റെ അഭിമുഖ്യത്തിൽ ചെറിയ പള്ളിയിലേക്ക് നൂറുകണക്കിന് നാനാജാതിമതസ്ഥർ പങ്കെടുത്ത വിശ്വാസ ജ്യോതിപ്രയാണം നടത്തി. മഹാദേവന്റെ അനുഗ്രഹ ചൈതന്യത്താൽ പ്രഭ ചൊരിഞ്ഞു നിൽക്കുകയും ദേവ നാമം ഉച്ചരിച്ച് ഉണരുകയും ഉറങ്ങുകയും സർവ്വം ദേവമായി കാണുകയും ചെയ്യുന്ന പുണ്യ ഗ്രാമമായ തൃക്കരിയൂരിന് കേരള ഉല്പത്തിയുമായി ബന്ധമുണ്ട്. പരശുരാമൻ അന്തർധാനം ചെയ്തുവെന്ന് കരുതപ്പെടുന്ന തൃക്കാരിയൂർ മഹാദേവക്ഷേത്രവും ചെറിയ പള്ളിയുമായി നൂറ്റാണ്ടുകളായി ഇഴപിരിയാത്ത മതമൈത്രി സാഹോദര്യബന്ധം ഉണ്ട്.

335 വർഷം മുൻപ് കോഴിപ്പിള്ളിയിൽ ചക്കാലക്കുടിയിൽ എത്തിയപരിശുദ്ധ യൽദോ മാർ ബസേലിയോസ് ബാവയെ ചെറിയ പള്ളിയിലേക്ക് ആനയിച്ചത് ഹൈന്ദവ കുടുംബത്തിലെ ചക്കാല നായർ യുവാവായിരുന്നു. പരിശുദ്ധ ബാവ പള്ളിയിലെത്തി പതിമൂന്നാം ദിവസം കാലം ചെയ്തു പള്ളിയിൽ ഖബറടക്കപ്പെട്ടതിനെ തുടർന്ന് എല്ലാവർഷവും ബാവായുടെ ഓർമ്മപെരുന്നാളിന് നായർ കുടുംബത്തിലെ പിൻതലമുറയിൽപെട്ടവരിലൊരാൾ പതിവ് മുടങ്ങാതെ നഗരപ്രദക്ഷിണത്തിന് മുന്നിൽ തൂക്കുവിളക്കേന്തുന്ന പതിവുണ്ട്. ഇത്തരത്തിൽ തൂക്കുവിളക്ക് എടുക്കാനെ ത്തുന്ന നായർ കുടുംബാംഗം ദിവസങ്ങളോളം നോമ്പുനോറ്റ് തൃക്കാരിയൂർക്ഷേത്രക്കുളത്തിൽ നിത്യവും മുങ്ങി കുളിച്ച് അമ്പലത്തിൽ എത്തി പ്രാർത്ഥിച്ച് ഒരുങ്ങിയാണ് ചെറിയപള്ളിയിലെ തൂക്കുവിളക്ക് പിടിക്കുവാൻ എത്തുന്നത്. ഏതാനും വർഷങ്ങൾക്കു മുൻപ് വരെ ക്ഷേത്രത്തിൽ നിന്നും ചെറിയ പള്ളിയിലേക്ക് എതിരേല്പും ഘോഷയാത്രയും നടത്തിയിരുന്നു. ഈ പാരമ്പര്യത്തിന്റെ ഓർമ്മകളുണർത്തിയായിരുന്നു  വിശ്വാസ ജ്യോതിപ്രയാണം തൃക്കാരിയൂരിൽ നിന്നും പുറപ്പെട്ടത്.


ഭക്തിനിർഭരമായ ചടങ്ങിൽ റിട്ടയേർഡ് ലേബർ കമ്മീഷണർഇ.വി. നാരായണൻ നമ്പൂതിരി വിശ്വാസ ജ്യോതി ക്യാപ്റ്റൻ ചന്ദ്രലേഖ ശശിധരന് കൈമാറി ഉത്ഘാടനം ചെയ്തു. മത മൈത്രി സംരക്ഷണ സമിതി ചെയർമാൻ എ. ജി.ജോർജ് രാജീവ് ഗാന്ധി സ്റ്റഡി സെന്റർ ചെയർമാൻ എം. എം. പ്രവീണിൽ നിന്നും പതാക ഏറ്റുവാങ്ങി. ചടങ്ങിൽ വികാരി ഫാ:ജോസ് പരത്തുവയലിൽ, പി.എ. സോമൻ, ഇ.കെ സേവ്യർ, കെ.എ.നൗഷാദ്,പി. ടി. ജോണി, കെ.പി. ബാബു, അബു മൊയ്‌തീൻ, പി.പി. തങ്കപ്പൻ, അനിൽ മാത്യു, എൻ. കെ. ശശിധരൻ, വിജിത് വിജയൻ, വി. കെ. ഗോപിനാഥൻ നായർ, പോൾ. എസ്.ഡേവിഡ്, റോയി.കെ.പോൾ, പി. സി.ജോർജ്, സി. ഐ.ബേബി,ബിനോയ്‌ തോമസ് മണ്ണഞ്ചേരി,കെ. ഐ. ജേക്കബ്, എൻ.സി. ചെറിയാൻ, എന്നിവർ നേതൃത്വം നൽകി. തുടർന്ന് കിലോമീറ്ററുകൾ കാൽനടയായി നൂറുകണക്കിന് വിശ്വാസ സമൂഹത്തിന്റെയും വാദ്യമേളങ്ങളുടെയും അകമ്പടിയോടെ വിശ്വാസ ജ്യോതി ചെറിയ പള്ളിയിലേക്ക് പുറപ്പെട്ടു.

വഴിമധ്യേ തങ്കളം ക്ഷേത്രപ്പടി, തങ്കളം മുസ്‌ലിംപള്ളിപ്പടി, ഗവൺമെന്റ് ആശുപത്രിപ്പടി ടൗൺ മുസ്ലിം പള്ളിക്കവല, മുനിസിപ്പൽ ജംഗ്ഷൻ, പോസ്റ്റ് ഓഫീസ് ജംഗ്ഷൻ ഗാന്ധി സ്‌ക്വയർ, ഹൈറേഞ്ച് ജംഗ്ഷനിലെ ഫാത്തിമ മാതാ കുരിശടി കവല, ചെറിയപള്ളിത്താഴം, എന്നിവിടങ്ങളിൽ വൻ സ്വീകരണം നൽകി. വിവിധ സ്വീകരണ യോഗങ്ങളിൽ വിവിധ കക്ഷി നേതാക്കളായ മഞ്ജു സിജു, കെ എം അഷ്റഫ്, മൈതീൻ ഇഞ്ചക്കു ടി, ബേബിആഞ്ഞിലിവേലിൽ, അഡ്വ:മാത്യു ജോസഫ്, അഡ്വ: രാജേഷ് രാജൻ എന്നിവർപ്രസംഗിച്ചു. മതമൈത്രി സംരക്ഷണസമിതിയുടെ നേതൃത്വത്തിലുള്ള സമര പരമ്പരയിൽ 62-)0ദിവസമായ ചൊവ്വാഴ്ച വേറിട്ട സമര പരിപാടിയാണ് ഒരുക്കിയിട്ടുള്ളത്. മഞ്ഞനിക്കര തീർഥയാത്ര സംഘത്തിലെ നൂറുകണക്കിന് വിശ്വാസികളും മതമൈത്രി സംരക്ഷണ സമിതി ഭാരവാഹികളും പ്രവർത്തകരും വിശ്വാസി സമൂഹവും പുലർച്ചെ 5.45 ന് ചെറിയപള്ളിയിലെ അനിശ്ചിതകാല രാപകൽ സത്യാഗ്രഹ പന്തലിൽ പുലർ കാല സമ്മേളനം നടത്തും. വിവിധ വിശിഷ്ടാതിഥികൾ പങ്കെടുക്കും.

Click to comment

You must be logged in to post a comment Login

Leave a Reply

You May Also Like

NEWS

കോതമംഗലം: കോതമംഗലം മതമൈത്രി സമിതിയുടെ 6-ആം വാർഷികവും, കോതമംഗലം മാർത്തോമ ചെറിയപള്ളി മുൻ വികാരി ജോസ് പരത്തുവയലിൽ അച്ഛൻ യാത്രയയപ്പും നടത്തി. കോതമംഗലം ചെറിയ പള്ളി സെന്റ് തോമസ് ഹാളിൽ നടന്ന ചടങ്ങിൽ...

NEWS

കോതമംഗലം : ആഗോള സര്‍വ്വമത തീർത്ഥാടന കേന്ദ്രമായ വി. മാർതോമാ ചെറിയ പള്ളിയുടെ കീഴില്‍ കോതമംഗലം ടൗണില്‍ ക്രിസ്തുമസ്‌ വിളംബര റാലി സംഘടിപ്പിച്ചു . കോതമംഗലത്ത്‌ ടൗൺ റോഡില്‍ ഇറങ്ങിയത്‌ 2000 ത്തോളം...

NEWS

കോതമംഗലം :കോതമംഗലം കന്നി 20 പെരുന്നാൾ പ്രമാണിച്ച് കോതമംഗലം നഗരത്തിൽ വാഹന നിയന്ത്രണം . ബുധൻ ഉച്ച മുതലാണ് നിയന്ത്രണം.നേര്യമംഗലം ഭാഗത്ത് നിന്നും വരുന്ന തീർത്ഥാടകരുടെ ചെറിയ വാഹനങ്ങൾ ശോഭന സ്കൂളിന്റെ ഗ്രൌണ്ടിലും...

NEWS

കോതമംഗലം : ആഗോള സർവ്വ മത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിലെ ചരിത്ര പ്രസിദ്ധമായ കന്നി 20 പെരുന്നാളിന്റെ മുഖ്യ ആകർഷണമായ വൈദ്യുത ദീപാലങ്കാരത്തിന്റെ സ്വിച്ച് ഓൺ കർമ്മം...

NEWS

ഷാനു പൗലോസ് കോതമംഗലം / പുത്തൻകുരിശ്: യാക്കോബായ സുറിയാനി സഭയുടെ പാർലമെന്റായ യാക്കോബായ സുറിയാനി ക്രിസ്ത്യാനി അസോസിയേഷനിൽ നടന്ന തെരെഞ്ഞെടുപ്പിൽ നിലവിലെ ഭരണ സമിതിക്കെതിരെ  വൻ ഭൂരിപക്ഷത്തോടെ അധികാര സ്ഥാനത്തേക്ക് പുതുനേതൃത്വം. മലങ്കര...

NEWS

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം...

NEWS

കോതമംഗലം : ആഗോള സര്‍വ്വമത തീര്‍ത്ഥാടന കേന്ദ്രമായ കോതമംഗലം മാര്‍ തോമ ചെറിയ പള്ളിയില്‍ കബറടങ്ങിയിരിക്കുന്ന പരി. യല്‍ദോ മാര്‍ ബസേലിയോസ് ബാവായുടെ സ്മരണാര്‍ത്ഥം തപാല്‍ വകുപ്പ് സ്‌പെഷ്യല്‍ പോസ്റ്റല്‍ കവര്‍ പുറത്തിറക്കി....

EDITORS CHOICE

ഷാനു പൗലോസ് കോതമംഗലം: യാക്കോബായ സുറിയാനി സഭയിലേക്ക് സന്യസ്ഥ വൈദീകനായി ഉയർത്തപ്പെട്ട ഫാ. ഗീവർഗീസ് വട്ടേക്കാട്ടിൻറെ ( ഫാ.ടോണി കോര ) പുത്തൻ കുർബ്ബാന ഇടവകപള്ളിയായ കോട്ടപ്പടി കൽക്കുന്നേൽ സെന്റ് ജോർജ്ജ് യാക്കോബായ...

CHUTTUVATTOM

കോതമംഗലം : ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയുടെ ഉടമസ്ഥതയിലുള്ള മാർ ബസേലിയോസ് കോളേജ് ഓഫ് നഴ്സിംഗിന്റെ 20-ാം വാർഷികം ആഘോഷിച്ചു. ബി .എസ്.സി നേഴ്സിംഗ് പഠനത്തിനായി...

NEWS

കോതമംഗലം: കോതമംഗലം MLA ആൻറണി ജോണിൻ്റെ, മലയൻകീഴിനു സമീപം പ്രവർത്തിച്ചു വന്നിരുന്ന MLA ഓഫീസ് കോതമംഗലം ലയൺസ് ഹാളിനു സമീപമുള്ള കെട്ടിടത്തിലേക്ക് മാറ്റി പ്രവർത്തനം ആരംഭിച്ചു. പുതിയ എംഎൽഎ ആഫീസിൻ്റെ ഉൽഘാടനം മന്ത്രി P....

NEWS

കോതമംഗലം: മഹാപരിശുദ്ധനായ യൽദോ മാർ ബസേലിയോസ് ബാവായുടെ കബറിടം സ്ഥിതി ചെയ്യുന്ന ആഗോള സർവ്വ മത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ ഉജ്ജ്വലം – 2023 എന്ന പേരിൽ...

ACCIDENT

കോതമംഗലം : കെ.എസ്.ആർ.ടി.സി. ജംഗ്ഷനിൽ ഇന്ന് രാവിലെയുണ്ടായ വാഹനാപകടത്തിൽ കറുകടം സ്വദേശിക്ക് ദാരുണാന്ത്യം. കറുകടം സ്വദേശിയും കോതമംഗലം ചെറിയപള്ളി മുൻ ട്രസ്റ്റിയുമായിരുന്ന പാലപ്പിള്ളിൽ വീട്ടിൽ എൽദോസ് (71) ആണ് മരിച്ചത്. ഇന്ന് രാവിലെ ചെറിയപള്ളിയുടെ...

error: Content is protected !!