കോതമംഗലം : കുളിക്കാൻ കനാലിലിറങ്ങിയ ആൾ മുങ്ങിമരിച്ചു. ഭൂതത്താൻകെട്ടിനു സമീപം പത്തിരിച്ചാൽ ഭാഗത്താണ് അപകടം സംഭവിച്ചത്. ചേലാട് സ്വദേശി പുതുക്കയിൽ മത്തായി (80) ആണ് മരിച്ചത്. പത്തിരിച്ചാൽ പാലത്തിന് സമീപം മെയിൻ കനാലിൽ കുളിക്കുന്നതിനിടയിലാണ് അപകടം. കോതമംഗലം സ്‌ക്യൂബാ ടീം ഒരു മണിക്കൂർ നേരത്തെ തിരച്ചിലിനൊടുവിലാണ് ബോഡി കണ്ടെത്തിയത്.
STO കരുണാകരൻ പിള്ളയുടെ നേതൃത്വത്തിൽ സ്‌കൂബ ടീം അംഗങ്ങൾ ആയ M. അനിൽകുമാർ, KN. ബിജു, സിദ്ധിക്ക് ഇസ്മായിൽ, എന്നിവരും, KK. ബിനോയ്‌, KM. ഇബ്രാഹിം, ജെയ്‌സ്‌ജോയ്, F. പ്രദീപ്‌, R. മനു, RH.വൈശാഖ് എന്നിവരും ചേർന്നാണ് രക്ഷാപ്രവർത്തനം നടത്തിയത്.
