നാട്ടുകാരുടെ സഞ്ചാര സ്വാതന്ത്രം നിയന്ത്രിച്ചു കൊണ്ട് തെരുവ് നായ്ക്കൾ; ഹോൺ അടിച്ചാൽ വഴി തടയിലും മുരങ്ങലും.

കീരംപാറ : പുന്നേക്കാട്ട് തെരുവ് നായ ശല്ല്യം രൂക്ഷമായി. കീരംപാറ പഞ്ചായത്ത്‌ ഓഫീസിനു സമീപം പുന്നെക്കാട് റോഡിൽ പൊതു ജനങ്ങൾക്ക്‌ ഭീഷണിയായി മാറുകയാണ് തെരുവ് നായ്ക്കളുടെ കൂട്ടം. പലവിധ ആവശ്യങ്ങൾക്കായി പൊതുജനങ്ങൾ വരുന്ന ഈ പഞ്ചായത്ത് ഓഫീസിനു സമീപം പ്രധാന പാതയിൽ നായ്ക്കൂട്ടം തമ്പടിച്ചിരിക്കുന്നതുമൂലം ചില്ലറ ഭീതിയൊന്നുമല്ല ജനങ്ങൾക്ക്. ഇതുവഴി സഞ്ചരിക്കുന്ന ഇരു ചക്ര വാഹന യാത്രികർക്കും ഇവർ തലവേദന സൃഷ്ടിക്കുകയാണ്.

റോഡിനു കുറുകെ ചാടുന്നത് വഴി പല ഇരുചക്ര വാഹന യാത്രികരും മറിഞ്ഞു വീഴുന്നതും പതിവാണ്. ചിലരകട്ടെ തലനാരിഴക്ക് രക്ഷപെട്ട ആശ്വാസത്തിലും. റോഡിലെ ഇരുചക്ര വാഹനങ്ങൾക്കും കാൽനടക്കാർക്കും ഭീഷണിയാകുന്ന തെരുവ് നായ ശല്യം പരിഹരിക്കാനുള്ള അടിയന്തര നടപടി കൈകൊള്ളണമെന്നാണ് നാട്ടുകാർ ആവശ്യപ്പെടുന്നത്.