കോതമംഗലം: കാരക്കുന്നം ഫാത്തിമമാത എല്പി സ്കൂള് പ്ലാറ്റിനം ജൂബിലി സമാപനവും, ജൂബിലി സ്മാരക സ്നേഹവീടിന്റെ താക്കോല്ദാനവും 12ന് നടക്കും. ഒരുക്കങ്ങള് പൂര്ത്തിയായതായി സ്കൂള് മാനേജര് ഫാ. ജോര്ജ് വള്ളോംകുന്നേല് പത്രസമ്മേളനത്തില് അറിയിച്ചു.12ന് ഉച്ചകഴിഞ്ഞ് മൂന്നിന് നടത്തുന്ന സമ്മേളനം കോതമംഗലം ബിഷപ് മാര് ജോര്ജ് മഠത്തിക്കണ്ടത്തില് ഉദ്ഘാടനം ചെയ്യും.
സ്കൂള് മാനേജര് ഫാ. ജോര്ജ് വള്ളോംകുന്നേല് അധ്യക്ഷത വഹിക്കും. ആന്റണി ജോണ് എംഎല്എ സ്നേഹവീടിന്റെ താക്കോല്ദാനം നിര്വഹിക്കും. സമ്മേളനത്തില് സര്വിസില് നിന്ന് വിരമിക്കുന്ന പ്രധാനാധ്യാപകന് വിന്സന്റ് ജോസഫിന് യാത്രയയപ്പ് നല്കും.വിദ്യാഭ്യാസ സെക്രട്ടറി ഫാ. ഷാജി മാത്യു മുണ്ടയ്ക്കല്, മുന് മാനേജര് റവ. ഡോ. തോമസ് ജെ. പറയിടം, ജില്ലാ പഞ്ചായത്ത് പ്രസിഡന്റ് കെ.ജി രാധാകൃഷ്ണന്, കോതമംഗലം നഗരസഭ ചെയര്പേഴ്സണ് ഭാനുമതി രാജു, വൈസ് ചെയര്മാന് പ്രിന്സ് വര്ക്കി, വാര്ഡ് കൗണ്സിലര് ഡോ. ആഷ്ലി ജോസഫ്, എഇഒ കെ.ബി സജീവ്, സോമി ജോണ്, ജോസ് പോള്, ജിന്റോ സെബാസ്റ്റ്യന് എന്നിവര് പ്രസംഗിക്കും.
തുടര്ന്ന് വിദ്യാര്ഥികളും, പൂര്വവിദ്യാര്ഥികളും അവതരിപ്പിക്കുന്ന കലാസന്ധ്യയും അരങ്ങേറും. പത്ര സമ്മേളനത്തില് പ്രധാനാധ്യാകന് വിന്സന്റ് ജോസഫ്, പിടിഎ പ്രസിഡന്റ് അരുണ്, പ്ലാറ്റിനം ജൂബിലി സ്നേഹവീട് കണ്വീനര് ജിന്റോ സെബാസ്റ്റ്യന് എന്നിവരും പങ്കെടുത്തു.
