ACCIDENT
ഇടമലയാർ പവർ ഹൗസിലെ വൈദ്യുതി ബോർഡ് ജീവനക്കാരൻ ജോലിക്കിടെ മരിച്ചു

കോതമംഗലം: ജോലി ചെയ്യുന്നതിനിടെ ഇടമലയാർ പവർഹൗസിലെ ജീവനക്കാരൻ മരണമടഞ്ഞു. മൂവാറ്റുപുഴ കടാതി പുളിയന്മല ചാലിൽ പുത്തൻപുര വിവേക് (34 )ആണ് മരിച്ചത്. രാവിലെ ഒൻപത് മണിക്കാണ് സംഭവം നടക്കുന്നത്. ജീവനക്കാരോട് ഒപ്പം ജോലി ചെയ്യുന്നതിനിടെ പെട്ടന്ന് ഷോക്ക് ഏറ്റതുപോലെ അനുഭവപ്പെടുകയായിരുന്നു. ഉടൻ തന്നെ കോതമംഗലത്തെ സ്വകാര്യ ആശുപത്രിയിൽ എത്തിച്ചെങ്കിലും മരണമടഞ്ഞിരുന്നു. ഷോക്കേറ്റ് മരിച്ചതാണോ, അതോ ഹൃദയസ്തംഭനമാണോ മരണകാരണമെന്ന് സംശയം ഉള്ളതുകൊണ്ട് മൃതദേഹം മൂവാറ്റുപുഴ ജനറൽ ആശുപത്രി മോർച്ചറിയിലേക്ക് മാറ്റി. രാവിലെ പോലീസ് സർജൻ പോസ്റ്റ്മോർട്ടം നടത്തും. ഭാര്യ : പ്രഭലത ( പുതുവൈപ്പ് തക്കളപ്പറമ്പ് കുടുംബാംഗം,) മക്കൾ: ഇഷാൻ (5), തേജസ് (2) വയസ്സ് . സംസ്കാരം നാളെ 2 ന് നഗരസഭാ ശ്മശാനത്തിൽ.
ACCIDENT
ഇരുമലപ്പടിയിൽ ഉണ്ടായ വാഹനാപകടത്തിൽ നാട്ടുകാരൻ മരണപ്പെട്ടു.

നെല്ലിക്കുഴി : ഇരുമലപ്പടിയിൽ ഉണ്ടായ വാഹനാപകടത്തിൽ നാട്ടുകാരൻ മരണപ്പെട്ടു.
28-05-2023 ഞായർ നെല്ലിക്കുഴി ഇരുമലപ്പടി കിഴക്കേ കവല കുപ്പശ്ശേരി മോളം റോഡിന് സമീപം താമസിക്കുന്ന ഇടപ്പാറ പരേതനായ മക്കാർ – മീരാമ്മ തംബതികളുടെ മകൻ അലിയാർ ഇ എം (52) മരണപെട്ടു. ഭാര്യ റഷീദ അലിയാർ, മക്കൾ – മുഹ്സിന (ഡോക്ടർ ) മുബാരിസ് (വിദ്യാർത്ഥി ). ഖബറടക്കം നെല്ലിക്കുഴി കമ്പനിപ്പടി നെല്ലിക്കുന്നത്ത് ജുമാ മസ്ജിദ് ഖബർസ്ഥാനിൽ നാളെ 12 മണിക്ക് . 28 – 05-2023 ഞായർ രാവിലെ 11 ന് ഇരുമലപ്പടി പടിഞ്ഞാറെ കവലയിൽ വച്ചാണ് വാഹന അപകടമുണ്ടായത്. ആദ്യം ബസോലിയോസ് ആശുപത്രിയിലും പരുക്ക് ഗുരുതരമായതിനാൽ തുടർന്ന് എറണാകുളം ആസ്റ്റർ മെഡിസിറ്റിയിലേക്ക് കൊണ്ട് പോയെങ്കിലും ജീവൻ രക്ഷിക്കാൻ സാധിച്ചില്ല.
ACCIDENT
നിയന്ത്രണം വിട്ട ബസ് റോഡിൽ നിന്നും താഴേക്ക് തെന്നിയിറങ്ങി; യാത്രക്കാർ സുരക്ഷിതർ

കവളങ്ങാട്ത : തലക്കോട് ഇഞ്ചിപ്പാറ ചെക്ക് പോസ്റ്റിന് സമീപം നിയന്ത്രണം വിട്ട ബസ് മണ്ണിൽ കുത്തി ചെരിഞ്ഞു. ഊന്നുകൽ പോലീസ് സ്ഥലത്തെത്തി മേൽ നടപടികൾ സ്വീകരിച്ചു. വെള്ളക്കയത്ത് നിന്ന് കോതമംഗലം ഭാഗത്തേക്ക് വരികയായിരുന്ന സ്വകാര്യ ബസ്സ് ഇഞ്ചിപ്പാറ ചെക്ക് പോസ്റ്റിന് സമീപം വച്ചാണ് അപകടത്തിൽപ്പെട്ടത്. നിയന്ത്രണം നഷ്ടപ്പെട്ട ബസ് മുൻഭാഗം മണ്ണിൽ കുത്തി ചെരിഞ്ഞ് നിൽക്കുകയായിരുന്നു. മറിയാതിരുന്നത് മൂലം വൻ ദുരന്തം ഒഴിവാകുകയായിരുന്നു. യാത്രക്കാർ കുറവായിരുന്നു, ആർക്കും കാര്യമായ പരിക്കുകളില്ല. ഊന്നുകൽ പോലീസ് സ്ഥലത്തെത്തി മേൽനടപടികൾ സ്വീകരിച്ചു.
ACCIDENT
വാഹനാപകടത്തിൽ വിദ്യാർത്ഥി മരണപ്പെട്ടു.

കോതമംഗലം : പല്ലാരിമംഗലം കൂവള്ളൂരിലുണ്ടായ വാഹനാപകടത്തിൽ വിദ്യാർത്ഥി മരണപ്പെട്ടു. കൂറ്റംവേലി സ്വദേശി കൊല്ലിക്കുന്നേൽ വീട്ടിൽ ഷാജിയുടെ മകൻ മുഹമ്മദ് അഷ്കർ ( 17) ആണ് മരിച്ചത്. ഇന്ന് രാവിലെ 7 മണിക്ക് കെ.എസ്.ആർ.ടി.സി ബസും സ്കൂട്ടറും കൂട്ടിയിടിച്ചാണ് അപകടമുണ്ടായത്. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പല്ലാരിമംഗലം വി.എച്ച്.എസ്.ഇ സ്കൂളിലെ ഒന്നാം വർഷ പ്ലസ് വൺ വിദ്യാർത്ഥിയാണ് അഷ്കർ.
-
CHUTTUVATTOM2 days ago
രാജ്യത്തെ മികച്ച കോളജുകളിൽ ഒന്നായി വീണ്ടും കോതമംഗലം മാർ അത്തനേഷ്യസ്
-
CRIME1 day ago
മർദനമേറ്റ് വയോധികൻ മരിച്ച കേസിൽ വളർത്തു മകൻ റിമാൻറിൽ.
-
CRIME3 hours ago
വീട്ടിൽ അതിക്രമിച്ചു കയറി ദേഹോപദ്രവം ഏൽപ്പിച്ച് കവർച്ച നടത്തിയവരെ കോതമംഗലം പോലീസ് പിടികൂടി
-
AGRICULTURE1 week ago
കാറ്റിലും മഴയിലും കോതമംഗലം മേഖലയിൽ കനത്ത കൃഷി നാശം; ഒരു കോടിക്ക് മുകളിൽ നഷ്ടം
-
CRIME5 days ago
മലഞ്ചരക്ക് മോഷ്ടാക്കൾ പിടിയിൽ.
-
CRIME1 day ago
മൂവാറ്റുപുഴ സ്വദേശിയിൽ നിന്ന് ഒരു കോടി അഞ്ച് ലക്ഷം തട്ടിയ കേസിൽ രണ്ട് പേർ അറസ്റ്റിൽ
-
NEWS1 week ago
നെല്ലിക്കുഴി ഉപതിരഞ്ഞെടുപ്പിൽ അരുൺ സി ഗോവിന്ദ് വെന്നിക്കൊടി പാറിച്ചു ; തോൽവിയുടെ ഞെട്ടലിൽ ബിജെപി
-
NEWS1 day ago
വീടിനു നേരെ കാട്ടു കൊമ്പന്റെ ആക്രമണം: ഭയന്ന് വിറച്ചു വീട്ടുകാർ
You must be logged in to post a comment Login