പൈമറ്റം ഗവ: യു പി സ്കൂളിൽ സംസ്ഥാന സർക്കാർ അനുവദിച്ച 1കോടിരൂപ കിഫ്ബി ഫണ്ട് ഉപയോഗിച്ച് നിർമ്മിക്കുന്ന ബഹുനില മന്ദിരത്തിൻ്റെ ഉദ്ഘാടനം എംഎൽഎ ആൻ്റണി ജോൺ നിർവ്വഹിച്ചു. പഞ്ചായത്ത് പ്രസിഡൻ്റ് ഖദീജ മുഹമ്മദ് അദ്ധ്യക്ഷതവഹിച്ചു. വൈസ് പ്രസിഡൻ്റ് ഒ ഇ അബ്ബാസ് മുഖ്യപ്രഭാഷണം നടത്തി. ബ്ലോക്ക്പഞ്ചായത്തംഗം നിസാമോൾ ഇസ്മയിൽ, പഞ്ചായത്തംഗങ്ങളായ സഫിയ സലിം, സീനത്ത് മൈതീൻ, റിയാസ് തുരുത്തേൽ, എ എ രമണൻ, നസിയ ഷെമീർ ഹെഡ്മിസ്ട്രസ് സിനി എം വർഗ്ഗീസ്, പഞ്ചായത്ത് അസിസ്റ്റൻ്റ് സെക്രട്ടറി എം എം നിസീമ,സിഡിഎസ് ചെയർപേഴ്സൺ ഷെരീഫ റഷീദ്, പിടിഎ പ്രസിഡൻ്റ് പി എച്ച് സക്കീർ, എംപിടിഎ ചെയർപേഴ്സൺ അൻസൽന അബ്ദുൾ റഹ്മാൻ എന്നിവർ പ്രസംഗിച്ചു.
