കോതമംഗലം : കേരള സർക്കാർ കൺസ്യൂമർ ഫെഡറേഷനുമായി സഹകരിച്ച് നടപ്പിലാക്കുന്ന ഓണ ചന്തകളുടെ ജില്ലാ തല ഉദ്ഘാടനം കുത്തുകുഴി ബാങ്കിൽ ആന്റണി ജോൺ എം എൽ എ ഉദ്ഘാടനം ചെയ്തു.സർക്കാർ സബ്സിഡിയിൽ നിന്നും ബാങ്കിന്റെ സബ്സിഡി കൂടി ഉൾപ്പെടുത്തി 50 % ലധികം വില കുറവിലാണ് കുത്തുകുഴി ബാങ്കിൽ പലചരക്ക് കിറ്റുകൾ വിതരണം നടത്തുന്നത്.കർഷകരിൽ നിന്നും ഉയർന്ന വിലയ്ക്ക് സംഭരിക്കുന്ന ഏത്തക്കായ കിലോ 40 രൂപ നിരക്കിൽ വിൽപ്പന നടത്തുന്നു.
പച്ചക്കറി,കൈത്തറി,പായസം,കരകൗശല ഉൽപ്പന്നങ്ങൾ എന്നിവ ഓണ ചന്തയിൽ ലഭ്യമാണ്.പാലിയേറ്റീവ് രോഗികൾക്ക് നൽകുന്ന സൗജന്യ ഓണക്കിറ്റിന്റെ വിതരണവും നടത്തി.ചടങ്ങിൽ കൺസ്യൂമർ ഫെഡ് വൈസ് ചെയർമാൻ പി എം ഇസ്മായിൽ,ജില്ലാ സഹകരണ സംഘം രജിസ്ട്രാർ സജീവ് കർത്ത,കൺസ്യൂമർ ഫെഡ് റീജിയണൽ മാനേജർ മേരി വർഗീസ്,കോതമംഗലം സഹകരണ സംഘം അസിസ്റ്റന്റ് രജിസ്ട്രാർമാരായ കെ സുനിൽ,പി ജി ദാസ്,മുനിസിപ്പൽ കൗൺസിലർമാരായ ഭാനുമതി രാജു,വിദ്യാ പ്രസന്നൻ,ഭരണ സമിതിയംഗങ്ങൾ എന്നിവർ പങ്കെടുത്തു.ബാങ്ക് പ്രസിഡന്റ് അഡ്വ. വി എം ബിജുകുമാർ സ്വാഗതവും ബിന്ദു ആർ നന്ദിയും രേഖപ്പെടുത്തി.
