കോതമംഗലം: നെല്ലിക്കുഴി ചിറപ്പടിയിൽ നിന്നും ഒരു ലക്ഷം രൂപ വിലവരുന്ന ബൈക്ക് മോഷ്ടിച്ച പ്രതിയെ പിടികൂടി. ചെറുവട്ടൂർ കുരുവിനാപാറയിൽ വാടകയ്ക്ക് താമസിക്കുന്ന മറ്റത്തിൽ മഹിലാൽ മണിക്കുട്ടനാണ് പിടിയിലായത്. ആഗസ്റ്റ് ഏഴിനാണ് പ്രതി നെല്ലിക്കുഴി പടപ്പറമ്പിൽ അജാസിന്റെ ബൈക്ക് മോഷ്ടിച്ചത്. പ്രതി ഇതിനുമുമ്പും മുവാറ്റുപുഴ, പെരുമ്പാവൂർ, ആലുവ സ്റ്റേഷൻ പരിധികളിൽ നിന്നും ബൈക്ക് മോഷണ കേസിൽ ശിക്ഷ അനുഭവിച്ചയാളാണ്. കോതമംഗലം പോലീസ് ഇൻസ്‌പെക്ടർ അനിൽ ബി യുടെ നേതൃത്വത്തിൽ എസ് ഐ മാരായ റെജിരാജ് ,ഇ പി ജോയ്, എ എസ് ഐ മാരായ നിജു ഭാസ്‌കർ, രഘുനാഥ്, സി പി ഓ ആസാദ് എന്നിവരാണ് പ്രതിയെ പ്രതിയെ പിടി കൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
