Connect with us

Hi, what are you looking for?

NEWS

“ഭൂതത്താൻകെട്ട് പുതിയ പാലം” ജൂലൈ 10 ന് നാടിന് സമർപ്പിക്കും: ആന്റണി ജോൺ എംഎൽഎ.

കോതമംഗലം: കോതമംഗലം മണ്ഡലത്തിലെ ഭൂതത്താൻകെട്ട് ബാരേജിന് സമാന്തരമായി  നിർമ്മിച്ച പുതിയ പാലം ജൂലൈ 10 ന് ബഹു: ജലവിഭവ വകുപ്പ് മന്ത്രി കെ കൃഷ്ണൻകുട്ടി നാടിന് സമർപ്പിക്കുമെന്ന് ആന്റണി ജോൺ എംഎൽഎ അറിയിച്ചു. കോതമംഗലത്ത് നിന്നും ഇടമലയാർ,വടാട്ടുപാറ പ്രദേശങ്ങളിലേക്കും താളുകണ്ടം,പോങ്ങും ചുവട് ആദിവാസി കോളനി തുടങ്ങിയ സ്ഥലങ്ങളിലേക്കും ഭൂതത്താൻകെട്ട് ബാരേജിനു മുകളിലുള്ള റോഡിലൂടെ മാത്രമെ എത്തിച്ചേരുവാൻ സാധിക്കുകയുള്ളു. സാങ്കേതിക കാരണങ്ങളാലും സുരക്ഷിത കാരണങ്ങളാലും ബാരേജിലൂടെയുള്ള വാഹന ഗതാഗതം മുന്നോട്ട് കൊണ്ടു പോകാൻ സാധിക്കാത്ത അവസ്ഥയാണുള്ളത്. ഈ സാഹചര്യത്തിലാണ് ബാരേജിനു കുറുകെ പുതിയ പാലം നിർമ്മിച്ചത്.

(FILE PHOTO FROM KOTHAMANGALAMNEWS.COM MEDIA LIBRARY )

11 സ്പാനുകളോടു കൂടി 235 മീറ്റർ നീളത്തിലും,11 മീറ്റർ വീതിയിലും പാലവും ഇരു കരകളിലും അപ്രോച്ച് റോഡും ഉൾപ്പെടെ സാങ്കേതിക അനുമതി ലഭിക്കുകയും പാലത്തിന്റെ നിർമ്മാണം ആരംഭിക്കുകയും ചെയ്തു. നിർമ്മാണ വേളയിൽ ഭൂതത്താൻകെട്ടിന്റെ മുഖ്യ ആകർഷണമായ ഗാർഡന്റെ സ്ഥലം മുറിഞ്ഞു പോകാത്ത രീതിയിൽ ഡിസൈനിൽ മാറ്റം വരുത്തുകയും,3 ലാന്റ് സ്പാനും കൂട്ടി ചേർത്ത് 14 സ്പാനുകളും, 296 മീറ്റർ നീളവും,11 മീറ്റർ വീതിയും ഉള്ള പാലവും ഇരു കരകളിലും അപ്രോച്ച് റോഡുകളും ഉൾപ്പെടുത്തി 19.95 കോടി രൂപ ചെലവഴിച്ചാണ് പാലം നിർമ്മാണം പൂർത്തീകരിച്ചതെന്നും,പുതിയ പാലം ജൂലൈ 10 ന് നാടിന് സമർപ്പിക്കുമെന്നും  ആന്റണി ജോൺ എംഎൽഎ പറഞ്ഞു.

You May Also Like

NEWS

കോതമംഗലം :ഇളങ്ങവം ഗവ ഹൈടെക് എൽ പി സ്കൂൾ 62 -)മത് വാർഷികാഘോഷവും, സ്തുത്യർഹമായ സേവനത്തിനു ശേഷം സെർവീസിൽ നിന്നും വിരമിക്കുന്ന രജനി ടീച്ചർക്കുള്ള യാത്രയയപ്പും സംഘടിപ്പിച്ചു. ഉദ്ഘാടനം ആന്റണി ജോൺ എംഎൽഎ...

NEWS

കോതമംഗലം : കോതമംഗലം നിയോജക മണ്ഡലത്തിൽ എം എൽ എയുടെ ആസ്തി വികസന ഫണ്ട് 3.5 കോടി രൂപ ചിലവഴിച്ചുള്ള കനാൽ ബണ്ട് നവീകരണത്തിന് തുടക്കമായി. മെയിൻ കനാൽ, ഹൈ ലെവൽ, ലോ...

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : ആന്റണി ജോൺ എം എൽ എ യുടെ പ്രത്യേക വികസന ഫണ്ടിൽ നിന്നും കോതമംഗലം നിയോജക മണ്ഡലത്തിലെ 23 ലൈബ്രറികൾക്ക് പുസ്തകങ്ങൾ വിതരണം ചെയ്തു. കേരളീയത്തിൻ്റെ ഭാഗമായി കേരള നിയമസഭ...