ആയക്കാട്: ആയക്കാട് പെരിയാർവാലി ബ്രാഞ്ച് കനാലിൻ്റെ കൈവഴിയിൽ നിന്ന് കൂറ്റൻ പെരുമ്പാമ്പിനെ ഇന്ന് പിടികൂടി.
ആയക്കാട് അമ്പലത്തിന് സമീപം പെരിയാർവാലി കനാലിൻ്റെ കൈവഴിയായ തോട്ടിലാണ് പാമ്പിനെ കണ്ടത്. ഉടനെ നാട്ടുകാർ കോടനാട് സ്പെഷ്യൽ പ്രൊട്ടക്ഷൻ ഫോഴ്സിനെ വിവരമറിയിക്കുകയായിരുന്നു.
തുടർന്ന് കോട്ടപ്പടി സ്വദേശിയായ പാമ്പുപിടുത്ത വിദഗ്ദ്ധൻ ജൂവൽ ജൂഡി സ്ഥലത്തെത്തുകയായിരുന്നു. ഒരു മണിക്കൂറോളം നീണ്ടു നിന്ന ശ്രമത്തിനൊടുവിലാണ് തോട്ടിൽ നിന്ന് പെരുമ്പാമ്പിനെ കരക്കെത്തിച്ച് ചാക്കിലാക്കാൻ കഴിഞ്ഞത്.
പിടികൂടിയ പാമ്പിനെ കോടനാട് സ്പെഷ്യൽ പ്രൊട്ടക്ഷൻ ഫോഴ്സിന് കൈമാറി.
