കോതമംഗലം : സംസ്ഥാനത്തെ മികച്ച തഹസിൽദാർ മാർക്കുള്ള റവന്യൂ അവാർഡ് കരസ്ഥമാക്കിയ കോതമംഗലം തഹസിൽദാർ റേച്ചൽ.കെ. വർഗീസിനെയും , ഭൂരേഖ തഹസിൽദാർ നാസർ കെ.എം. നെ യും കോതമംഗലം എം.എൽ.എ. ആന്റണി ജോൺ അനുമോദിച്ചു. കോതമംഗലം താലൂക്ക് നിവാസികൾക്ക് ആശ്വാസകരമായ വിധം പട്ടയ വിതരണം ഉൾപ്പടെ അടിയന്തിര പ്രാധാന്യമുള്ള പ്രശ്നങ്ങൾ സമയ ബന്ധിതമായി പരിഹരിആന്നതിന് നടത്തിവരുന്ന ഇടപെടലുകളാണ് തഹസിൽദാർമാരെ അവാർഡിനർഹമാക്കിയതെന്ന് എം.എൽ.എ. പറഞ്ഞു.
കൂടുതൽ കാര്യക്ഷമവും, ജനക്ഷേമകരവും, മാതൃകാ പരവുമായ സേവനം ഉറപ്പ് വരുത്തുന്നതിന് ജീവനക്കാരുടെ കൂട്ടായ സഹകരണം ഉണ്ടാകണമെന്നും അദ്ദേഹം പറഞ്ഞു. എം.എൽ.എ. എന്ന നിലക്ക് ജീവനക്കാരുടെ ഊർജ്ജസ്വലമായ പ്രവർത്തനങ്ങൾക്ക് നൽകി വരുന്ന പിന്തുണ തുടർന്നും ഉണ്ടാകുമെന്ന് ഉറപ്പ് നൽകി. കോതമംഗലം താലൂക്കാഫീസിൽ നടന്ന അനുമോദന ചടങ്ങിൽ തഹസിൽദാർമാരും മുഴുവൻ ജീവനക്കാരും പങ്കെടുത്തു.
