കുറുപ്പംപടി : യുവാവിനെ കൊലപ്പെടുത്താന്‍ ശ്രമിച്ച കേസില്‍ പ്രതി പിടിയില്‍. കടമായി വാങ്ങിയ പൈസ തിരികെ ചോദിച്ചതിലുള്ള വൈരാഗ്യത്തില്‍ യുവാവിനെ കൊലപ്പെടുത്താന്‍ ശ്രമിച്ച കേസില്‍ പ്രതി പിടിയില്‍. വേങ്ങൂര്‍ തുരുത്തിക്കര തുരുത്തിമാലില്‍ വീട്ടില്‍ ഹിരൺചന്ദ് (23) എന്നയാളെയാണ് കുറുപ്പംപടി പോലീസ് പിടികൂടിയത്. തുരുത്തിക്കര സ്വദേശിയായ വിഷ്ണുവിനോട് ഹിരൺചന്ദ് മുന്‍മ്പ് പൈസ കടം വാങ്ങിയിരുന്നു പലപ്രാവശ്യം പൈസ തിരികെ അവശ്യപ്പെട്ടിട്ടും തിരികെ നല്‍കാത്തതിനെ തുടര്‍ന്ന് കഴിഞ്ഞ ദിവസം ഹിരൺചന്ദിന്‍റെ വീടിലെത്തി വിഷ്ണു പൈസ അവശ്യപ്പെടുകയായിരുന്നു.
ഇതില്‍ പ്രകോപിതനായ ഹിരൺചന്ദ് വീട്ടില്‍ സൂക്ഷിച്ചിരുന്ന എയർ ഗൺ ഉപയോഗിച്ച് വിഷ്ണുവിനു നേരെ നിറയോഴിച്ചു. കഴുത്തിനു സമീപം വെടിയേറ്റ വിഷ്ണു ചികിത്സയിലാണ്. കുറുപ്പംപടി പോലീസ് ഇന്‍സ്പെക്ടര്‍ ജെ.പ്രദീപിന്‍റെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്.
