കോതമംഗലം :- കോതമംഗലത്തെ സ്വകാര്യ ബസ് ജീവനക്കാരനും തങ്കളം സ്വദേശിയുമായ നിസ്സാർ തലയിലേക്കുള്ള ഞരമ്പിന് സംഭവിച്ച തകരാർ മൂലം എറണാകുളം മെഡിക്കൽ ട്രസ്റ്റ് ഹോസ്പിറ്റലിൽ ചികിത്സയിൽ ആണ്. നിസ്സാറിന് വേണ്ടി കോതമംഗലത്തെ പ്രൈവറ്റ് ബസുകൾ ഇന്നത്തെ (24/01/2022)ഒരു ദിവസത്തെ കളക്ഷൻ ചികിത്സ സഹായ ഫണ്ടിലേക്ക് സ്വരൂപിച്ചു. ഫണ്ട് കളക്ഷന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.
മോട്ടോർ തൊഴിലാളി യൂണിയൻ കോതമംഗലം സി ഐ ടി യു സെക്രട്ടറി എൽദോ കെ തോമസ് അധ്യക്ഷത വഹിച്ച ചടങ്ങിൽ സി പി ഐ എം ഏരിയ സെക്രട്ടറി കെ എ ജോയി,മുനിസിപ്പൽ കൗൺസിലർമാരായ കെ എ നൗഷാദ്,പി ആർ ഉണ്ണികൃഷ്ണൻ,ബസ് ഓണേഴ്സ് അസോസിയേഷൻ സെക്രട്ടറി സി ബി നിവാസ്,പി എച്ച് മുഹമ്മദ് ബഷീർ,നാസർ,ബസ് ജീവനക്കാർ തുടങ്ങിയവർ പങ്കെടുത്തു.
