ഓൾഡ് ആലുവ – മൂന്നാർ രാജപാത പുനർനിർമ്മാണം; ജനകീയ മാർച്ചിന് അനുമതി നിക്ഷേധിച്ചു.

കോതമംഗലം : ഓൾഡ് ആലുവ – മൂന്നാർ ( രാജപാത )PWD റോഡ് പുനർ ഗതാഗത യോഗ്യമാക്കണമെന്ന് ആവശ്യപെട്ടുകൊണ്ട് കുട്ടമ്പുഴ പഞ്ചായത്ത് ഗ്രാമവികസന സമിതിയുടെയും മാങ്കുളം പഞ്ചായത്ത് ഗ്രാമവികസന സമിതിയുടെയും പൂയംകുട്ടി ജനസംരക്ഷണ സമിതിയുടെയും നേതൃത്വത്തിൽ 15 -12 -2021-ാം തിയതി ബുധനാഴ്ച്ച രാവിലെ 8 മണിക്ക് പൂയംകുട്ടിയിൽ നിന്നും ഓൾഡ് PWD റോഡിൽ കൂടി മാങ്കുളത്തേക്ക് കാൽനടയായി നടന്നുകൊണ്ട് ജനകീയ മാർച്ച് നടത്തുന്നതിനാണ് തീരുമാനിച്ചിരുന്നത്. ഈ ജനകീയ മാർച്ചിന് ഫോറസ്റ്റ് ഡിപ്പാർട്ടുമെന്റിന്റെ ഭാഗത്ത് നിന്നും വേണ്ടുന്ന അനുമതികളും സഹായങ്ങളും ചെയ്ത് തരണമെന്നും ജനകീയ മാർച്ചിനോടോപ്പം ഫോറസ്റ്റ് ഉദ്യോഗസ്ഥരെ അഴയ്ക്കുവാൻ നടപടികൾ ഉണ്ടാകണം എന്ന് കാണിച്ച് 45 ദിവസം മുൻപ് മലയാറ്റൂർ DFO യ്ക്കും കുട്ടമ്പുഴ ഫോറസ്റ്റ് റെയിഞ്ച് ഓഫീസർക്കും രേഖ മൂലം കത്തുകൾ നൽകിയിരുന്നു. ഈ കത്തിനുള്ള മറുപടിയിലാണ്. കുട്ടമ്പുഴ ഫോറസ്റ്റ് റേഞ്ച് ഓഫീസറുടെ 1/12/20 21-ാം തിയതിയിലെ KP 358/2021-)0 നമ്പർ കത്ത് പ്രകാരമാണ് ജനകീയ മാർച്ചിന് അനുമതി നിക്ഷേധിച്ചിട്ടുള്ളത്.

മുവാറ്റുപുഴ PWD ഡിവിഷന്റെ ആസ്ഥി വികസനരജിസ്റ്ററിൽ AD 1878 മുതൽ ഉൾപ്പെട്ട് വരുന്ന റോഡ് ആണ് ഓൾഡ് ആലുവ – മൂന്നാർ ( രാജപാത )റോഡ്. കോതമംഗലം മുതൽ പെരുമ്പൻ കുത്ത് വരെ (KP റോഡ്) 40 Km റോഡ് മുവാറ്റുപുഴ PWD ഡിവിഷന്റെ കീഴിലും പെരുമ്പൻകുത്ത് മുതൽ മൂന്നാർ വരെ വരുന്ന 16 km റോഡ് മൂന്നാർ PWD ഡിവിഷന്റെയും കീഴിലാണ് വരുന്നത്.
എന്നാൽ പൂയംകുട്ടി മുതൽ പെരുമ്പൻ കുത്ത് വരെ വരുന്ന ഓൾഡ് PWD റോഡിൽ ഫോറസ്റ്റ് ഡിപ്പാർട്ടുമെന്റ് അനാവശ്യമായ തടസവാദങ്ങൾ ഉന്നയിച്ച് കൊണ്ട് ഗതാഗതം പൂർണമായും തടഞ്ഞിരിക്കുകയാണ്.

1924 ലെ വലിയ പ്രളയത്തെ തുടർന്ന് ഈ രാജപാതയിലെ പെരുമ്പൻകുത്തിന് സമീപമുള്ള കരിന്തിരി മലയുടെ വിവിധ ഭാഗങ്ങളിലായി മലയിടിച്ചിൽ ഉണ്ടായതിനേ തുടർന്നാണ് നേര്യമംഗലം – അടിമാലി വഴി ഇന്ന് കാണപെടുന്ന റോഡ് നിർമ്മിച്ച് ഗതാഗതം ആരംഭിച്ചത് മുതലാണ് ഓൾഡ് രാജപാതയിൽ കൂടിയുള്ള ഗതാഗത പൂർണമായും നിലച്ചിട്ടുള്ളത്.
എന്നാൽ 1936 വരെ ഈ ഓൾഡ് രാജപാത ഗതാഗതത്തിനായി ഉപയോഗിച്ചിരുന്നു. എന്നാൽ 1936 ന് ശേഷം ഓൾഡ് രാജപാതയിൽ കൂടിയുള്ള ഗതാഗതങ്ങൾ പൂർണ്ണമായും നിരോധിച്ചു കൊണ്ടുള്ള PWD യുടെ ഒരു ഉത്തരവുകളും ഇതുവരെ ഉണ്ടായില്ലാത്തതാണ്.

പൂയംകുട്ടി മുതൽ പെരുമ്പൻ കുത്ത് വരെയുളള ഓൾഡ് രാജപാത റോഡ് PWD ഫോറസ്റ്റ് ഡിപ്പാർട്ട്മെന്റിന് വിട്ടു കൊടുത്തു കൊണ്ടും ഒരു ഉത്തരവുകളും നിലവിൽ ഇല്ലാത്തതാണ് .
ഫോറസ്റ്റ് സിപ്പാർട്ടുമെന്റ് ഓൾഡ് രാജപാത റോഡ് പൂയംകുട്ടി മുതൽ പെരുമ്പൻകുത്ത് വരെ PWD യിൽ നിന്നും ഏറ്റെടുത്ത് കൊണ്ട് നാളിതു വരെ ഒരു ഉത്തരവുകളും ഇറക്കിയിട്ടില്ലാത്തതുമാണ്.
ഈ ഓൾഡ് രാജപാത ഗതാഗത യോഗ്യമാക്കണമെന്നാവശ്യപ്പെട്ടുകൊണ്ട് ഈ കഴിഞ്ഞ ആഗസ്റ്റ് 8-ാം തിയതി മാങ്കുളത്ത് നിന്നും കോൺ(i) മാങ്കുളം മണ്ഡലം കമ്മിറ്റിയുടെ നേതൃത്വത്തിൽ ഓൾഡ് രാജപാതയിൽ കൂടി കാൽനടയായി നടത്തിയ പദയാത്രയിൽ പങ്കെടുത്ത എല്ലാ കോൺഗ്രസ് പ്രവർത്തകരുടെയും പേരിൽ കുട്ടമ്പുഴ ഫോറസ്റ്റ് റെയിഞ്ച് ഓഫീസർ വനത്തിൽ അതിക്രമിച്ച് കയറി എന്ന് പറഞ്ഞ് കൊണ്ട് കേസ് എടുത്തിരിക്കുകയാണ്. ഈ സാഹജര്യത്തിലാണ് 15-ാം തിയതിയിലെ ജനകീയ മാർച്ചിന് ഫോറസ്റ്റ് ഡിപ്പാർട്ടുമെന്റിനോട് രേഖ മൂലം അനുമതി ചോദിച്ചത്.

ഇതു സംബന്ധിച്ച് ഗവൺമെന്റ് ചീഫ്സെക്രട്ടറി, ഫോറസ്റ്റ് വകുപ്പ് പ്രിൻസിപ്പൽ സെക്രട്ടറി, പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ (ഹെഡ് & ഫോറസ്റ്റ് ഫോഴ്സ് ) , PWD പ്രിൻസിപ്പൽ സെക്രട്ടറി, PWD ചീഫ് എഞ്ചിനീയർ( റോഡ് സ് വിഭാഗം) എറണാകുളം – ഇടുക്കി ജില്ലാ കളക്ടർമാർക്കും ഇതു സംബന്ധിച്ച് അപേക്ഷകൾ നൽകി കാത്തിരിക്കുകയാണ് ജനങ്ങൾ . ഓൾഡ് രാജപാത പുനർ ഗതാഗത യോഗ്യമാക്കുന്നതിന് ഉത്തരവ് ഉണ്ടാകണമെന്നാവശ്യപ്പെട്ടുകൊണ്ട് ബഹു: ഹൈകോടതിയിൽ WP(c)25663/2020-)o നമ്പർ ആയി ഒരു കേസ് നടന്നു വരുന്നുണ്ട് .

ഓൾഡ് രാജപാത 100% PWD റോഡ് ആയിട്ടും റോഡ് പുനർ ഗതാഗത യോഗ്യമാക്കുന്ന കാര്യത്തിൽ ഫോറസ്റ്റ് ഡിപ്പാർട്ടുമെന്റ് തടസം നിൽക്കുന്നതിനാൽ മാങ്കുളം ഗ്രാമ പഞ്ചായത്ത് നിവാസികൾക്കും അടിമാലി ഗ്രാമ പഞ്ചായത്തിൽ ഉൾപ്പെട്ട് വരുന്ന കുറത്തി കൂടി ട്രൈബൽ വിഭാഗങ്ങൾക്കും പൂയംകുട്ടി വനമേഖലയ്ക്കുള്ളിൽ താമസിക്കുന്ന മറ്റ് നിരവധി ആദീവാസി ജനവിഭാഗങ്ങൾക്കും ഗതാഗതപരമായ സൗകര്യങ്ങൾ ഇല്ലാതെ വളരെയേറെ യാത്ര ദുരിതങ്ങൾ അനുഭവിക്കുകയാണ്. വരും നാളുകളിൽ ഇതു സംബന്ധിച്ച് വലിയ പ്രക്ഷോഭ സമര പരിപാടികളുമായി ജനങ്ങൾ മുന്നോട്ട് പോകുന്നതിനാണ് തീരുമാനിച്ചിട്ടുള്ളത്.