കോതമംഗലം : വേട്ടാമ്പാറയിൽ നിർമ്മാണം പൂർത്തീകരിച്ച 2 റോഡുകളുടെ ഉദ്ഘാടനം നടത്തി.കേരള കോൺഗ്രസ് (എം ) ചെയർമാൻ ജോസ് കെ മാണി എം പി യുടെ പ്രാദേശിക വികസന ഫണ്ട് ഉപയോഗിച്ച് നടപ്പാക്കിയ കടുക്കാസിറ്റി -പെരിയാർ റോഡിന്റെയും,വേട്ടാമ്പാറ – കുരിടിച്ചാൽ പമ്പ് ഹൗസ് റോഡിന്റെയും ഉദ്ഘാടനം ആന്റണി ജോൺ എം എൽ എ നിർവഹിച്ചു. മണ്ഡലം പ്രസിഡന്റ് എം എം ജോസഫ് അധ്യക്ഷത വഹിച്ച ചടങ്ങിൽ ജോസഫ് ആന്റണി സ്വാഗതവും കേരള കോൺഗ്രസ് (എം )ജില്ലാ പ്രസിഡന്റ് ടോമി ജോസഫ് ആമുഖപ്രസംഗവും നടത്തി.
ജില്ലാ പഞ്ചായത്ത് അംഗം റഷീദ സലിം, ബ്ലോക്ക് പഞ്ചായത്ത് അംഗം ലിസി ജോസഫ്, ഗ്രാമപഞ്ചായത്ത് അംഗം സിബി പോൾ, കേരള കോൺഗ്രസ്(എം )ജില്ലാ ജനറൽ സെക്രട്ടറി ഡേവിസ് പി എ, നിയോജകമണ്ഡലം പ്രസിഡന്റ് എൻ സി ചെറിയാൻ, യൂത്ത് ഫ്രണ്ട് ജില്ലാ പ്രസിഡന്റ് ജോസഫ് ജോസ്, സി പി എം ബ്രാഞ്ച് സെക്രട്ടറി ഓമനക്കുട്ടൻ,കെ എ ജോസഫ് കളമ്പാട്ട്, ജോബി ആന്റണി, സ്കറിയാച്ചൻ റ്റി വി, തങ്കച്ചൻ കുന്നേൽ, ജോർജ് കെ എം, സണ്ണി പുതുശേരി,തങ്കച്ചൻ കൊട്ടാരം,സാജു കവളക്കാട്ട് എന്നിവർ പങ്കെടുത്തു.
