കാട്ടുകൊമ്പൻ ആദിവാസി കുടുംബത്തിന്റെ വീട് തകർത്തു; മാതാപിതാക്കളും കുഞ്ഞും രക്ഷപ്പെട്ടു

കോതമംഗലം: കുട്ടമ്പുഴ പഞ്ചായത്തിലെ പിണവൂർകുടി ആദിവാസി ഉന്നതിയിൽ കാട്ടുകൊമ്പൻ വീട് തകർത്തു. ആനന്ദൻകുടി ഭാഗത്ത് ആലക്കൽ വിഷ്ണുവിന്റെ വീടാണ് തകർത്തത്. വിഷ്ണുവും ഭാര്യ വസുമതിയും മകൻ രണ്ടുവയസുള്ള വിശാലും വീട്ടിലുണ്ടായിരുന്നു. കുഞ്ഞിനേയും കൊണ്ട് മാതാപിതാക്കൾ ഓടി രക്ഷപ്പെടുകയായിരുന്നു. പ്ലാസ്സിക് പടുതയും തകരഷീറ്റും ഉപയോഗിച്ചുള്ള ഷെഡിലായിരുന്നു ഇവരുടെ താമസം. ഷെഡ് പൂർണമായും തകർന്നു. ചൊവ്വാഴ്ച പുലർച്ചെയാണ് സംഭവം.