പൈങ്ങോട്ടൂർ പഞ്ചായത്തിൽ കാട്ടാനയിറങ്ങി കൃഷി നശിപ്പിച്ചു

പോത്താനിക്കാട് : പൈങ്ങോട്ടൂർ പഞ്ചായത്തിലെ നാലാം ബ്ലോക്കിൽ കഴിഞ്ഞരാത്രിയിൽ കാട്ടാനയിറങ്ങി വ്യാപകമായി കൃഷി നശിപ്പിച്ചു. മണിക്കുന്നേൽ ഗോപാലൻ, ഏഴാനിക്കാട്ട് ബിജു എന്നിവരുടെ പുരയിടങ്ങളിൽ ഉള്ള വാഴ, തെങ്ങ്, കമുക് തുടങ്ങിയ കൃഷികൾ ആന നശിപ്പിച്ചു. പ്രദേശത്ത് നാളുകളായി കാട്ടാനയുടെ ശല്യം രൂക്ഷമാണ്.വർഷങ്ങൾക്കുമുൻപ് ഉരുൾപൊട്ടിയ പ്രദേശത്താണ് ഇപ്പോൾ കാട്ടാനശല്യം രൂക്ഷമായിരിക്കുന്നത്. കൃഷിനാശം സംഭവിച്ച സ്ഥലങ്ങൾ പഞ്ചായത്ത് പ്രസിഡന്റ് ജിജി ഷിജു, വനംവകുപ്പ് ഉദ്യോഗസ്ഥർ എന്നിവരെത്തി പരിശോധിച്ചു.