കോതമംഗലം : ഇടുക്കി, എറണാകുളം ജില്ലകളിലെ രാഷ്ട്രീയ – സാമൂഹ്യ മണ്ഡലങ്ങളിൽ നിറസാന്നിദ്ധ്യമായിരുന്ന വടാട്ടുപാറ രാധാകൃഷ്ണന്റെ 18-ാം ചരമവാർഷിക ദിനം വടാട്ടുപാറയിൽ ആചരിച്ചു. വടാട്ടുപാറ അരീക്ക സിറ്റിയിൽ നടന്ന അനുസ്മരണ യോഗത്തിൽ
പി ജി അനിൽകുമാർ അദ്ധ്യക്ഷത വഹിച്ചു. സി പി ഐ ജില്ലാ അസിസ്റ്റന്റ് സെക്രട്ടറി ഇ കെ ശിവൻ ഉദ്ഘാടനം ചെയ്തു. ജില്ലാ കൗൺസിൽ അംഗം എം കെ രാമചന്ദ്രൻ , സെക്രട്ടറിയേറ്റ് അംഗങ്ങളായ റ്റി സി ജോയി, പി കെ രാജേഷ് തുടങ്ങിയവർ പ്രസംഗിച്ചു. സെക്രട്ടറിയേറ്റ് അംഗം ശാന്തമ്മ പയസ് പതാക ഉയർത്തി. പി എ അനസ് സ്വാഗതവും കെ എം മനേഷ് നന്ദിയും പറഞ്ഞു.
പടം : വടാട്ടു പാറ രാധാകൃഷ്ണൻ അനുസ്മരണയോഗം സി പി ഐ ജില്ലാ അസിസ്റ്റന്റ് സെക്രട്ടറി ഇ കെ ശിവൻ ഉദ്ഘാടനം ചെയ്യുന്നു
