വടാട്ടുപാറ: കേരളത്തിന് കായിക രംഗത്ത് മികച്ച സംഭാവനകൾ നൽകിയ വടാട്ടുപാറ പൊയ്ക ഗ്രൗണ്ടിൽ സാമൂഹ്യവിരുദ്ധരുടെ അഴിഞ്ഞാട്ടം പട്ടാപ്പകലും. ഗ്രൗണ്ടും പരിസരവുമായി ബന്ധപ്പെട് വ്യാപകമായ കഞ്ചാവ് വിൽപ്പനയും, മദ്യപാനവും നടക്കുന്നതായി നാട്ടുകാർ വെളിപ്പെടുത്തുന്നു. ഗ്രൗണ്ടിലെ ഇരിപ്പിടവും ബെഞ്ചുകളും ഇവർ നശിപ്പിക്കുന്നതായി പരിസരവാസികൾ പറയുന്നു. സാമൂഹിക വിരുദ്ധരെ ഭയന്ന് ജനങ്ങൾ പരാതിപ്പെടാൻ മടിക്കുന്നു.
ഈ മേഖലയിൽ പോലീസ് പരിശോധന ശക്തിപ്പെടുത്തണമെന്നാണ് നാട്ടുകാർ ആവശ്യപ്പെടുന്നത്. ഒളിമ്പ്യൻ അനിൽഡ തോമസ്സും, സന്തോഷ് ട്രോഫി താരം അരുൺ കെ.ജെയും കളിച്ചു വളർന്ന ആദരണീയനായ അബ്ദുൽ കലാമിന്റെ പേരിലുള്ള കായിക വിശ്രമ കേന്ദ്രത്തിനാണ് ഈ ദുർവിധി.
