കോതമംഗലം : – വടാട്ടുപാറയിൽ നിർമാണത്തിലിരുന്ന വീടിൻ്റെ സ്ലാബ് തകർന്ന് വീണ് ഒരാൾ മരിച്ചു. ബംഗാൾ, മുർഷിദാബാദ് സ്വദേശി മൊഫിജുൾ ഹക്ക്(27) ആണ് മരിച്ചത്. വടാട്ടുപാറ മാവിൻ ചുവട് ഭാഗത്ത് ലൈഫ് പദ്ധതിയുടെ ഭാഗമായി വീടിൻ്റെ നിർമാണം നടന്നു വരുമ്പോഴാണ് കോൺക്രീറ്റ് സ്ലാബ് തകർന്ന് ദേഹത്തേക്ക് വീണത്.
മാരകമായി പരിക്കേറ്റയാളെ ഉടനെ കോതമംഗലം താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കുട്ടമ്പുഴ പോലീസ് സ്ഥലത്തെത്തി മേൽ നടപടികൾ സ്വീകരിച്ചു. പഞ്ചായത്ത് മെമ്പർമാരായ EC റോയി, എൽദോസ് ബേബി, സനൂപ് KS എന്നിവരും സ്ഥലത്തെത്തിയിരുന്നു. ഇന്ന് രാവിലെയാണ് നിർമാണത്തിലിരുന്ന വീടിൻ്റെ സ്ലാബ് തകർന്ന് അപകടം സംഭവിച്ചതെന്ന് പഞ്ചായത്ത് മെമ്പർ EC റോയി പറഞ്ഞു.
