തിരുവനന്തപുരം :പെരുമ്പാവൂർ നിയോജകമണ്ഡലത്തിലെ ജനസംഖ്യ വളരെ കൂടുതലും വലുതുമായ പഞ്ചായത്തുകൾ വിഭജിച്ച് പുതിയ പഞ്ചായത്തുകൾ രൂപപ്പെടുത്തണമെന്ന് നിയമസഭയിൽ സബ്മിഷൻ നോട്ടീസിലൂടെ എൽദോസ് കുന്നപ്പള്ളി എംഎൽഎ തദ്ദേശസ്വയംഭരണ വകുപ്പ് മന്ത്രിയോട് ആവശ്യപ്പെട്ടു .നിയോജകമണ്ഡലത്തിലെ പ്രധാന ജനവാസ കേന്ദ്രങ്ങളായ കുറുപ്പുംപടിയും അറക്കപ്പടിയും കേന്ദ്രമായി പുതിയ പഞ്ചായത്തുകൾ രൂപപ്പെടുത്തണമെന്ന് ആവശ്യം ഉന്നയിച്ചാണ് സബ്മിഷൻ നോട്ടീസ് എംഎൽഎ നൽകിയത് .നിലവിലുള്ള പഞ്ചായത്തുകളുടെ ഭൗതിക ഭൂപ്രകൃതിക്ക് അനുസൃതമായി ,നിലവിലുള്ള പഞ്ചായത്ത് ആസ്ഥാനങ്ങളുടെ തനിമ നിലനിർത്തി , സാമൂഹ്യ വികസനത്തിനായി പഞ്ചായത്തുകളുടെ വിഭജനം നടക്കേണ്ടതുണ്ടെന്നും,പഞ്ചായത്തുകളുടെ പുനർവിഭജനം നടത്തുന്ന പക്ഷം ആദ്യഘട്ടത്തിൽ തന്നെ പുതിയ പഞ്ചായത്തുകളായി ഇവ രണ്ടും പരിഗണിക്കണപ്പെടണമെന്ന ആവശ്യമാണ് സബ്മിഷൻ നോട്ടീസിൽ ഉന്നയിച്ചിട്ടുള്ളത് .
