Connect with us

Hi, what are you looking for?

NEWS

പെൺകടുവയെയും ആനയെയും ചത്തനിലയിൽ കണ്ടെത്തിയ സംഭവത്തിൽ വനംവകുപ്പിന്റെ പ്രാഥമിക നിഗമനങ്ങൾ ശരിവച്ചു പോസ്റ്റ്മോർട്ടം റിപ്പോർട്ട്.

കുട്ടമ്പുഴ : പൂയംകുട്ടി വനത്തിൽ പെൺകടുവയെയും ആനയെയും ചത്തനിലയിൽ കണ്ടെത്തിയ സംഭവത്തിൽ വനംവകുപ്പിന്റെ പ്രാഥമിക നിഗമനങ്ങൾ ശരിവച്ചു പോസ്റ്റ്മോർട്ടം റിപ്പോർട്ട്. രണ്ടാമതൊരു കടുവയുടെ ആക്രമണത്തിലാണു വയസ്സായ പെൺകടുവ ചത്തതെന്നാണു റിപ്പോർട്ടിലെ കണ്ടെത്തൽ. അസുഖം പോലെ സ്വാഭാവികമായ കാരണങ്ങളാലോ ഉയരത്തിൽ നിന്നുള്ള വീഴ്ചയിലോ ആകാം ആന ചരിഞ്ഞതെന്നും പോസ്റ്റ്മോർട്ടം റിപ്പോർട്ടിലുണ്ട്. ഇടമലയാർ വനം റേഞ്ചിൽ വാരിയംകുടി ആദിവാസി കോളനിക്കു സമീപം കടുവയെയും ആനയെയും ചത്തനിലയിൽ കണ്ടെത്തിയത്.

8 വയസ്സു പ്രായമുള്ള കുട്ടിക്കൊമ്പനാണു ചത്തതെന്നാണു പോസ്റ്റ്മോർട്ടത്തിലെ കണ്ടെത്തൽ. ഈ പ്രായത്തിലുള്ള ആനയെ ആനക്കൂട്ടത്തിനിടയിൽ കടന്നു വേട്ടയാടിപ്പിടിക്കാൻ കടുവയ്ക്കു കഴിയില്ല. കടുവയുടെ നഖം, പല്ല്, തോൽ തുടങ്ങിയവയും കുട്ടിയാനയുടെ കൊമ്പും നഷ്ടപ്പെട്ടിരുന്നില്ല എന്നതിനാൽ വേട്ടക്കാരുടെ ഇടപെടലുണ്ടായിട്ടില്ലെന്നു വനംവകുപ്പ് നേരത്തെതന്നെ സ്ഥിരീകരിച്ചിരുന്നു. വെടിയേറ്റ മുറിവുകളോ വെടിയുണ്ടയുടെ അവശിഷ്ടങ്ങളോ സംഭവസ്ഥലത്തു കണ്ടെത്തിയിരുന്നില്ല. ഇതിനാൽ, ആനയും കടുവയും തമ്മിൽ ഏറ്റുമുട്ടലുണ്ടായിട്ടില്ലെന്ന ആദ്യ നിഗമനത്തിൽ തന്നെ വനം വകുപ്പ് ഉറച്ചു നിൽക്കുകയാണ്.

കടുവകൾ ഭക്ഷണത്തിനായി അന്യോന്യം ഏറ്റുമുട്ടാറുണ്ടെന്നതിനാൽ പെൺകടുവ കൊല്ലപ്പെട്ടത് രണ്ടാമത്തെ കടുവയുടെ ആക്രമണത്തിലാണെന്ന നിഗമനം തന്നെയാണു പോസ്റ്റ്മോർട്ടം റിപ്പോർട്ടിലുമുള്ളത്. പ്രായം ചെന്ന പെൺകടുവയുടെ ദംഷ്ട്രങ്ങളിലൊന്നു പൂർണമായും തേ‍ഞ്ഞുതീർന്നിരുന്നതിനാൽ വേട്ടയാടി ഇരപിടിക്കാനോ മറ്റുമൃഗങ്ങളുടെ ആക്രമണം ചെറുക്കാനോ ഉള്ള ശേഷി ഇതിനുണ്ടായിരുന്നില്ലെന്നും കണ്ടെത്തിയിട്ടുണ്ട്. മാംസം പൂർണമായും അഴുകി മാറിയ നിലയിലായിരുന്നു രണ്ടു മൃഗങ്ങളുടെയും അവശിഷ്ടങ്ങൾ.

സാഹചര്യത്തെളിവുകൾ കൂടി പരിഗണിച്ചാണു ഡോക്ടർമാരുൾപ്പെടെയുള്ള വിദഗ്ധർ ഈ അനുമാനങ്ങളിലെത്തിച്ചേർന്നത്. സംഭവത്തിൽ മലയാറ്റൂർ ഡിഎഫ്ഒ രവികുമാർ മീണ ചീഫ് കൺസർവേറ്റർ ഓഫ് ഫോറസ്റ്റിനു(സിസിഎഫ്)  അന്തിമ റിപ്പോർട്ട് സമർപ്പിക്കും. ഇതു നാഷനൽ ടൈഗർ കൺസർവേഷൻ അതോറിറ്റി(എൻടിസിഎ), ചീഫ് വൈൽഡ് ലൈഫ് വാർഡൻ എന്നിവർക്കു സിസിഎഫ് കൈമാറും.
twitter likes kaufen

You May Also Like

NEWS

കുട്ടമ്പുഴ : ഹൈക്കോടതിയെ വെല്ലുവിളിച്ച് മൂന്നാർ ഡി എഫ് ഒ.ഹൈക്കോടതി വിധി ഉണ്ടെങ്കിലും മലയോര ഹൈവേയിലൂടെ എളബ്ലാശ്ശേരി കുറത്തിക്കുടി വഴിയാത്ര ചെയ്യുന്നവരെ ചെക്ക് പോസ്റ്റിൽ തടയുമെന്ന് മൂന്നാർ ഡി എഫ് ഒ. മലയോര...

NEWS

കോതമംഗലം :- മാമലക്കണ്ടത്ത് പശുക്കളെ തൊഴുത്തിൽ ദുരൂഹ സാഹചര്യത്തിൽ ചത്ത നിലയിൽ കണ്ടെത്തി. ഏലംതാനത്ത് സുജാത സാജു എന്ന കർഷകയുടെ 2 കറവ പശുക്കളാണ് ചത്തത്. ആറ് പശുക്കളാണ് തൊഴുത്തിലുണ്ടായിരുന്നത്. ഒരു പശുവിൻ്റെ...

NEWS

കോതമംഗലം : – പാരിസ്ഥിതിക ഭീഷണി ഉയർത്തുന്ന ഭീമൻ ആഫ്രിക്കൻ ഒച്ചുകളെക്കൊണ്ട് പൊറുതിമുട്ടിയിരിക്കുകയാണ് കുട്ടമ്പുഴ പഞ്ചായത്തിലെ ഉരുളൻതണ്ണി, ക്ണാച്ചേരി പ്രദേശങ്ങൾ. അക്കാറ്റിന ഫൂലിക്ക എന്ന ശാസ്ത്രനാമത്തിൽ അറിയപ്പെടുന്ന ആഫ്രിക്കൻ ഒച്ചുകൾ കൃഷിയിടങ്ങളിലേക്കും, വീടുകളിലേക്കും...

NEWS

കുട്ടമ്പുഴ : വളർത്തു പോത്തിനെ കെട്ടിയിട്ട് മൃഗീയമായി തല്ലി പരിക്കേൽപ്പിച്ചതായി പരാതി. തട്ടേക്കാട് പക്ഷി നിരീക്ഷണ കേന്ദ്രത്തിലെ താൽക്കാലിക ഗൈഡായ രാജീവിന്റെ പോത്തിനെയാണ് നാട്ടുകാരൻ കൂടിയായ വ്യക്തി കെട്ടിയിട്ട് തല്ലി കാലൊടിച്ചിരിക്കുന്നത്. തന്റെ...