Connect with us

Hi, what are you looking for?

ACCIDENT

ഒരുകുടുംബത്തിലെ മൂന്ന്പേര്‍ ഒഴുക്കില്‍പ്പെട്ടു: ഒരാള്‍ക്ക് ദാരുണാന്ത്യം

മൂവാറ്റുപുഴ: രണ്ടാര്‍കരയില്‍ ഒരുകുടുംബത്തിലെ മൂന്ന്പേര്‍ ഒഴുക്കില്‍പെട്ട് ഒരാള്‍ക്ക് ദാരുണാന്ത്യം. കാനംകവല നെടിയന്‍മല കടവില്‍ കുളിക്കാനെത്തിയ കൊച്ചുമക്കള്‍ കണ്‍മുന്നില്‍ മുങ്ങിത്താഴുന്നത്കണ്ട് രക്ഷിക്കാനിറങ്ങയ വല്യമ്മ കിഴക്കേക്കുടിയില്‍ ആമിന (65) ആണ് മരിച്ചത്. ആമിനയുടെ മകന്റെയും, മകളുടെയും മക്കളായ ഫര്‍ഹാ ഫാത്തിമ (12), ഹനാ ഫാത്തിമ (10) എന്നിവര്‍ ആദ്യം ഒഴുക്കില്‍പെടുകയായിരുന്നു. തുടര്‍ന്ന് ഇവരെ രക്ഷിക്കാനായി കടവിലിറങ്ങിയ ആമിന മുങ്ങിമരിക്കുകയായിരുന്നു. ഇന്ന് രാവിലെ 11ഓടെയാണ് മൂന്ന്പേരും ഒഴുക്കില്‍പെട്ടത്. കടവിലുണ്ടായിരുന്ന മറ്റ് സ്ത്രീകള്‍ വിവരമറിയിച്ചതിനെ തുടര്‍ന്ന് സമീപത്തെ വീട്ടില്‍ പെയിന്റിംഗ് ജോലിക്കെത്തിയ തൊഴിലാളികളും, നാട്ടുകാരും ചേര്‍ന്ന് ആമിനയെയും,ഫര്‍ഹാ ഫാത്തിമയെയും കരക്ക്കയറ്റി ആശുപത്രിയിലെത്തിച്ചെങ്കിലും ആമിനയുടെ ജീവന്‍ രക്ഷിക്കാനായില്ല.

മൂവാറ്റുപുഴ ഫയര്‍ഫോഴ്സെത്തിയാണ് ഹനാ ഫാത്തിമയെ കരക്കെത്തിച്ചത്. അപകടത്തില്‍പെട്ട രണ്ട് കുട്ടികളെയും മൂവാറ്റുപുഴയിലെയും തുടര്‍ന്ന് വിദഗ്ദ ചികിത്സക്കായി കോലഞ്ചേരിയിലെ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. ആമിനയുടെ മൃതദേഹം മൂവാറ്റുപുഴയിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും. അസ്സിസ്റ്റന്റ് സ്റ്റേഷന്‍ ഓഫീസര്‍ കെ.സി ബിജുമോന്‍, അനീഷ്‌കുമാര്‍, ഷമീര്‍ഖാന്‍, കെ.കെ, രാജു, അയൂബ് എന്നിവര്‍ രക്ഷാപ്രവര്‍ത്തനത്തിന് നേതൃത്വം നല്‍കി. ഒഴുക്കില്‍പെട്ടതെന്ന് മൂന്ന്പേരാണെന്ന് അറിയില്ലായിരുന്നെന്നും, രണ്ട്്പേരെയാണ് ആദ്യം രക്ഷപെടുത്തിയതെന്നും രക്ഷാപ്രവര്‍ത്തനം നടത്തിയവര്‍ പറഞ്ഞു. അപകടകാരണം വ്യക്തമല്ല.

You May Also Like

NEWS

കോതമംഗലം: ദേശീയപാത കടന്നു പോകുന്ന കോതമംഗലം ടൗണില്‍ കോഴിപ്പിള്ളി കവലയിലും സെന്റ് ജോര്‍ജ് ഹയര്‍ സെക്കന്‍ഡറി സ്‌കൂളിനു സമീപവും സ്ലാബ് തകര്‍ന്ന ഓടകള്‍ കാല്‍നട യാത്രികരുടെ ജീവന് ഭീഷണിയായി മാറിയിരിക്കുകയാണ്. സമീപത്തെ വ്യാപാര...

NEWS

കോതമംഗലം:  പൂയംകുട്ടി ബ്ലാവനയില്‍ റോഡിന് കുറുകെ മരം വീണു.വൈദ്യുതി ലൈനും പോസ്റ്റുകളും തകര്‍ത്താണ് മരം വീണത്.വാഹനഗതാഗതവും തടസ്സപ്പെട്ടിരുന്നു.നാട്ടുകാരും വനപാലകരും ചേര്‍ന്ന് മരം മുറിച്ചുനീക്കി.സമാനരീതിയില്‍ ഏതുസമയത്തും കടപുഴകിവീഴാവുന്ന വിധത്തില്‍ നിരവധി മരങ്ങള്‍ ഈ ഭാഗത്തുണ്ട്.മുറിച്ചുമാറ്റിയില്ലെങ്കില്‍ അപകടങ്ങള്‍ക്ക്...

NEWS

കോതമംഗലം: നിർദ്ധിഷ്ട  തൃക്കാരിയൂര്‍ , നേര്യമംഗലം  പഞ്ചായത്തുകളുടെ രൂപീകരിക്കണം ഇക്കുറിയും യാഥാർത്ഥ്യമാകുവാൻ സാധ്യതയില്ല. തൃക്കാരിയൂര്‍ , നേര്യമംഗലം  പഞ്ചായത്തുകൾ രൂപീകരിക്കണമെന്ന ആവശ്യം ഉയര്‍ന്നുതുടങ്ങിയിട്ട് വര്‍ഷങ്ങളേറെയായതാണ്.ആവശ്യം യാഥാര്‍ത്ഥ്യമാകാന്‍ ഇനിയും കാത്തിരിക്കേണ്ടിവരുമെന്നാണ് ഇപ്പോള്‍ വ്യക്തമാകുന്നത്.തദ്ദേശ സ്വയംഭരണ സ്ഥാപനങ്ങളുടെ...

NEWS

കോതമംഗലം: മോഹൻലാലിന്റെ 64 ജന്മദിനമാണ്‌ 21/05/2024 ഇന്ന് ചൊവ്വാഴ്ച. ഒരുപാട് ഫീച്ചറുകളും അനുഭവങ്ങളും ആണ്‌ അദ്ദേഹത്തേപറ്റി വരുന്നത്. എന്നാൽ ഇന്നു വരെ അറിയാത്ത മോഹൻലാലിന്റെ ജീവിതത്തിലെ കുട്ടിക്കാലം മുതൽ ഉള്ള ചരിത്രം എഴുതുകയാണ്‌...