കോതമംഗലം : തങ്കളം കാക്കനാട് നാലുവരിപ്പാതയുടെ നിർമ്മാണവുമായി ബന്ധപ്പെട്ട അവസാനവട്ട സർവ്വേ നടപടികൾ വേഗത്തിൽ പുരോഗമിക്കുന്നു.അവസാന വട്ട സർവേയുടെ ഭാഗമായി എളമ്പ്ര അമ്പലം മുതൽ 314 വരെയുള്ള ഏകദേശം 18 ഏക്കറോളം സ്ഥലമാണ് ഏറ്റെടുക്കേണ്ടത്. ഈ ഭാഗത്തെ സ്ഥലമേറ്റെടുപ്പുമായി ബന്ധപ്പെട്ട ഇലവൻ വൺ നോട്ടിഫിക്കേഷൻ പബ്ലിഷ് ചെയ്ത് കൊണ്ട് നടത്തുന്ന സർവെ അവസാനഘട്ടത്തിലാണ്.
സർവ്വേ നടപടികളുടെ പുരോഗതി ആന്റണി ജോൺ എം എൽ എ നേരിട്ടെത്തി വിലയിരുത്തി.സർവ്വേ റെക്കോഡ് തയ്യാറാക്കി ഡ്രാഫ്റ്റ് ഡിക്ലറേഷൻ (DD) പബ്ലിഷ് ചെയ്യുന്നതിനായുള്ള നടപടികളും ഇതോടൊപ്പം നടന്നു വരുന്നു.തുടർന്ന് സ്ഥല ഉടമകളുമായി ഹിയറിങ്ങ് നടത്തി ഓരോ സർവ്വേ നമ്പറുകളിലും വരുന്ന സ്ഥലങ്ങൾ അളന്ന് തിട്ടപ്പെടുത്തി സ്ഥലമുടമകൾക്ക് ഭൂമിയുടെ വില നല്കി റോഡ് നിർമ്മാണത്തിനാവശ്യമായ സ്ഥലമേറ്റെടുപ്പ് പൂർത്തീകരിക്കും.
