കോതമംഗലം : 366 വർഷങ്ങൾക്കു മുൻപ് AD 1653 ൽ മട്ടാഞ്ചേരിയിലെ കൂനൻ കുരിശിലും ഇക്കഴിഞ്ഞ ഒക്ടോബർ 6 ന് കോതമംഗലത്ത് മഹാ പരിശുദ്ധനായ മോർ ബസേലിയോസ് യൽദോ ബാവായുടെ ദേഹവിയോഗം തന്റെ അത്ഭുത പ്രകാശത്തിൽ ലോകത്തെ അറിയിച്ച കരിങ്കൽ കുരിശിലും ആലാത്ത് കെട്ടി ഞങ്ങളും ഞങ്ങളുടെ പൂർവ്വിക പിതാക്കന്മാരും ഏറ്റുചൊല്ലിയ ആ സത്യവിശ്വാസം “ഞങ്ങളും ഞങ്ങളുടെ സന്തതിപരമ്പരകളും സൂര്യചന്ദ്രന്മാർ ഉള്ളിടത്തോളം കാലം പരി. അന്ത്യോഖ്യാ സിംഹാസനത്തെ ഉപേക്ഷിക്കുകയില്ല എന്നും, ഞങ്ങളുടെ പിൻതലമുറകൾക്ക് ഞങ്ങൾ അത് പൈതൃകമായി ഏല്പിച്ചു കൊടുക്കും എന്നും, പരി. അന്ത്യോഖ്യാപാത്രിയാർക്കീസിനാൽ അംഗീകരിക്കപ്പെടാത്ത ഒരു മെത്രാനേയും ഞങ്ങൾ സ്വീകരിക്കയില്ല എന്നും ഉള്ളതായ ആ സത്യവിശ്വാസത്തോട് ഐക്യദാർഢ്യം പ്രഖ്യാപിച്ചു കൊണ്ട് ചേലാട് സെന്റ് സ്റ്റീഫൻസ് ബസ് – അനിയ വലിയ പള്ളി ഇടവക വിശ്വാസമതിൽ തീർക്കുന്നു.
2019 ഒക്ടോബർ മാസം 20 ഞായറാഴ്ച രാവിലെ 7 മണിക്ക് പ്രഭാത നമസ്ക്കാരവും 7.30 ന് അഭി.ഏലിയാസ് മോർ അത്താനാസിയോസ് മെത്രാപ്പോലീത്തായുടെ മുഖ്യകാർമ്മികത്വത്തിൽ വി.കുർബാനയും തുടർന്ന് വിശ്വാസ പ്രഖ്യാപന സമ്മേളനവും വിശ്വസ മതിലും തീർക്കുന്നു. ഈ ചരിത്ര സംഭവത്തിൽ വന്ന് സംബന്ധിച്ച് ഇതിൽ ഭാഗഭാക്കാകുവാൻ പരി .യാക്കോബായ സുറിയാനി സഭയെ സ്നേഹിക്കുന്ന ഏവരേയും സ്നേഹപൂർവ്വം ചേലാട് പള്ളിയിലേക്ക് വിനയത്തോടെ സ്വാഗതം ചെയ്യുന്നു.
You must be logged in to post a comment Login