NEWS

“അങ്കമാലി-ശബരി റെയിൽ പാത” നടപടി ക്രമങ്ങൾ വേഗത്തിലാക്കുമെന്ന് മന്ത്രി ജി സുധാകരൻ നിയമസഭയിൽ.

Published

3 years ago

November 21, 2019

kothamangalamnews.com

കോതമംഗലം: വിവിധ ബഡ്ജറ്റുകളിലായി 380 കോടി രൂപ അനുവദിച്ചിട്ടുള്ള അങ്കമാലി-ശബരി റെയിൽ പാത നടപടിക്രമങ്ങൾ വേഗത്തിലാക്കണമെന്ന് ആന്റണി ജോൺ എംഎൽഎ നിയമസഭയിൽ ആവശ്യപ്പെട്ടു. പ്രസ്തുത റെയിൽ പാത നിർമ്മാണവുമായി ബന്ധപ്പെട്ട് കേന്ദ്രവും – സംസ്ഥാനവും തുല്യമായി പദ്ധതി ചെലവ് വഹിക്കണമെന്നുള്ള റെയിവേ മന്ത്രാലയത്തിന്റെ തീരുമാനത്തിൽ കൈക്കൊണ്ടിട്ടുള്ള തുടർ നടപടി സംബന്ധിച്ചും, പ്രസ്തുത റെയിൽ പാത നിർമ്മാണത്തിന്റെ ഭാഗമായി റെയിൽവേ ലൈൻ കടന്നു പോകുന്ന സ്ഥലങ്ങളിൽ കോതമംഗലം മണ്ഡലത്തിലുൾപ്പെടെ നൂറ് കണക്കിന് ആളുകൾ ഭൂമിയുടെ ക്രയ വിക്രയം നടത്തുവാൻ കഴിയാതെ വർഷങ്ങളായി അനുഭവിക്കുന്ന ബുദ്ധിമുട്ടുകളും ചൂണ്ടിക്കാട്ടിയാണ് പ്രസ്തുത വിഷയം ആന്റണി ജോൺ എംഎൽഎ നിയമസഭയിൽ ഉന്നയിച്ചത്.

അങ്കമാലി-ശബരി റെയിൽ പദ്ധതി 1997-98 റെയിൽവേ ബഡ്ജറ്റിലാണ് പ്രഖ്യാപിച്ചതെന്നും 517 കോടി രൂപ ചെലവ് പ്രതീക്ഷിച്ച പ്രസ്തുത പദ്ധതിയുടെ പുതുക്കിയ ചെലവ് 2815 കോടി രൂപയായി വർദ്ധിപ്പിച്ചിട്ടുണ്ടെന്നും പദ്ധതിക്ക് ആവശ്യമായ ഭൂമിയുടെ വിലയിൽ ഉണ്ടായിട്ടുള്ള ഭീമമായ വർദ്ധനവ് കണക്കിലെടുത്ത് ഭൂമി സൗജന്യമായി വിട്ടു തരുന്നതിനുള്ള സന്നധതയും നിർമ്മാണ ചെലവിന്റെ 50% ഏറ്റെടുക്കുന്നതിനുള്ള സമ്മതവും സംസ്ഥാന സർക്കാർ അറിയിക്കുന്ന മുറയ്ക്ക് ഈ പദ്ധതി ഏറ്റെടുക്കുന്നതാണെന്ന് റെയിൽവേ അറിയിച്ചിട്ടുണ്ടെന്നും, എന്നാൽ പ്രധാന മന്ത്രിയുടെ പ്രഗതി സ്കീമിൽ ഉൾപ്പെടുത്തിയിട്ടുള്ള ഈ പദ്ധതിയുടെ മുഴുവൻ ചെലവും റെയിൽവേ വഹിക്കണമെന്ന് സംസ്ഥാനം ആവശ്യപ്പെട്ടിരുന്നതായും,ഈ പദ്ധതി ആവിഷ്കരിച്ച സമയത്തോ പ്രഖ്യാപന സമയത്തോ പദ്ധതി വിഹിതത്തിന്റെ 50% സംസ്ഥാന സർക്കാർ വഹിക്കണമെന്നോ ഉള്ള നിർദേശങ്ങൾ ഇല്ലായിരുന്നെന്നും ബഹു:മന്ത്രി പറഞ്ഞു.

പാതയുടെ പരിപാലനത്തിനും നടത്തിപ്പിനും ആവശ്യമായ തുകയിൽ നിന്നും അധികരിച്ച് ലഭിക്കുന്ന വരുമാനം സംസ്ഥാനവും റെയിൽവേ മന്ത്രാലയും ആനുപാതികമായി പങ്കിടുന്നതാണെന്ന് റെയിൽവേ അറിയിച്ചിട്ടുണ്ടെന്നും എറണാകുളം, കോട്ടയം, ഇടുക്കി ജില്ലകളിൽ നിന്നായി 416 ഹെക്ടർ ഭൂമിയാണ് ആവശ്യപ്പെട്ടിട്ടുള്ളതെന്നും ഇതിനായി റവന്യൂ വകുപ്പ് രണ്ട് സ്പെഷ്യൽ തഹസിൽദാർമാർ ഉൾപ്പെട്ട രണ്ട് ഭൂമി ഏറ്റെടുക്കൽ യൂണീറ്റുകളെ ചുമതലപ്പെടുത്തിയിട്ടുണ്ടെന്നും, ഇതിൽ കാലടി വരെയുള്ള 24.4 ഹെക്ടർ ഭൂമി ഏറ്റെടുത്ത് റെയിൽവേയ്ക്ക് കൈമാറിയിട്ടുണ്ടെന്നും, എറണാകുളം ജില്ലയിൽ ആകെ 131.6348 ഹെക്ടർ ഭൂമിയാണ് ഏറ്റെടുക്കുവാനുള്ളതെന്നും, കോട്ടയം ജില്ലയിൽ അങ്കമാലി-ശബരി റെയിൽ പാതയ്ക്കായി ഭൂമിയൊന്നും ഏറ്റെടുത്തിട്ടില്ലാത്തതാണെന്നും, മീനച്ചിൽ- കാഞ്ഞിരപ്പിള്ളി താലൂക്കുകളിലായി 13 വില്ലേജുകളിലൂടെ കടന്നു പോകുന്ന ഈ ലൈനിന്റെ രാമപുരം-എരുമേലി ഭാഗത്തെ അലൈൻമെന്റുമായി ബന്ധപ്പെട്ട തർക്കം പരിഹരിക്കുന്നതിന് ആവശ്യമായ നടപടി സ്വീകരിക്കുവാൻ ബന്ധപ്പെട്ട ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും, മറ്റു വില്ലേജുകളിൽ ഫൈനൽ ലൊക്കേഷൻ സർവ്വെ നടപടികൾ റയിൽവെ അധികൃതർ സ്വീകരിച്ച് വരുന്നതായും,അങ്കമാലി-ശബരി പദ്ധതി ചെലവിന്റെ 50% സംസ്ഥാനം വഹിക്കുന്നത് സംബന്ധിച്ച വിഷയം സർക്കാരിന്റെ പരിഗണനയിലാണെന്നും തുടർ നടപടികൾ വേഗത്തിലാക്കുമെന്നും റെയിൽവേയുടെ ചുമതലയുള്ള ബഹു:പൊതുമരാമത്ത് വകുപ്പ് മന്ത്രി ജി സുധാകരൻ ആന്റണി ജോൺ എംഎൽഎയെ നിയമസഭയിൽ അറിയിച്ചു.

NEWS

കിണറ്റിൽ വീണ കാട്ടുപന്നിയെ വെടിവെച്ചുകൊന്നു

Published

14 mins ago

September 26, 2022

kothamangalamnews.com

കുട്ടമ്പുഴ: സ്വകാര്യ വ്യക്തിയുടെ കിണറ്റിൽ വീണ കാട്ടുപന്നിയെ വെടിവെച്ചുകൊന്നു. കുട്ടമ്പുഴ പഞ്ചായത്തിൽ തട്ടേക്കാട് 17വാർഡിൽ ഞായപ്പിള്ളിയയിൽ കുളങ്ങാട്ടിൽ ഷൈൻ തോമസ് എന്നയാളുടെ കിണറ്റിൽ വീണ കാട്ട് പന്നിയെയാണ് വെടിവെച്ച് കൊന്നത്. വനം വകുപ്പിന്റെ പുതിയ ഉത്തരവ് പ്രകാരം നാട്ടുകാരുടെ ആവശ്യപ്രകാരം പഞ്ചായത്ത്‌ ഭരണസമതി പന്നിയെ വെടി വെക്കാൻ വനം വകുപ്പ് ഉദ്യോഗസ്ഥരോട് ആവശ്യപ്പെടുകയായിരുന്നു. പഞ്ചായത്ത്‌ വികസനകാര്യ സ്റ്റാൻഡിങ് കമ്മിറ്റി ചെയർമാൻ സിബി കെ എ ഇടുക്കി വൈൽഡ് ലൈഫ് വാർഡനെ ബന്ധപ്പെടുകയും പന്നിയെ കൊല്ലുന്നതിനുള്ള ഓർഡർ അദ്ദേഹം തട്ടേക്കാടു അസിസ്റ്റന്റ് വൈൽഡ് ലൈഫ് വാർഡനെ കൈമാറുകയും ചെയ്തു. ഇതനുസരിച്ച് ലൈസെൻസുള്ള ആളെ വരുത്തി പന്നിയെ വെടിവെച്ചു കൊല്ലുകയും ചെയ്തു.

പഞ്ചായത്ത്‌ സ്റ്റാൻഡിങ് കമ്മിറ്റി ചെയർമാൻ സിബി KA, വാർഡ് മെമ്പർ ആലീസ് സിബി, ജോഷി പൊട്ടക്കൽ, അഷ്‌ബിൻ ജോസ്, ബേസിൽ തേക്കുംകൂടിയിൽ, ആന്റണി ഉലഹന്നാൻ, എൽദോസ് പൈലി, സുബൈർ വട്ടക്കുടി, റോയ് മാളിയേക്കൽ, കുട്ടമ്പുഴ പോലീസ് ഇൻസ്പെക്ടർ, ഫോറെസ്റ്റ്, ഫയർ ഫോഴ്‌സ് ഓഫീസേഴ്സ് എന്നിവരുടെ നേതൃത്വത്തിൽ പന്നിയെ കിണറ്റിൽ നിന്ന് കരയിലെത്തിച്ച് വെടി വെക്കുകയായിരുന്നു.

NEWS

കോതമംഗലം മാർ തോമ ചെറിയ പള്ളിയിൽ ഇന്ന് കൊടികയറി

Published

20 hours ago

September 25, 2022

kothamangalamnews.com

കോതമംഗലം : ആഗോള സർവ്വ മത തീർത്ഥാടന കേന്ദ്രമായ കോതമംഗലം വി. മാർ തോമ ചെറിയ പള്ളിയിൽ കബറടങ്ങിയിരിക്കുന്ന മഹാ പരിശുദ്ധനായ യൽ ദോ മാർ ബസേലിയോസ് ബാവായുടെ 337 ആമത് ഓർമ്മപ്പെരുന്നാൾ കൊടികയറി. വൈകിട്ട് 4 മണിക്ക് പരി.ബസേലിയോസ് ബാവായുടെ തൃപ്പാദസ്പർശനത്താലും തിരുശേഷിപ്പിനാലും അനുഗ്രഹീതവും തൃക്കരങ്ങളാൽ ആദ്യമായി അത്ഭുതം പ്രവർത്തിക്കപ്പെട്ടതുമായ ചക്കാലക്കുടിയിലുള്ള ചാപ്പലിൽ നിന്നും പാരമ്പര്യമായി പരി. ബാവായ്ക്കു പള്ളിയിലേക്ക് വഴികാണിച്ച ചക്കാലനായരുടെ പിൻമുറക്കാരൻ സുരേഷ് കോൽവിളക്കേന്തി അകമ്പടി സേവിച്ച് പ്രദക്ഷിണമായി പള്ളിയിലെത്തി പരിശുദ്ധന്റെ കബറിങ്കൽ ധൂപപ്രാർത്ഥന നടത്തിയതിന്റെ ശേഷം 5 മണിക്ക് വികാരി ഫാ.ജോസ് പരത്തുവയലിൽ ചരിത്ര പ്രസിദ്ധമായ കന്നി 20 പെരുന്നാളിന് തുടക്കം കുറിച്ചു കൊണ്ട് കൊടികയറ്റി.

ഏലിയാസ് മാർ യൂലിയോസ്‌ മെത്രാപോലിത്ത, സഹ വികാരിമാരായ ഫാ.ജോസ് തച്ചേത്ത്കുടി, ഫാ. ഏലിയാസ് പൂമറ്റത്തിൽ, ഫാ.ബിജോ കാവാട്ട് , ഫാ. ബേസിൽ ഇട്ടിയാണിയക്കൽ, ആന്റണി ജോൺ എം. എൽ. എ., മാത്യു കുഴൽ നാടൻ, ബ്ലോക്ക്‌ പഞ്ചായത്ത്‌ പ്രസിഡന്റ്‌ പി.എ. എം. ബഷീർ, ഗ്രാമ പഞ്ചായത്ത്‌ പ്രസിഡന്റ്‌മാരായ ജെസ്സി സാജു,ടി. കെ. ചന്ദ്ര ശേഖരൻ, ഷൈജെന്റ് ചാക്കോ, കൗൺസിലർ മാരായ എ. ജി. ജോർജ്, കെ. എ. നൗഷാദ്,ഭാനുമതി രാജു, ഡി. സി. സി. പ്രസിഡന്റ്‌ മുഹമ്മദ്‌ ഷിയാസ്, ട്രസ്റ്റിമാരായ അഡ്വ.സി.ഐ ബേബി, ബിനോയി മണ്ണംഞ്ചേരിൽ, ബിനോയ്‌ ദാസ്, ജോമോൻ പാലക്കാടൻ, പി. വി പൗലോസ്, ബേബി ആഞ്ഞിലിവേലിൽ എന്നിവരും ആയിരക്കണക്കിന് വിശ്വാസികളും സംബന്ധിച്ചു.

ഒക്ടോബർ 4 വരെയുള്ള പത്ത് ദിവസങ്ങളിലായി പെരുന്നാൾ ആഘോഷിക്കപ്പെടുന്നു. ശ്രേഷ്ഠ കാതോലിക്കയും ഇടവക മെത്രാപ്പോലീത്തായുമായ ഡോ. ആബൂൻ മോർ ബസേലിയോസ് തോമസ് പ്രഥമൻ ബാവായുടെ മഹനീയ കാർമ്മികത്വത്തിലും മലങ്കര മെത്രാപ്പോലീത്ത അഭി. ഡോ.ജോസഫ് മോർ ഗ്രീഗോറിയോസ് മെത്രാപ്പോലീത്ത, അഭി.ഡോ.എബ്രാഹാം മോർ സേവേറിയോസ് മെത്രാപ്പോലീത്ത, അഭി.ഏലിയാസ് മോർ യൂലിയോസ് മെത്രാപ്പോലീത്ത, അഭി.ഡോ. ഏലിയാസ് മോർ അത്താനാസിയോസ് മെത്രാപ്പോലീത്ത, അഭി.മാത്യൂസ് മോർ ഈവാനിയോസ് മെത്രാപ്പോലീത്ത, അഭി.മാത്യൂസ് മോർ അപ്രേം മെത്രാപ്പോലീത്ത. അഭി. മർക്കോസ് മോർ ക്രിസ്റ്റഫോറസ് മെത്രാപ്പോലീത്ത…. എന്നീ അഭിവന്ദ്യ പിതാക്കന്മാരുടെ സഹകാർമ്മികത്വത്തിലും അനുഗ്രഹകരമായി നടത്തുവാൻ ദൈവത്തിൽ ആശ്രയിച്ച് ക്രമീകരണങ്ങൾ ചെയ്തിരിക്കുന്നു.

പെരുന്നാൾ പോഗ്രാം

2022 സെപ്തംബർ 25 ഞായർ
5.15 am : പ്രഭാത
നമസ്കാരം
6.00 am : വി.കുർബ്ബാന
7.15 am : വി.കുർബ്ബാന
9.00 am : വി.കുർബ്ബാന
അഭി.ഏലിയാസ്
മോർ യൂലിയോസ്
മെത്രാപ്പോലീത്ത
4.00 pm:
പരി.ബസേലിയോസ് യൽ ദോ ബാവായുടെ തൃപ്പാദസ്പർശനത്താലും തിരുശേഷിപ്പിനാലും അനുഗ്രഹീതമായ ചക്കാലക്കുടി വി. യൽദോ മോർ ബസേലിയോസ് ചാപ്പലിൽ നിന്നും പള്ളിയിലേക്ക് പ്രദക്ഷിണം
5.00 pm: പരി.ബസേലിയോസ് ബാവായുടെ 337ാം ഓർമ്മപ്പെരുന്നാളിന് തുടക്കം കുറിച്ചു കൊണ്ടുള്ള കൊടിയേറ്റ് – വികാരി
6.00 pm: സന്ധ്യാ
നമസ്ക്കാരം

2022 സെപ്തംബർ 26 തിങ്കൾ

കൽക്കുരിശ് പെരുന്നാൾ

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
പള്ളിയുടെ പടിഞ്ഞാറേ കൽക്കുരിശിങ്കലേക്ക് പ്രദക്ഷിണം
3.00 pm: പെരുന്നാൾ
കച്ചവടത്തിനുള്ള
സ്റ്റാൾ ലേലം
6.00 pm: സന്ധ്യാ
നമസ്കാരം

2022 സെപ്തംബർ 27 ചൊവ്വ

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
6.00 pm: സന്ധ്യാ
നമസ്കാരം

2022 സെപ്തംബർ 28 ബുധൻ

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
6.00 pm: സന്ധ്യാ
നമസ്കാരം

2022 സെപ്തംബർ 29 വ്യാഴം

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
6.00 pm: സന്ധ്യാ
നമസ്കാരം

2022 സെപ്തംബർ 30 വെള്ളി

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
600 pm : സന്ധ്യാ
നമസ്കാരം

2022 ഒക്ടോബർ 01 ശനി

7.15 am: പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന
6.00 pm: സന്ധ്യാ
നമസ്കാരം

2022 ഒക്ടോബർ 02 ഞായർ

5.15 am: പ്രഭാത
നമസ്കാരം
6.00 am : വി.കുർബ്ബാന
7.15 am : വി.കുർബ്ബാന
9.00 am : വി.കുർബ്ബാന

ശ്രേഷ്ഠ കാതോലിക്ക ഡോ.ആബൂൻ മോർ ബസേലിയോസ് തോമസ് പ്രഥമൻ ബാവ തിരുമനസ്സുകൊണ്ട്

3.00 pm: മേമ്പൂട്ടിൽ നിന്ന് പള്ളി ഉപകരണങ്ങൾ ആഘോഷമായി പള്ളിയകത്തേക്ക് കൊണ്ടുപോകുന്നു

5.00 pm: തീർത്ഥാടക സംഘത്തിന് സ്വീകരണം

ഹൈറേഞ്ച് മേഖല : കോഴിപ്പിള്ളി കവലയിൽ

പടിഞ്ഞാറൻ മേഖല : മുവാറ്റുപുഴ കവലയിൽ

വടക്കൻ മേഖല : ഹൈറേഞ്ച് കവലയിൽ

പോത്താനിക്കാട് മേഖല : ചക്കാലക്കുടി ചാപ്പലിൽ

7.00 pm: സന്ധ്യാ
നമസ്കാരം
ശ്രേഷ്ഠ കാതോലിക്ക ഡോ. ആബൂൻ മോർ ബസേലിയോസ് തോമസ് പ്രഥമൻ ബാവായുടെ മഹനീയ കാർമ്മികത്വത്തിലും പരി.സഭയിലെ അഭി.പിതാക്കന്മാരുടെ സഹകാർമ്മികത്വത്തിലും

8.00 pm : പ്രസംഗം

ശ്രേഷ്ഠ ബാവ തിരുമേനി

10.00 pm പ്രദക്ഷിണം

പള്ളിയിൽ നിന്നും പുറപ്പെട്ട് വലിയ പള്ളി, മലയിൻകീഴ് കുരിശ്, എം.ബി.എം.എം. ആശുപത്രി, ടൗൺ കുരിശ് എന്നിവടങ്ങളിൽ കൂടി മാർ ബേസിൽ ഹയർ സെക്കണ്ടറി സ്കൂൾ റോഡ് വഴി തിരിച്ചെത്തുന്നു

: ആശീർവ്വാദം
: കരിമരുന്ന്
പ്രയോഗം

2022 ഒക്ടോബർ 03 തിങ്കൾ

6.00 am : പ്രഭാത
നമസ്ക്കാം

5.30 am : വി.കുർബ്ബാന

അഭി.ഡോ.എബ്രാഹാം മോർ സേവേറിയോസ് മെത്രാപ്പോലീത്ത

6.45 am: വി.കുർബ്ബാന

അഭി.ഡോ.ജോസഫ് മോർ ഗ്രീഗോറിയോസ് മെത്രാപ്പോലീത്ത

8.30 am വി.കുർബ്ബാന,
പെരുന്നാൾ
സന്ദേശം
ശ്രേഷ്ഠ കാതോലിക്ക ഡോ. ആബൂൻ മോർ ബസേലിയോസ് തോമസ് പ്രഥമൻ ബാവ തിരുമനസ്സുകൊണ്ട്

10.30 am : നേർച്ച സദ്യ
( പള്ളിയുടെ പടിഞ്ഞാറു വശത്ത് പ്രത്യേകം തയ്യാറാക്കിയ പന്തലിൽ )

2.00 pm: പ്രദക്ഷിണം

പള്ളിയിൽ നിന്നും പുറപ്പെട്ട് കിഴക്കേ അങ്ങാടിയിൽ കൂടി കോഴിപ്പിള്ളി കുരിശ്, ചക്കാലക്കുടി വി . യൽ ദോ മോർ ബസേലിയോസ് ചാപ്പൽ എന്നിവടങ്ങളിൽ എത്തി പള്ളിയിൽ തിരിച്ചെത്തുന്നു.

: ആശീർവ്വാദം

5.00 pm: പള്ളി ഉപകരണങ്ങൾ തിരികെ മേമ്പൂട്ടിലേക്ക് ആഘോഷമായി കൊണ്ടുപോകുന്നു.

6.00 pm: സന്ധ്യാ
നമസ്കാരം

2022 ഒക്ടോബർ 04 ചൊവ്വ

7.15 am : പ്രഭാത
നമസ്കാരം
8.00 am : വി.മൂന്നിന്മേൽ
കുർബ്ബാന

ശ്രേഷ്ഠ കാതോലിക്ക ഡോ.ആബൂൻ മോർ ബസേലിയോസ് തോമസ് പ്രഥമൻ ബാവായുടെ മുഖ്യ കാർമ്മികത്വത്തിൽ

9.30 am : പാച്ചോർ നേർച്ച
10.30 am : ലേലം
4 .00 pm : കൊടിയിറക്ക്
6.15 pm : സന്ധ്യാ
നമസ്കാരം

പെരുന്നാൾ ഏറ്റെടുത്ത് നടത്തുവാൻ ആഗ്രഹിക്കുന്നവർക്ക് പെരുന്നാൾ ഓഹരി ക്രമീകരിച്ചിട്ടുണ്ട്. ഓഹരി ഒന്നിന് 1000 രൂപ, പെരുന്നാൾ വഴിപാടുകൾ, നേർച്ചപ്പണം എന്നിവ ഫെഡറൽ ബാങ്ക് കോതമംഗലം ബ്രാഞ്ച് Mar Thoma Cheriyapally
Kothamangalam,A/C No.10080100193242, IFSC:FDRL0001008 എന്ന അക്കൗണ്ടിലേക്ക് അയയ്ക്കാവുന്നതാണ്.

പെരുന്നാൾ ചടങ്ങുകൾ ചെറിയ പള്ളിയുടെ ഔദ്യോഗിക ഫേസ് ബുക്ക് പേജ് (www.facebook.com/kothamangalamcheriyapalliofficial) യുട്യൂബ് പേജ്, വെബ് സൈറ്റ് (www.cheriyapally.org) എന്നിവയിലൂടെ വിശ്വാസികൾക്ക് തത്സമയം കാണാവുന്നതാണ്.

പള്ളി ഓഫീസ് ഫോൺ നമ്പർ
8589062462, 0485-2862362 , 2862204…

E.mail:[email protected]

ഒക്ടോബർ 2-ാം തീയതി തീർത്ഥാടകർക്കായി നേർച്ചക്കഞ്ഞി കൽക്കുരിശിന് പടിഞ്ഞാറ് പ്രത്യേകം തയ്യാറാക്കിയ കൗണ്ടറുകളിൽ നിന്നും രാവിലെ 8 മണി മുതൽ രാത്രി 9 മണി വരെ ലഭിക്കുന്നതാണ്. വൈദ്യുതി ദീപാലങ്കാരം സെപ്തംബർ 29ാം തീയതി മുതൽ ഒക്ടോബർ 9ാം തീയതി വരെ ഉണ്ടായിരിക്കുന്നതാണ്. ചക്കാലക്കുടിയിലുള്ള വി.യൽദോ മോർ ബസേലിയോസ് ചാപ്പലിൽ 2022 സെപ്തംബർ 25 മുതൽ ഒക്ടോബർ 4 വരെ രാവിലെ 7 മണിക്ക് വി.കുർബ്ബാന ഉണ്ടായിരിക്കുന്നതാണ്. ബഹു. കേരള ഗവൺമെന്റിന്റെ നിർദ്ദേശപ്രകാരം പള്ളിയിലും പരിസരങ്ങളിലും പ്ലാസ്റ്റിക് നിർമ്മിത ഉല്പന്നങ്ങൾ ഉപയോഗിക്കാതിരിക്കാൻ ശ്രദ്ധിക്കുക.

NEWS

മെമ്പറുടെ വീട്ടിലെ ഫ്യൂസ് ഊരി KSEB; രോഗിയായ വൃദ്ധമാതാവ് ആശുപത്രിയിലെ തീവ്ര പരിചരണ വിഭാഗത്തിൽ.

Published

1 day ago

September 25, 2022

kothamangalamnews.com

കോട്ടപ്പടി : വെെദ്യുതി ബില്‍ കുടിശ്ശിക വരുത്തിയതിനെത്തുടർന്ന് മുന്നറിയിപ്പില്ലാതെ കോട്ടപ്പടി മൂന്നാം വാർഡ് മെമ്പർ സന്തോഷ് അയ്യപ്പൻറെ വീടിന്റെ വെെദ്യുതി കണക്ഷൻ വിച്ഛേദിച്ചു. തുടർന്ന് വെെദ്യുതിയിൽ പ്രവർത്തിക്കുന്ന നെബുലൈസർ പ്രവർത്തന രഹിതമായതുമൂലം ചികിത്സയിൽ ഇരിക്കുന്ന സന്തോഷിന്റെ മാതാവ് കളിക്കുട്ടിക്ക് (68) ശ്വാസതടസ്സവും ശാരീരിക ബുദ്ധിമുട്ടും അനുഭവപെട്ടതിനെത്തുടർന്ന് കോതമംഗലത്തെ ധർമ്മഗിരി ആശുപത്രിയിൽ പ്രവേശിപ്പിക്കുകയായിരുന്നു. ഇന്നലെ വൈകിട്ട് വീട്ടിൽ എത്തിയ സന്തോഷ് അയ്യപ്പൻ വെെദ്യുതി ഇല്ലാത്തതിന്റെ കാരണം തിരക്കിയപ്പോൾ വീട്ടുകാർക്ക് അതിനെക്കുറിച്ച് അറിയില്ലായിരുന്നു. തുടർന്ന് നടന്ന പരിശോധനയിലാണ് വീട്ടിലെ വെെദ്യുതി മീറ്ററിലെ ഫ്യൂസ് ഊരിവെച്ചിരിക്കുന്നത് കാണുന്നത്. വെെദ്യുതി ബില്ലായ 315 രൂപ ഓൺലൈനായി അപ്പോൾ തന്നെ മെമ്പർ അടക്കുകയും ബന്ധപ്പെട്ടവരെ വിളിച്ചു വെെദ്യുതി കണക്ഷൻ പുനഃസ്ഥാപിക്കണമെന്ന് ആവശ്യപ്പെടുകയുമായിരുന്നു.

കോട്ടപ്പടി പഞ്ചായത്തിലെ കാട്ടാന ശല്യം ഏറ്റവും രൂക്ഷമായ വടക്കുംഭാഗത്തു താമസിക്കുന്ന മെമ്പറുടെ വീട്ടിലെ തന്നെ ഫ്യൂസ് ഊരിയത് നാട്ടുകാരിൽ അമ്പരപ്പുണ്ടാക്കി. രോഗിയായ വൃദ്ധമാതാവും തന്റെ രണ്ട് കുട്ടികളും മാത്രമുള്ളപ്പോൾ അവരോടുപോലും കാര്യം പറയാതേയും, ഉപഭോക്താവിനെ വിളിച്ചു കാര്യം ധരിപ്പിക്കാതെയും വെെദ്യുതി കണക്ഷൻ വിച്ഛേദിച്ചത് വെെദ്യുതി ബോർഡ് ജീവനക്കാരുടെ ധാർഷ്ട്യം മാത്രമാണെന്ന് മെമ്പർ പറയുന്നു. വെെദ്യുതി ഇല്ലാതായതിനെത്തുടർന്ന് നെബുലൈസറിന്റെ സഹായത്തോടെയുള്ള ചികിത്സ മുടങ്ങുകയായിരുന്നു. തുടർന്ന് രാത്രിയിൽ ശ്വാസ തടസ്സം നേരിട്ടതിനെത്തുടർന്ന് നാട്ടുകാർ കസേരയിൽ ഇരുത്തി വീട്ടിൽ നിന്നും ചുമന്ന് പ്രധാന റോഡിൽ എത്തിക്കുകയായിരുന്നു.

വീടിന്റെ മുൻപിൽ കാട്ടാന വരുമ്പോൾ ലൈറ്റ് ഇട്ടും ശബ്ദമുണ്ടാക്കിയും ഓടിക്കുന്ന വീട്ടിലെ വെെദ്യുതി കണക്ഷൻ വിച്ഛേദിച്ചതും, വെെദ്യുതിയിൽ മാത്രം പ്രവർത്തിക്കുന്ന ഉപകരണത്തിന്റെ സഹായത്തോടെ ചികിത്സ നടത്തുന്നതുമായ വൃദ്ധമാതാവ് കഴിയുന്നതുമായ വീട്ടിൽ ഒരു മാനുഷീക പരിഗണന പോലും നൽകാതെ നിരുത്തരവാദിത്തപരമായി ഫ്യൂസ് ഊരിയതിൽ അടുത്ത അമർഷമാണ് പ്രദേശവാസികൾക്ക്. അമ്മക്ക് ശ്വാസം മുട്ട് അനുഭവപ്പെട്ടപ്പോൾ നാട്ടുകാരുടെ സഹായത്തോടെ തക്ക സമയത്ത് ആശുപത്രിയിൽ പ്രവേശിപ്പിച്ചത് കൊണ്ട് മാത്രമാണ് ജീവൻ തിരിച്ചുകിട്ടിയതെന്ന് സന്തോഷ് പറയുന്നു. കോതമംഗലത്തെ സ്വകാര്യ ആശുപത്രിയിലെ മെഡിക്കൽ തീവ്രപരിചരണ വിഭാഗത്തിൽ പ്രവേശിപ്പിക്കപ്പെട്ട കാളിക്കുട്ടി അമ്മയുടെ നില ഗുരുതരമായി തുടരുകയാണെന്ന് ബന്ധുക്കൾ വ്യക്തമാക്കുന്നു. വെെദ്യുതി വകുപ്പ് ജീവനക്കാരന്റെ പ്രവൃത്തിമൂലം ആശുപത്രി ചെലവിന് കൂടിയുള്ള പണം കണ്ടത്തേണ്ട അവസ്ഥയിലാണ് തടിപ്പണിക്കാരനും സിപിഐഎം മെമ്പറുമായ സന്തോഷ് അയ്യപ്പൻ.