പോത്താനിക്കാട് : പന്ത്രണ്ട് വയസ്സുകാരിയെ പീഡിപ്പിക്കാൻ ശ്രമിച്ച കുറ്റത്തിന് പോത്താനിക്കാട് സ്വദേശിയായ പ്രതിക്ക് അഞ്ച് വര്‍ഷം തടവു ശിക്ഷ വിധിച്ചു. പോത്താനിക്കാട് 2018 ല്‍ ഓട്ടോറിക്ഷയിൽ പന്ത്രണ്ട് വയസ്സുകാരിയെ പീഡിപ്പിക്കാൻ ശ്രമിച്ച കുറ്റത്തിന് പോത്താനിക്കാട് കടവൂർ മഞ്ചുപീടി ഭാഗത്ത് വീപ്പനാട്ടു വീട്ടിൽ ബെന്നി യോഹന്നാനെ (60) ആണ് എറണാകുളം പോക്സോ കോടതി ജഡ്ജി കെ.സോമൻ അഞ്ച് വർഷത്തേക്ക് തടവ് ശിക്ഷ വിധിച്ചത്.
കല്ലൂർക്കാട് പോലീസ് ഇൻസ്പെക്ടർ പി.എച്ച് ഇബ്രാഹിം ആദ്യം അന്വേഷണം നടത്തിയ കേസിൽ പോത്താനിക്കാട് സബ് ഇൻസ്പെക്ടർ ആയിരുന്ന ആര്‍.ബൈജുവാണ് പ്രതിക്കെതിരെ കോടതിയില്‍ കുറ്റപത്രം സമർപ്പിച്ചത്. പ്രോസിക്യൂഷനുവേണ്ടി അഡ്വ. പി.എ.ബിന്ദു ഹാജരായി.
