പെരുമ്പാവൂർ : പെരിയാർവാലി ഇറിഗേഷൻ പ്രോജക്റ്റിൽ നിന്നുള്ള ജലസേചന സൗകര്യത്തിനുള്ള കുടിവെള്ളം ഈയാഴ്ച തുറന്നു വിടുമെന്ന് എൽദോസ് കുന്നപ്പിള്ളി എംഎൽഎ അറിയിച്ചു . ചെക്ക് ഡാമിൽ സൈഡ് ഇടിഞ്ഞത് കൊണ്ടുണ്ടായ പ്രശ്നങ്ങൾ പരിഹരിക്കുവാൻ ജില്ലാ കളക്ടറേറ്റിൽ നിന്ന് ആവശ്യമായ ഇടപെടലുകൾ ഉണ്ടാവുകയും പണം അനുവദിക്കുകയും ചെയ്തിരുന്നു .കഴിഞ്ഞ രണ്ട് താലൂക്ക് സഭകളിലും കുടിവെള്ളക്ഷാമം വളരെ രൂക്ഷമായി തുടരുന്ന സാഹചര്യത്തെക്കുറിച്ച് പരാതികൾ ഉണ്ടായ സാഹചര്യത്തിൽ അടിയന്തിരമായി വേണ്ട നടപടികൾ സ്വീകരിക്കുവാൻ എംഎൽഎ നിർദ്ദേശിച്ചിരുന്നു .ജില്ലയുടെ വടക്ക് ഭാഗങ്ങളിലേക്ക് ഈ ദിവസങ്ങളിൽ തന്നെ വെള്ളം തുറന്നു വിടാൻ കഴിയുന്ന സാഹചര്യമാണ് നിലവിലുള്ളത് .വെങ്ങോല പോലെയുള്ള കുടിവെള്ളക്ഷാമം അനുഭവപ്പെടുന്ന പ്രദേശങ്ങളിൽ കിണറുകൾ വറ്റി തുടങ്ങിയ അവസ്ഥയിലാണ് കനാൽ വെള്ളം തുറന്നുവിടുന്നത് .സാധാരണഗതിയിൽ നവംബർ മാസങ്ങളിൽ കനാൽ വെള്ളം തുറന്നു വിടാറുണ്ട് .ചെക്ക് ഡാമിൻ്റെ പാർശ്വഭിത്തികൾ തകർന്നതാണ് ഇപ്പോൾ ഉണ്ടായ പ്രതിസന്ധിക്ക് കാരണം …കനാലുകളിലെ അറ്റകുറ്റപ്പണികൾ അതിവേഗം തീർത്തു വരികയാണെന്ന് പെരിയാർവാലി എക്സിക്യൂട്ടീവ് എൻജിനീയർ അറിയിച്ചു .
