കോതമംഗലം : പല്ലാരിമംഗലം പഞ്ചായത്തിൽ കുടിവെള്ള പദ്ധതിയുടെ നവീകരണത്തിന് 38 കോടി 93 ലക്ഷം രൂപയുടെ ടെൻഡർ നടപടികൾ പൂർത്തീകരിച്ചതായി ആന്റണി ജോൺ എം എൽ എ അറിയിച്ചു. വെളിയങ്കുന്നില് പഞ്ചായത്ത് വക ഭൂമിയില് 2 ലക്ഷം ലിറ്റര് ശേഷിയുള്ള ഒരു ഉപരിതല ടാങ്ക് നിർമ്മിച്ച് ത്യക്കേപ്പടിയില് പണികഴിപ്പിക്കുന്ന പമ്പ് ഹൗസിൽ നിന്നും 35 HP പമ്പ് സെറ്റ് സ്ഥാപിച്ച് 4 കിലോമിറ്റര് നീളം പമ്പിംഗ് മെയിന് സ്ഥാപിച്ച് വെള്ളം എത്തിക്കും . ടാങ്കിൽ നിന്നും ഇടുന്ന വിതരണ ശ്രംഖല വഴി നിലവിലുള്ള എല്ലാ വാട്ടര് കണക്ഷനുകളിലും സുഗമമായി വെള്ളം എത്തിക്കും .പുതിയതായി 22 കിലോമിറ്റര് നീളത്തിൽ പൈപ്പ്ലൈന് ഇട്ടിട്ടി ല്ലാത്ത എല്ലാ ഗ്രാമീണ റോഡുകളിലും സ്ഥാപിക്കും. വാക്കത്തിപ്പാറയില് പുതിയതായി പണികഴിപ്പിക്കുന്ന 4.50 ലക്ഷം ലിറ്റര് ശേഷിയുള്ള ഉപരിതല ജലസംഭരണിയില് നിന്ന് 200 മില്ലി മീറ്റര് വ്യാസമുള്ള പൈപ്പ് 6 കിലോമീറ്റര് നീളത്തില് സ്ഥാപിക്കും. നിലവിലുള്ള വരമ്പുപാറ 1 എം എല് ഡി ട്രീറ്റുമെന്റിനോട് അനുബന്ധമായുള്ള സംപില് കൂടുതല് വെള്ളം എത്തിച്ച് വിതരണത്തിന് ലഭ്യമാക്കും . കാലാഹരണപ്പെട്ട പൈപ്പുകള് മാറ്റുന്നതോടുകൂടി 3561 കുടുംബങ്ങൾക്കാണ് വാട്ടർ കണക്ഷൻ ലഭ്യമാക്കുന്നത് .കുടിവെള്ള പദ്ധതിയുടെ നവീകരണത്തിനുള്ള ടെൻഡർ നടപടികൾ പൂർത്തീകരിച്ചതായും നിർമ്മാണ പ്രവർത്തനങ്ങൾ ഉടൻ ആരംഭിക്കുമെന്നും എം എൽ എ പറഞ്ഞു.
NEWS
പല്ലാരിമംഗലം പഞ്ചായത്തിൽ കുടിവെള്ള പദ്ധതിയുടെ നവീകരണത്തിന് 38 കോടി 93 ലക്ഷം രൂപയുടെ ടെൻഡർ നടപടികൾ പൂർത്തീകരിച്ചു : ആന്റണി ജോൺ എം എൽ എ
You May Also Like
NEWS
കോതമംഗലം : കഴിഞ്ഞ ദിവസങ്ങളിൽ മാമലക്കണ്ടത്ത് കടുവയുടെ സാന്നിധ്യം കണ്ട പ്രദേശങ്ങളിൽ കൂടുതൽ നിരീക്ഷണ ക്യാമറകൾ സ്ഥാപിക്കുന്നതിനും തുടർച്ചയിൽ കൂട് സ്ഥാപിക്കാനും തീരുമാനം. മാമലക്കണ്ടത്ത് താലിപ്പാറ, ചാമപ്പാറ, കാര്യാട് എന്നീ പ്രദേശങ്ങളിലാണ് കഴിഞ്ഞ...
NEWS
കോതമംഗലം :ഇളങ്ങവം ഗവ ഹൈടെക് എൽ പി സ്കൂൾ 62 -)മത് വാർഷികാഘോഷവും, സ്തുത്യർഹമായ സേവനത്തിനു ശേഷം സെർവീസിൽ നിന്നും വിരമിക്കുന്ന രജനി ടീച്ചർക്കുള്ള യാത്രയയപ്പും സംഘടിപ്പിച്ചു. ഉദ്ഘാടനം ആന്റണി ജോൺ എംഎൽഎ...
NEWS
കോതമംഗലം : കോതമംഗലം നിയോജക മണ്ഡലത്തിൽ എം എൽ എയുടെ ആസ്തി വികസന ഫണ്ട് 3.5 കോടി രൂപ ചിലവഴിച്ചുള്ള കനാൽ ബണ്ട് നവീകരണത്തിന് തുടക്കമായി. മെയിൻ കനാൽ, ഹൈ ലെവൽ, ലോ...
NEWS
കോതമംഗലം :ദേശീയപാത നവീകരണവുമായി ബന്ധപ്പെട്ട് കോതമംഗലം നഗരസഭ പരിധിയിലും, കവളങ്ങാട് ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള് അടിയന്തിരമായി പരിഹരിക്കുന്നതിന് ദേശീയപാത അതോറിറ്റി തയ്യാറാകണമെന്ന് കോതമംഗലം താലൂക്ക് വികസന സമിതി യോഗം ആവശ്യപ്പെട്ടു....