കോതമംഗലം : കോതമംഗലം താലൂക്ക് വികസന സമിതി യോഗം ആന്റണി ജോൺ എം എൽ എയുടെ അധ്യക്ഷതയിൽ മിനി സിവിൽ സ്റ്റേഷൻ ഹാളിൽ വച്ച് നടന്നു.കഴിഞ്ഞ വികസന സമിതി യോഗത്തിൽ വിവിധ വകുപ്പുകളിൽ നിന്നും അടിയന്തരമായി സ്വീകരിക്കേണ്ട നടപടികൾ ചർച്ച ചെയ്തിരുന്നു.ആയതു പ്രകാരം വാട്ടർ അതോറിറ്റി,കെ എസ് ഇ ബി,ദേശീയപാത(നിരത്ത്) ഉപവിഭാഗം,പൊതുമരാമത്ത്(നിരത്ത്)വിഭാഗം കോതമംഗലം,പൊതുമരാമത്ത്(നിരത്ത്)വിഭാഗം പോത്താനിക്കാട് എന്നീ ഓഫീസുകളിൽ നിന്നും സ്വീകരിച്ചിട്ടുള്ള നടപടി വിവരങ്ങൾ തഹസിൽദാർ യോഗത്തിൽ അറിയിച്ചു.

ചർച്ച ചെയ്ത വിഷയങ്ങളിൽ വിവിധ വകുപ്പുകൾ സമയബന്ധിതമായി നടപടി സ്വീകരിച്ച് പരിഹരിച്ചതിൽ യോഗം സംതൃപ്തി പ്രകടിപ്പിച്ചു.കോതമംഗലം മുനിസിപ്പാലിറ്റിയിലെ അനധികൃത വാഹന പാർക്കിംഗ് സംബന്ധിച്ച ചർച്ച ചെയ്തിട്ടുള്ളതും നടപടി സ്വീകരിക്കേണ്ടതായും യോഗം ചർച്ച ചെയ്തിട്ടുള്ളതാണ്. വിദ്യാർത്ഥികളുടെയും യുവാക്കളുടെയും ഇടയിലുള്ള ലഹരി ഉപയോഗം സംബന്ധിച്ചുള്ള ചർച്ചയിൽ എക്സൈസ് വിഭാഗങ്ങളിലും സ്വീകരിച്ചിട്ടുള്ള നടപടി അഭിനന്ദനാർഹമാണെന്നും തുടർന്നും നിലവിലുള്ള രീതിയിലെ പ്രവർത്തനം തന്നെ ഇരു വിഭാഗങ്ങളിൽ നിന്നും ഉണ്ടാകണമെന്നും എം എൽ എ യോഗത്തിൽ അറിയിച്ചു.കെ എസ് ഇ ബി യുടെ ഇലക്ട്രിക് പോസ്റ്റ് സ്ഥാപിക്കുന്നതുമായി ബന്ധപ്പെട്ട കാര്യം ലോകത്തിൽ ചർച്ച ചെയ്തിട്ടുള്ളതും പരിഹാരം കാണേണ്ടതായും തീരുമാനിച്ചിട്ടുള്ളതാണ്.ജനങ്ങൾക്ക് കനാൽ വഴി വെള്ളം ലഭ്യമാകുന്നതിനുള്ള നടപടി പി വി ഐ പി യുടെ ഭാഗത്തുനിന്നും ഉണ്ടാകണമെന്ന് എം എൽ എ യോഗത്തിൽ ആവശ്യപ്പെട്ടിട്ടുള്ളതാണ്.

ഡിസംബർ പകുതിയോടെ തന്നെ നടപടി സ്വീകരിക്കുന്നതാണെന്ന് പി വി ഐ പി യി ൽ നിന്നും അറിയിച്ചു.മുനിസിപ്പൽ ചെയർമാൻ കെ കെ ടോമി,ജില്ലാ പഞ്ചായത്ത് അംഗം കെ കെ ദാനി,നെല്ലിക്കുഴി പഞ്ചായത്ത് പ്രസിഡന്റ് പി എം മജീദ്,മുവാറ്റുപുഴ എം എൽ എ പ്രതിനിധി അഡ്വക്കേറ്റ് അജു മാത്യു,വിവിധ രാഷ്ട്രീയ പാർട്ടി പ്രതിനിധികൾ,തഹസിൽദാർ റെയ്ച്ചൽ കെ വർഗീസ്,വിവിധ വകുപ്പ് ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

കോതമംഗലം : നെല്ലിക്കുഴി പീഡന കേസിൽ FIR രജിസ്റ്റർ ചെയ്ത പ്രതിയെ കസ്റ്റഡിയിൽ എടുക്കാതെ സംരക്ഷിക്കുന്നതായി ആക്ഷേപം. നെല്ലിക്കുഴി സ്വദേശിനിയായ യുവതിയേയാണ് പ്രതി വീടിന് സമീപം വച്ച് പീഡിപ്പിച്ചതായി കോതമംഗലം പോലീസിൽ പരാതി നൽകിയത്. വർഷങ്ങളായി യുവതിയുടെ ഭർത്താവ് വിദേശത്താണ്. വീട്ടുകാർ ആരും തന്നെ ഇല്ലാത്ത സമയം നോക്കി അയൽവാസിയായ യുവാവ് പരാതികാരിയുടെ വീടിന് സമീപം എത്തി കടന്ന് പിടിക്കുകയായിരിന്നു എന്ന് പരാതിയിൽ പറയുന്നു. മാനക്കേട് ഭയന്നും ഭർത്താവ് നാട്ടിൽ ഇല്ലാത്തതിനാലും അന്ന് യുവതി പരാതി നൽകിയിരുന്നില്ല പിന്നീട് ഭർത്താവ് ലീവിൽ നാട്ടിലെത്തിയതോടെയാണ് കോതമംഗലം പോലീസിൽ പരാതി നൽകിയത്.

കഴിഞ്ഞ മാസം 26ന് നൽകിയ പരാതിയിൻമേൽ അന്ന് തന്നെ FIR രജിസ്റ്റർ ചെയ്തിരുന്നുവെങ്കിലും പ്രതിയെ കസ്റ്റഡിയിൽ എടുക്കാൻ പോലീസ് തയ്യാറായിട്ടില്ല എന്നുള്ളതാണ് നിലവിലെ പരാതിക്കാരിയുടെ ആക്ഷേപം. പ്രതി ഭരണകക്ഷിയിൽപ്പെട്ട തൊഴിലാളി യൂണിയന്റെ അംഗവും നിലവിൽ നെല്ലിക്കുഴി കനാൽ ജംഗ്ഷനിൽ തൊഴിലെടുക്കുന്ന വ്യക്തിയുമാണ്. ഉന്നത ഇടപ്പെടലാണ് പ്രതിയെ കസ്റ്റഡിയിൽ എടുത്ത് കോടതിയിൽ ഹാജറാക്കാതെ പോലീസ് ഒരുണ്ട് കളിക്കുന്നതിന്റെ കാരണമെന്ന് പരക്കെ ആക്ഷേപമുള്ളതായി നാട്ടുകാർ അടക്കം പറയുന്നു.

പ്രതിയും പരാതികാരിയും ഒരേ പാർട്ടിക്കാരായതിനാൽ ചേരിതിരിഞ്ഞാണ് നേതാക്കൾ ഈ കേസിൽ ഇടപ്പെടുന്നതായും, പീഠന കേസിൽ പ്രതിയെ കസ്റ്റഡിയിൽ എടുത്താലും നടപടി, പ്രതിയെ സംരക്ഷിച്ചാലും നടപടി എന്ന മട്ടിലാണ് പോലീസിന്റെ നിസഹയാവസ്ഥ. എന്തായാലും പ്രതിയെ കസ്റ്റഡിയിൽ എടുക്കാത്ത പക്ഷം കോടതിയെ സമീപിക്കാനാണ് പരാതികാരിയുടെ തീരുമാനം എന്നറിയുന്നു.

കോതമംഗലം : എം എ എഞ്ചിനീയറിംഗ് കോളേജിൽ വജ്ര ജൂബിലിയോടനുബന്ധിച്ച് നടക്കുന്ന ശാസ്ത്ര സാങ്കേതിക പ്രദർശനത്തിൽ മെക്കാനിക്കൽ എഞ്ചിനീയറിംഗ് വിഭാഗത്തിലെ ഹീറ്റ് എൻജിൻസ് ലബോറട്ടറി ഒരുക്കിയിട്ടുള്ള വേറിട്ട പ്രൊജക്ടുകൾ ആകർഷകമായി. ബുള്ളറ്റ് എഞ്ചിൻ ഘടിപ്പിച്ച ഓൾട്ടെറൈൻ വെഹിക്കിൾ, റേസിംഗ് കാറിൻറെയും ടില്ലറിന്റെയും മോഡലുകൾ, പ്രീമിയർ പദ്മിനി ഹെറാൾഡ് കട്ട് മോഡൽ തുടങ്ങി വിദ്യാർഥികളും അദ്ധ്യാപകരും ചേർന്നൊരുക്കിയ വിവിധ പ്രൊജറ്റുകൾ ശ്രദ്ധേയമായി.
ഒരു വാഹത്തിൽ വരുന്ന പ്രധാനപ്പെട്ട യന്ത്രഭാഗങ്ങളായ എഞ്ചിൻ, ക്ലച്ച്, ഗിയർ ബോക്സ്‌, ഡിഫ്രൻഷ്യൽ തുടങ്ങി എല്ലാ ഭാഗങ്ങളുടെയും പ്രവർത്തങ്ങൾ ഒറ്റകാഴ്ച്ചയിൽ മനസിലാക്കിയെടുക്കാവുന്ന തരത്തിൽ സജീകരിച്ചിട്ടുള്ള വാഹനത്തിന്റെ പ്രവർത്തന മാതൃക പ്രദർശിനി കാണാനെത്തിയ ആയിരക്കണക്കിന് വിദ്യാർത്ഥികൾക്ക് ഗുണപ്രതമായി.

വാഹനങ്ങളുടെ പഴയകാല ടെക്നോളജി മുതൽ നൂതന സാങ്കേതിക വിദ്യവരെ മനസിലാക്കിയെടുക്കുവാനുള്ള സംവിധാനങ്ങളും ഹീറ്റ് എഞ്ചിൻ ലാബിൽ തയ്യാറാക്കിയിട്ടുണ്ട്. പ്രദർശിനി കാണാൻ എത്തിയവർക്ക് പ്രൊജക്ടിന്റെ ഭാഗമയുണ്ടാക്കിയ ഓൾട്ടറൈൻ വാഹങ്ങളിൽ കയറിയിരുന്ന് ഫോട്ടോയും വീഡിയോയും എടുക്കുവാനും വളരെ ആവേശമായിരുന്നു. കപ്പലുകളിലും ഹെലിക്കോപ്റ്ററുകളിലും ഗതി നിർണ്ണയത്തിനും ബാലൻസിഗിനും ഉപയോഗിക്കുന്ന ഗൈറോ സ്കോപ്പിക്ക് പ്രസിഷൻ എഫക്ട് നേരിട്ട് അനുഭവിച്ചറിയുവാൻ കഴിയുന്ന രീതിയിൽ തയ്യാറാക്കിയിട്ടുള്ള മാജിക്കൽ വീൽ സംവിധാനം പ്രദർശിനി കാണാൻ എത്തിയ കുട്ടികൾക്കും പ്രായമായവർക്കും ഒരുപോലെ ആവേശവും കൗതുകവുമുണർത്തി.

മെക്കാനിക്കൽ വിഭാഗം മേധാവി ഡോ:ബിനു മാർക്കോസാണ് വകുപ്പിന് കീഴിലുള്ള വിവിധ ലാബുകളിലെയും വർക്ക്‌ഷോപ്പുകളിലേയും പ്രൊജെക്ടുകൾ ഏകോപിപ്പിക്കുന്നത്. വിവിധ ഡിപ്പാർട്മെന്റ്കൾ ചേർന്നൊരുക്കിയ വിവിധ ശാസ്ത്ര സാങ്കേതിക പ്രദർശിനികൾ കാണാൻ പ്രതിദിനം ആയിരക്കണക്കിന് ആളുകളാണ് വന്ന് പോകുന്നത്. ശനിയാഴ്ച്ച വൈകിട്ടോടെ 8 ദിവസം നീണ്ടുനിന്ന വജ്ര മേസ് പ്രദർശിനി അവസാനിക്കും.