Connect with us

Hi, what are you looking for?

NEWS

തോക്കുമായി മാവോയിസ്റ്റുകളെന്ന് തോന്നുന്ന നാലംഗ സംഘത്തെ കണ്ടതായി അഭ്യൂഹം; പോലീസും വനംവകുപ്പും തിരച്ചിൽ ഊർജ്ജിതമാക്കി

കോതമംഗലം :നേര്യമംഗലം വനമേഖലയിൽ തോക്കുധാരികളെ കണ്ടെന്ന കോഴി വണ്ടി ഡ്രൈവറുടെ വെളിപ്പെടുത്തലിനെ തുടർന്ന് വ്യാപക തിരച്ചിൽ ആരംഭിച്ചു. മാവോയിസ്റ്റുകളെന്ന അഭ്യൂഹത്തിൽ പോലീസും വനംവകുപ്പും സംയുക്തമായാണ് ഇന്ന് തിരച്ചിൽ ആരംഭിച്ചിരിക്കുന്നത്. കൊച്ചി- ധനുഷ്കോടി ദേശീയപാതയോരത്ത് നേര്യമംഗലം അഞ്ചാം മൈലിൽ ഭാഗത്ത് തോക്കുധാരികളെ കണ്ടെന്നാണ് വെളിപ്പെടുത്തൽ. ഇന്നലെ വ്യാഴാഴ്ച്ച പുലർച്ചെ 4 മണിയോടെ ഇതുവഴി അടിമാലി ഭാഗത്തേയ്ക്ക് പോകുകയായിരുന്ന വാഹനത്തിന്റെ ഡ്രൈവറാണ് നാലഗസംഘത്തെ കണ്ടത്. ഇയാൾ വിവരം അധികൃതരെ അറിയിക്കുകയായിരുന്നു.

മൂന്ന് പുരുഷൻമാരും ഒരു സ്ത്രീയുമാണ് സംഘത്തിൽ ഉള്ളതായാണ് ഡ്രൈവറുടെ വെളിപ്പടുത്തൽ. ഡ്രൈവറിൽ നിന്നും കൂടുതൽ വിവരങ്ങൾ ശേഖരിച്ച ശേഷം പോലീസും അന്വേഷണത്തിനിറങ്ങിയിരിക്കുന്നത് സംഭവത്തിന്റെ ഗൗരവം വർദ്ധിപ്പിക്കുന്നു. ഇന്നലെ തിരച്ചിൽ നടത്തിയെങ്കിലും അസ്വഭാവികമായി ഒന്നും കണ്ടെത്താനായിട്ടില്ലന്നാണ് വനംവകുപ്പ് അധികൃതരിൽ ലഭിക്കുന്ന പ്രാഥമിക വിവരം. അഞ്ചാംമൈലിലെ വനമേഖല കുട്ടമ്പുഴ വനമേഖലയുമായി ബന്ധപ്പെട്ടുകിടക്കുന്നതിനാൽ തിരച്ചിൽ കുട്ടമ്പുഴ, പൂയംകുട്ടി ഇടമലയാർ മേഖലകളിലേയ്ക്ക് കൂടി വ്യാപിപ്പിക്കാനും സാധ്യതയുണ്ട്. വാഹന ഡ്രൈവർ കണ്ടത് മാവോയിസ്റ്റുകളെയാണെന്ന തരത്തിലാണ് പ്രചാരണങ്ങൾ ശക്തിപ്പെട്ടിട്ടുള്ളത്. എന്നാൽ ഇക്കാര്യം പോലീസും വനംവകുപ്പ് ഉദ്യോഗസ്ഥരും സ്ഥിരീകരിച്ചിട്ടില്ല.

You May Also Like

NEWS

കോതമംഗലം : നേര്യമംഗലം കാഞ്ഞിരവേലിയില്‍ കാട്ടാന ആക്രമണത്തില്‍ കൊല്ലപ്പെട്ട ഇന്ദിരയുടെയുടെ കുടുംബത്തിന് പത്ത് ലക്ഷം കൈമാറി. കുടുംബത്തെ മന്ത്രി പി. രാജീവിനൊപ്പം നേരില്‍ സന്ദര്‍ശിച്ചുവെന്ന് മന്ത്രി റോഷി അഗസ്റ്റിൻ പറഞ്ഞു.ഇന്ദിരയുടെ ഭര്‍ത്താവ് രാമകൃഷ്ണന്റെയും...

NEWS

നേര്യമംഗലം : ഇഞ്ചത്തൊട്ടി ഫോറസ്റ്റ് സ്റ്റേഷനിൽ അതിക്രമിച്ച് കയറി വധ ഭീഷണി മുഴക്കിയയാൾക്കെതിരെ വനപാലകർ കുട്ടമ്പുഴ പോലീസിൽ പരാതി നൽകി. നേര്യമംഗലം റെയിഞ്ചിൽ ഇഞ്ചത്തൊട്ടി ഫോറസ്റ്റ് സ്റ്റേഷനിൽ ജീവനക്കാർ കാട്ടാനയെ ഓടിക്കുന്ന ഡ്യൂട്ടിയിൽ...

NEWS

നേര്യമംഗലം : നേരിയമംഗലം ടൗണിൽ ഹോമിയോ ഹോസ്പിറ്റൽ പ്രവർത്തനം ആരംഭിച്ചു.കവളങ്ങാട് ഗ്രാമപഞ്ചായത്തിന്റെ കീഴിലുള്ള ഹോമിയോ ഡിസ്പെൻസറി നേര്യമംഗലത്ത് കോളനിയിൽ 23 വർഷമായി പ്രവർത്തിച്ചു വരിയായിരുന്നു.13 വർഷക്കാലം കൈരളി വായനശാലയുടെ മുറിയിൽ സൗജന്യമായും,10 വർഷക്കാലം മറ്റൊരു...

CRIME

കോതമംഗലം : യുവതിയെ എയർ പിസ്റ്റൾ ചൂണ്ടി ഭീഷണിപ്പെടുത്തിയ കേസിൽ യുവാവ് അറസ്റ്റിൽ. നേര്യമംഗലം തലക്കോട് പുത്തൻകുരിശ് ഭാഗത്ത് മലയൻക്കുന്നേൽ വീട്ടിൽ രാഹുൽ ജയൻ (26) നെയാണ് മൂവാറ്റുപുഴ പോലീസ് അറസ്റ്റ് ചെയ്തത്....