കോതമംഗലം: മുക്കുപണ്ടം പണയം വെച്ച് പണം തട്ടിയ കേസിലെ പ്രതിക്ക് കഠിന തടവും പിഴയും. കോട്ടപ്പടി പാനിപ്ര ചിറ്റേത്ത്കുടിയില്‍ മക്കാ(62)നെയാണ് കോതമംഗലം ജുഡീഷ്യല്‍ ഒന്നാം ക്ലാസ്സ് മജിസ്‌ട്രേറ്റ് കോടതി മൂന്നുവര്‍ഷം കഠിന തടവും, പതിനായിരം രൂപ പിഴയും വിധിച്ചത്. 2014 ആഗസ്റ്റില്‍ ദേശസാല്‍കൃത ബാങ്കിന്റെ പോത്താനിക്കാടുള്ള ശാഖയില്‍ 60.8 ഗ്രാം മുക്കുപണ്ടം പണയം വെച്ച് 105000 രൂപ പ്രതി കൈപ്പറ്റുകയായിരുന്നു. സമാനമായ നിരവധി മുക്കുപണ്ട പണയ കേസുകളിലെ പ്രതിയാണ് മക്കാ. പോത്തിനിക്കാട് പോലീസാണ് കേസ് രജിസ്റ്റര്‍ ചെയ്ത് അന്വേഷണം നടത്തി കുറ്റപത്രം സമര്‍പ്പിച്ചത്.പ്രോസിക്യൂഷനായിി അഡ്വ. ബെല്‍ജി ഹാജരായി.
