കോതമംഗലം: മാമലക്കണ്ടത്തെ പട്ടയ പ്രശ്നം പരിഹരിക്കാൻ ശ്രമം നടത്തുമെന്നും വന്യ മൃഗശല്യം ഒഴിവാക്കാൻ നടപടി സ്വീകരിക്കുമെന്നും മന്ത്രി പി രാജീവ് . സംസ്ഥാനത്ത് പട്ടിണിയില്ലാത്ത ഓണം സർക്കാരിൻ്റെ മുഖ്യ ലക്ഷ്യമായിരുന്നു
ജനക്ഷേമകരമായ പ്രവർത്തനങ്ങൾ സർക്കാരിൻ്റെ മുഖമുദ്രയാണന്നും പി.രാജീവ് പറഞ്ഞു.
സി പി ഐ എം കോതമംഗലം ഏരിയ കമ്മറ്റിയും ,പ്രോഗ്രസീവ് ഹോമിയോപ്പത്സ് ഫോറവും സംയുക്തമായി മാമലക്കണ്ടം ഇളബ്ലാശ്ശേരി കുടിയിൽ സംഘടിപ്പിച്ച ഊരിലെ ഓണം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം ഓണക്കിറ്റ് വിതരണവും
മുതിർന്നവർക്ക് ഓണക്കോടി വിതരണവും മന്ത്രി നിർവ്വഹിച്ചു. സി പി ഐ എം മാമലക്കണ്ടം ലോക്കൽ സെക്രട്ടറി പിഎൻ കുഞ്ഞുമോൻ അധ്യക്ഷനായി .
ആൻ്റണി ജോൺ എം എൽ എ ,
ഏരിയ സെക്രട്ടറി ആർ അനിൽ കുമാർ , ഡി വൈ എഫ് ഐ സംസ്ഥാന പ്രസിഡൻ്റ് എസ് സതീഷ് നഗരസഭ ചെയർമാൻ കെ കെ ടോമി , ഡോ ഉമ്മർ അലി , കെ കെ ഗോപി , ആരോമൽ മാമലക്കണ്ടം , ശ്രീജ ബിജു എന്നിവർ പ്രസംഗിച്ചു.
ഊര് മൂപ്പൻ മൈക്കിൾ മൈക്കിളിനേയും കാണിക്കാരൻ രാജപ്പൻ കാണിയേയും മന്ത്രി പൊന്നാട അണിയിച്ച് ആദരിച്ചു. ആദിവാസി കുടിയിലെത്തിയ മന്ത്രിക്ക് ഉജ്ജല സ്വീകരണമാണ് കോളനി വാസികൾ നൽകിയത്.
പരമ്പരാഗത വേഷവിതാനത്തിലെത്തിയ ഊരിൻ്റെ മക്കൾ പാട്ടു പാടി നൃത്തം ചവുട്ടിയാണ് മന്ത്രിയെ വരവേറ്റത്.
