പെരുമ്പാവൂർ : യുവാവിനെ കൊലപ്പെടുത്താൻ ശ്രമിച്ച കേസിൽ ഒരാൾ പിടിയിൽ. മലയാറ്റൂർ ആലൻവിളയിൽ വീട്ടിൽ പ്രിൻസ് (31) നെയാണ് കാലടി പോലീസ് അറസ്റ്റ് ചെയ്തത്. ജോർജ് തോമസ് എന്നയാൾക്കാണ് കുത്തേറ്റത്. വാഹനം ഓടിയ്ക്കുന്നതുമായി ബന്ധപ്പെട്ട കണക്കുകളിൽ പ്രിൻസ് കൃത്രിമം കാണിക്കുന്നവെന്ന സംശയം വാഹന ഉടമസ്ഥനെ ധരിപ്പിച്ചതിലുള്ള വൈരാഗ്യമാണ് ആക്രമണത്തിൽ കലാശിച്ചത്. ശനിയാഴ്ച രാത്രി നീലീശ്വരത്തുള്ള കമ്പനി ക്വാർട്ടേഴ്സ് പരിസരത്ത് വച്ചായിരുന്നു സംഭവം.
എസ്.എച്ച്.ഒ ബി.സന്തോഷ്, എസ്.ഐ മാരായ റ്റി.ബി.ഡിപിന്‍, റ്റി.ആര്‍.ബിബിന്‍, എസ്.ശിവപ്രസാദ്‌, എ.എസ്.ഐ അബ്ദുൾ സത്താർ, സീനിയർ സിവിൽ പോലീസ് ഓഫീസർ അനിൽ കുമാർ, സി.പി.ഒ മാരായ പ്രിൻസ്, സിദ്ദിഖ്, ജയന്തി എന്നിവരാണ് അന്വേഷണ സംഘത്തിലുളളത്.
