പണം വച്ച് ചീട്ടുകളി: നാല് ഇതര സംസ്ഥാന തൊഴിലാളികള്‍ പിടിയില്‍

പെരുമ്പാവൂര്‍: കുറുപ്പുംപടി മലമുറിയില്‍ പണം വച്ച് ചീട്ടുകളിച്ച നാല് ഇതര സംസ്ഥാന തൊഴിലാളികള്‍ പിടിയില്‍. ആസാം നൗഗാവ് സ്വദേശികളായ അസദുല്‍ ഹഖ് (28), ഇക്രാമുല്‍ ഹക്ക് (20), ഖുഷിദുല്‍ ഇസ്ലാം (32), അനാറുല്‍ ഇസ്ലാം (21 ) എന്നിവരെയാണ് പെരുമ്പാവൂര്‍ എസ്പിയുടെ നേതൃത്വത്തിലുള്ള പ്രത്യേക അന്വേഷണസംഘവും കുറുപ്പുംപടി പോലീസും ചേര്‍ന്ന് പിടികൂടിയത്. ഇവരില്‍ നിന്ന് മുപ്പത്തിമൂവായിരം രൂപയോളം കണ്ടെടുത്തു. വീടിന്റെ മുന്‍വശത്ത് ടാര്‍പായ വലിച്ചു കെട്ടിയാണ് ചീട്ടുകളിച്ചിരുന്നത്.