NEWS
എൽ.ഡി.എഫ് ജില്ലാ ജാഥയ്ക്ക് കോതമംഗലം മണ്ഡലത്തിൽ സ്വീകരണം നൽകി

കോതമംഗലം: പൗരത്വ ഭേദഗതി നിയമം പിൻവലിക്കണമെന്നാവശ്യപ്പെട്ട് 26 ന് വൈകിട്ട് 4ന് കാസർഗോഡ് മുതൽ തിരുവനന്തപുരം വരെ സംഘടിപ്പിക്കുന്ന മനുഷ്യാ മഹാശ്രംഖലയുടെ പ്രചരണാർത്ഥം നടത്തുന്ന എൽ.ഡി.എഫ് ജില്ലാ ജാഥയ്ക്ക് കോതമംഗലം മണ്ഡലത്തിൽ സ്വീകരണം നൽകി. അടിവാട്, കോതമംഗലം, നെല്ലിക്കുഴി എന്നീ കേന്ദ്രങ്ങളിലാണ് സ്വീകരണം നൽകിയത്. ബാൻഡു മേളത്തിന്റെയും നൂറുകണക്കിന് പ്രവർത്തകരുടെയും അകബടിയോടെ ജാഥയെ സ്വീകരണ കേന്ദ്രത്തിലേക്ക് ആനയിച്ചു. ഘടകകക്ഷി നേതാക്കൾ, യുവജന സംഘടനാ പ്രതിനിധികൾ, മഹിളാ സംഘടനാ പ്രതിനിധികൾ, ട്രേഡ് യുണിയൻ നേതാക്കൾ, വിദ്യാർത്ഥി സംഘടനാ നേതാക്കൾ, കർഷക സംഘടനാ നേതാക്കൾ എന്നിവർ ജാഥയെ സ്വീകരിച്ചു.
ചൂരൽ വടിയുമായി നടക്കുന്ന അദ്ധ്യാപകനെപ്പോലെയല്ല ഗവർണർ പെരുമാറേണ്ടതെന്നും സംസ്ഥാനത്തെ ജനങ്ങൾക്ക് ഗുണകരമായ നിലപാട് സ്വീകരിക്കുന്ന സർക്കാരിനൊപ്പം നിൽക്കാനുള്ള പക്വത കാട്ടുകയാണു വേണ്ടതെന്നും ജാഥ ക്യാപ്റ്റൻ സി.പി.ഐ ജില്ലാ സെക്രട്ടറി പി.രാജു പറഞ്ഞു. വിവിധ കേന്ദ്രങ്ങളിൽ ജാഥയ്ക്ക് നൽകിയ സ്വീകരണത്തിന് നന്ദി പറഞ്ഞ് സംസാരിക്കുകയായിരുന്നു അദ്ദേഹം. അധികാരം വിട്ട് നാട് വിടേണ്ടി വന്ന സർ സി.പിയുടെ അവസ്ഥയിലേക്ക് ഗവർണർ എത്തെരുതെന്നാണ് പറയുവാനുള്ളത്. ജനാധിപത്യ വ്യവസ്ഥയിൽ നിയമസഭക്കു മുകളിലല്ല ഗവർണർ സ്ഥാനമെന്നത് അദ്ദേഹം മനസിലാക്കണം. ഗവർണർ സ്ഥാനം നൽകിയ ബി.ജെ.പിയുടെ വക്താവായി മാറാനുള്ള ശ്രമമാണ് ഗവർണർ ചെയ്ത് കൊണ്ടിരിക്കുന്നതെന്നും പി.രാജു പറഞ്ഞു.
റമ്പർ വില നിയന്ത്രണം, നാളികേര തറവില തുടങ്ങി, പൊതുമേഖലാ സ്ഥാപനങ്ങൾ സ്വകാര്യ മേഖലയ്ക്കു വിറ്റുതുലക്കുന്നതിനെരെ തുടങ്ങിയ നിരവധിയായ പ്രശ്നങ്ങളിൽ സംസ്ഥാന
നിയമസഭ ഐക്യകണ്ഠ്യേന പ്രമേയം പാസ്സാക്കിയ ചരിത്രമുണ്ട്. വാജ്പെയ് സർക്കാരിന്റെ കാലത്തു പോലും കേന്ദ്ര സർക്കാരിനെതിരെ കേരളം പ്രമേയം പാസ്സാക്കിയ ചരിത്രമുണ്ട്. ഇതൊന്നും മനസിലാക്കാതെ പൗരത്വ ഭേദഗതി നിയമത്തിനെതിരെ പ്രമേയം പാസ്സാക്കിയതിൽ ഗവർണർ ബഹളമുണ്ടാക്കേണ്ട കാര്യമില്ലെന്നും ജാഥ ക്യാപ്റ്റൻ പറഞ്ഞു.രാജ്യം നേരിടുന്ന ആപത്ത് മനസിലാക്കി ഒന്നിച്ചു നിന്ന് പോരാടേണ്ട സമയത്ത് കേരളത്തിൽ മുല്ലപ്പിള്ളിയും മുനീറും ജനങ്ങളെ കബളിപ്പിക്കാൻ ശ്രമിക്കുകയാണെന്നും പി.രാജു പറഞ്ഞു.ജാതി മത വ്യത്യാസമില്ലാതെ ഇന്ത്യാക്കാരനായി ജീവിക്കാനുള്ള അവകാശ സമരമാണ് പൗരത്വ ഭേദഗതി നിയമത്തിനെതിരെ ഇടതുപക്ഷം നടത്തുന്നത്.
പൗരത്വ ഭേദഗതി നിയമത്തിനെതിരെ കേരള സർക്കാർ പ്രമേയം പാസ്സാക്കിയതിനു പിന്നാലെ 13 സംസ്ഥാനങ്ങൾ പ്രമേയം പാസ്സാക്കിയത് കണ്ടില്ലെന്നു നടിക്കാൻ കേന്ദ്ര സർക്കാരിനു കഴിയില്ല. രാജ്യത്തെ വിദ്യാർത്ഥികളും പുരോഗമന പ്രസ്ഥാനങ്ങളും കർഷകരും തൊഴിലാളികളും ബില്ലിനെതിരെ പ്രതിഷേധ സമരത്തിലാണ്. മുസ്ലീം മത വിശ്വാസികൾക്കെതിരെ ബിൽ കൊണ്ടുവന്നവർ നാളെ ക്യസ്താനികളെയും തുടർന്ന് ദളിത് പിന്നോക്ക വിഭാഗങ്ങളെയും വേട്ടയാടും. മതം പറഞ്ഞു് അധികാരം നിലനിർത്താനുള്ള ബി.ജെ.പിയുടെ കെണിയിൽ നാം വീണുപോകരുതെന്നും പി.രാജു അഭ്യർത്ഥിച്ചു.ഭാരതത്തെ ഒന്നായി കണ്ട് ജാതിമത വ്യത്യാസമില്ലാതെ ഒന്നിച്ചു ജീവിക്കാനുള്ള ഭരണഘടന നൽകുന്ന അവകാശം രാജ്യത്ത് നിലനിൽക്കാൻ ഒരുമിക്കണമെന്നും അദ്ദേഹം പി.രാജു ആഹ്വാനം ചെയ്തു.
കോതമംഗലത്ത് സി.പി.ഐ ജില്ലാ അസിസ്റ്റൻറ് സെക്രട്ടറി ഇ.കെ ശിവൻ അദ്ധ്യക്ഷത വഹിച്ചു.ജനതാദൾ (എൽ.ജെ.ഡി ) ജില്ലാ പ്രസിഡന്റ് അഗസ്റ്റ്യൻ കോലഞ്ചേരി മുഖ്യ പ്രസംഗം നടത്തി. സി.പി.എം ജില്ലാ സെക്രട്ടറിയേറ്റംഗങ്ങളായ അഡ്വ.പി.എം ഇസ്മായിൽ, പി.ആർ മുരളിധരൻ, അഡ്വ.എൻ.സി മോഹനൻ, ജില്ലാ കമ്മിറ്റിയംഗങ്ങളായ എസ്.സതീഷ്, അഡ്വ.ടി.വി അനിത, സി.പി.ഐ ജില്ലാ അസിസ്റ്റൻറ് സെക്രട്ടറി കെ.എൻ സുഗതൻ, സി.പി.ഐ സംസ്ഥാന കൗൺസിൽ അംഗം കെ.കെ അഷറഫ്,ജില്ലാ കൗൺസിൽ എക്സിക്യൂട്ടീവ് അംഗങ്ങളായ എൻ.അരുൺ, അഡ്വ.ടി.സി സഞ്ജിത്, ജനതാദൾ എസ് ജില്ലാ സെക്രട്ടറി ജബ്ബാർ തച്ചയിൽ, എൻ.സി.പി ജില്ലാ പ്രസിഡന്റ് എം.എം അശോകൻ, കോൺഗ്രസ് എസ് സംസ്ഥാന എക്സിക്യൂട്ടീവ് കമ്മറ്റിയംഗം കെ.ജെ ബെയ്സിൽ, കേരളാ കോൺഗ്രസ് സ്കറിയ തോമസ് ജില്ലാ പ്രസിഡന്റ് അഡ്വ.വർഗീസ് മൂലൻ, ഐ.എൻ.എൽ ജില്ലാ സെക്രട്ടറി കെ.എം.എ ജലീൽ, ജനാധിപത്യ കേരളാ കോൺഗ്രസ് ജില്ലാ പ്രസിഡന്റ് അഡ്വ.ഷൈസൺ പി മാങ്ങഴ, കേരളാ കോൺഗ്രസ് ബി സംസ്ഥാന കമ്മിറ്റിയംഗം പോൾ വർഗീസ്, ആന്റണി ജോൺ എം.എൽ.എ, സി.പി.എം ഏരിയാ സെക്രട്ടറി ആർ.അനിൽകുമാർ, സി.പി.ഐ മണ്ഡലം സെക്രട്ടറി
എം.കെ രാമചന്ദ്രൻ , ലോക് താന്ത്രിക് ജനതാദൾ എൽ.ജെ.ഡി മണ്ഡലം പ്രസിഡന്റ് മനോജ് ഗോപി , ജനാധിപത്യ കേരള കോൺഗ്രസ് നിയോജക മണ്ഡലം പ്രസിഡന്റ് ബാബു പോൾ,
എൻ.സി.പി ബ്ലോക്ക് പ്രസിഡന്റ് പി.വി.തമ്പാൻ, കേരളാ കോൺഗ്രസ് സ്കറിയ തോമസ് നിയോജക മണ്ഡലം പ്രസിഡന്റ്ഷാജിപീച്ചക്കര, കേരളാ കോൺഗ്രസ് ബി നിയോജക മണ്ഡലം പ്രസിഡന്റ്ബേബി വർഗീസ്
എന്നിവർ പ്രസംഗിച്ചു.
CRIME
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു

കോതമംഗലം : നേര്യമംഗലം വനത്തിൽ നിന്ന് ഉടുമ്പിനെ പിടികൂടി കൊന്ന് കറിവെച്ച് കഴിച്ച സംഭവത്തിൽ നാലുപേരെ വനപാലകർ അറസ്റ്റുെ ചെയ്തു. വാളറ കെയ്യിക്കൽ കെ.എം. ബാബു (50), വാളറ തെപ്പെറമ്പിൽ ടി.കെ. മനോഹരൻ, മകൻ മജേഷ് (20), വാളറ അഞ്ചാം മൈൽ സെറ്റിൽ മെന്റിലെ പൊന്നപ്പൻ( 52) എന്നിവരെയാണ് നേര്യമംഗലം റെയ്ഞ്ച് ഓഫിസർ സുനിൽ ലാലിന്റെ നേതൃത്വത്തിൽ അറസ്റ്റ് ചെയ്തത്.
ജനുവരി 26 നാണ് കൊച്ചി – ധനുഷ്കോടി ദേശീയ പാതയിലെ മൂന്ന് കലുങ്ക് ഭാഗത്ത് നിന്നും ആറ് കിലോയിലേറെ തൂക്കം വരുന്ന കൂറ്റൻ ഉടുമ്പിനെ ഇവർ വേട്ടയാടി പിടിച്ചത്. പിന്നീട് നാലു പേരും ഇറച്ചി വീതം വെച്ചെടുത്തു. ഇത് കറിവെച്ച് ഭക്ഷിക്കുകയും ചെയ്തു.
കറിവെക്കാൻ ഉപയോഗിച്ച പാത്രങ്ങളും ആയുധങ്ങളും വനപാലകർ പിടികൂടിയിട്ടുണ്ട്.
ഭക്ഷിച്ചതിന് ശേഷം ബാക്കി വന്ന ഇറച്ചിയും പിടികൂടിയിട്ടുണ്ട്. പ്രതികളെ പിടികൂടുവാനുള്ള അന്വേഷണത്തിൽ നേര്യമംഗലം റേഞ്ച്
വാളറ ഡപ്യൂട്ടി റേഞ്ച് ഓഫിസർ സിജി മുഹമ്മദ്, സെക്ഷൻ ഫോറസ്റ്റ് ഓഫിസർ പി.ആർ. ജയപ്രകാശ്, എ.എസ്. രാജു തുടങ്ങിയവരും പങ്കെടുത്തു.
NEWS
ഇടതു ഭരണത്തിൽ ജനാധിപത്യം മൃഗാധിപത്യത്തിന് വഴിമാറി: ഡീൻ കുര്യാക്കാസ് MP

കോതമംഗലം: ഇടതുപക്ഷം അധികാരത്തിൽ എത്തിയതിനു ശേഷം നാട്ടിൽ മൃഗാധിപത്യം യാഥാർത്ഥ്യമായെന്ന് ഡീൻ കുര്യാക്കോസ് MP . ജനവാസ മേഖലകളിൽ മിക്കയിടങ്ങളിലും വന്യമൃഗ ശല്യം മൂലം ജീവിക്കാൻ കഴിയാത്ത സ്ഥിതിയാണ്. ആൾ നാശവും , കൃഷി നാശവും , ഒപ്പം വളർത്തുമൃഗങ്ങളെ കൊന്നൊടുക്കിയും , കോതമംഗലത്തെ 5 പഞ്ചായത്തുകളിൽ (കുട്ടമ്പുഴ , കീരമ്പാറ, കവളങ്ങാട്, കോട്ടപ്പടി, പിണ്ടിമന )വന്യമൃഗങ്ങൾ സ്വൈര്യവിഹാരം നടത്തുമ്പോൾ , കൂടുതൽ ജനവാസ കേന്ദ്രങ്ങളെ ബഫർ സോണിൽ ഉൾപ്പെടുത്തി, കേന്ദ്രത്തിന് റിപ്പോർട്ട് നൽകിയ സർക്കാരാണ് നാടു ഭരിക്കുന്നത്. UDF സർക്കാർ 2013 ൽ ജനവാസ മേഖലകളിൽ പൂജ്യം ബഫർ സോൺ എന്നെടുത്ത തീരുമാനം പിൻവലിച്ച് , ഒരു കി.മീ ജനവാസ കേന്ദ്രങ്ങൾ ഉൾപ്പടെ ബഫർ സോൺ എന്നു തീരുമാനിച്ച ഈ ഗവൺമെന്റിനെതിരെ സന്ധിയില്ലാ പോരാട്ടത്തിന് UDF നേതൃത്വം നൽകുമെന്നും ഡീൻ കുര്യാക്കോസ് പറഞ്ഞു. MP യും , DCC പ്രസിഡന്റ് മുഹമ്മദ് ഷിയാസും നയിച്ച് രാവിലെ ഭൂതത്താൻ കെട്ടിൽ നിന്നും ആരംഭിച്ച് വൈകിട്ട് കുട്ടമ്പുഴയിൽ സമാപിച്ച സമരയാത്രയുടെ ഭാഗമായി നടന്ന സമ്മേളനത്തിലാണ് ഇക്കാര്യം പറഞ്ഞത്. എറണാകുളം ജില്ലയിലെ ജനവാസ മേഖലകൾ ഒരിടത്തും ബഫർ സോൺ അനുവദിക്കില്ലെന്ന് സമാപന സമ്മേളനം ഉദ്ഘാടനം ചെയ്തു മുഹമ്മദ് ഷിയാസ് പറഞ്ഞു.
കാർഷിക മേഖലയെ സമ്പൂർണ്ണമായി തകർത്തെറിയുന്ന ബഫർ സോൺ നയം സുപ്രീം കോടതിയെ കൊണ്ട് പറയിപ്പിക്കാൻ പ്രേരണ നൽകിയത് ഇടതു സർക്കാർ ആണെന്ന് രാവിലെ ഭൂതത്താൻ കെട്ടിൽ ഉത്ഘാടനം ചെയ്തു ഫ്രാൻസിസ് ജോർജ് Ex MP പറഞ്ഞു. Tu കുരുവിള Ex MLA, ഷിബു തെക്കും പുറം, പി.കെ മൊയ്തു, മൈക്കിൾ , PAM ബഷീർ, KP ബാബു, PP ഉതുപ്പാൻ , എ.ജി ജോർജ് ,എബി എബ്രാഹം, MS എൽദോസ് , UDF പഞ്ചായത്ത് പ്രസിഡന്റുമാർ , മറ്റു നേതാക്കൾ തുടങ്ങിയ നേതാക്കൾ പങ്കെടുത്തു സംസാരിച്ചു.
NEWS
സിജു പുന്നേക്കാട് തയ്യാറാക്കിയ പുസ്തകം “സ്നേഹത്തിന്റെ ആൾരൂപം” പ്രകാശനം ചെയ്തു.

കോതമംഗലം : ശ്രേഷ്ഠ ബസേലിയോസ് തോമസ് പ്രഥമൻ കാതോലിക്ക ബാവാ തിരുമനസ്സിന്റെ ജീവിതാനുഭവങ്ങളും ദൈവീക ഇടപെടലുകളും സാക്ഷ്യങ്ങളും കാഴ്ചപ്പാടുകളും പ്രതിപാദിച്ച്,പുന്നേക്കാട് സെന്റ് ജോർജ് ഗത്സീമോൻ യാക്കോബായ സുറിയാനി പള്ളി ഇടവകാംഗവും ചിത്രകാരനും സാഹിത്യകാരനുമായ സിജു പുന്നേക്കാട് തയ്യാറാക്കിയ പുസ്തകം “സ്നേഹത്തിന്റെ ആൾരൂപം” പ്രകാശനം ചെയ്തു. ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.
വികാരി റവ. ഫാദർ ജോസ് ജോൺ പരണായിൽ അധ്യക്ഷത വഹിച്ച ചടങ്ങിൽ ആബൂൻ മോർ ബസേലിയോസ് തോമസ് പ്രഥമൻ കാതോലിക്ക ബാവ,എം എ കോളേജ് അസോസിയേഷൻ സെക്രട്ടറി ഡോക്ടർ വിന്നി വർഗീസ്,ഏലിയാസ് മാർ യൂലിയോസ് മെത്രാപ്പോലീത്ത,യൂത്ത് അസോസിയേഷൻ സെക്രട്ടറി ബേസിൽ എൽദോസ് കുന്നത്താൻ,എം ജെ എസ് എസ് എ ജനറൽ സെക്രട്ടറി ഷെവ. എം ജെ മർക്കോസ്,പഞ്ചായത്ത് പ്രസിഡന്റ് മാമച്ചൻ ജോസഫ്,ജില്ലാ പഞ്ചായത്ത് മെമ്പർ കെ കെ ദാനി,പഞ്ചായത്ത് വൈസ് പ്രസിഡന്റ് ബീന റോജോ,വികസനകാര്യ സ്റ്റാന്റിങ് കമ്മറ്റി ചെയർപേഴ്സൺ സിനി ബിജു,സഭ മാനേജിംഗ് കമ്മിറ്റിയംഗം(പുന്നേക്കാട് സെന്റ് ജോർജ് സൺഡേ സ്കൂൾ ഹെഡ്മാസ്റ്റർ)വി പി ജോയി,കൊണ്ടിമറ്റം സെന്റ് പോൾസ് സൺഡേ സ്കൂൾ ഹെഡ്മാസ്റ്റർ ജെസിമോൾ ജോസ്,ബസേലിയൻ മീഡിയ ഷാനു പൗലോസ്,ഗ്രന്ഥ രചയിതാവ് സിജു പുന്നേക്കാട്,എം ജെ എസ് എസ് എ കോതമംഗലം മേഖലാ സെക്രട്ടറി ജോൺ ജോസഫ് എന്നിവർ പങ്കെടുത്തു.സഹ വികാരി റവ.ഫാദർ ജോബി ജോസ് തോമ്പ്ര സ്വാഗതവും ട്രസ്റ്റി കെ ഡി വർഗീസ് നന്ദിയും പറഞ്ഞു.
-
AGRICULTURE1 week ago
കോതമംഗലത്തും വിളയുമെന്ന് തെളിയിച്ചു ഇന്തോനേഷ്യൻ പഴമായ “മട്ടോവ”
-
NEWS3 days ago
ടവർ ലൈനിലെ അലുമിനിയം കമ്പി മോഷണം; 7 പേരെ കുട്ടമ്പുഴ പോലീസ് പിടികൂടി
-
CRIME1 week ago
വീട്ടിൽ നിന്ന് വാഷും വാറ്റ് ഉപകരണങ്ങളും എക്സൈസ് പിടികൂടി.
-
NEWS1 week ago
ബന്ധുക്കളായ വിദ്യാർത്ഥികൾ പൂയംകുട്ടി പുഴയില് മുങ്ങിമരിച്ചു
-
EDITORS CHOICE5 days ago
യാത്രക്കാരന് പുതുജീവൻ; രക്ഷകരായി അജീഷും, രാജീവും സഹ യാത്രക്കാരും; കോതമംഗലത്തിന്റെ അഭിമാനമായി സൂപ്പർ എക്സ്പ്രസ്സ്
-
CHUTTUVATTOM1 week ago
നാട്ടുകാർക്ക് വേണ്ടി അധികാരികൾ ഒറ്റക്കെട്ടായി; കോട്ടപ്പാറ വനാതിർത്തിയോട് ചേർന്നുള്ള റോഡ് നവീകരണം ആരംഭിച്ചു
-
NEWS5 days ago
നാക് അക്രഡിറ്റേഷനില് എ പ്ലസ് നേടിയ കേരളത്തിലെ ആദ്യ എഞ്ചിനീയറിംഗ് കോളേജ് ആയി കോതമംഗലം മാര് അത്തനേഷ്യസ്
-
CRIME1 week ago
ബൈക്ക് മോഷ്ടാക്കളെ കോതമംഗലം പോലീസ് പിടികൂടി
You must be logged in to post a comment Login