നിരവധി ആവശ്യങ്ങൾ ഉന്നയിച്ചുകൊണ്ട് ഭൂതത്താൻകെട്ട് റെയിഞ്ചാഫീസിനു മുമ്പിൽ ധർണ്ണ നടത്തി.

കോതമംഗലം : വടാട്ടുപാറ മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ ഭൂതത്താൻകെട്ട് തുണ്ടത്തിൽ റെയിഞ്ചാഫീസിനു മുമ്പിൽ ധർണ്ണ നടത്തി. 1977 ന് മുമ്പ് കുടിയേറിയ കർഷകർക്ക് പട്ടയം നൽകുക, പട്ടയഭൂമിയിലുള്ള തേക്ക് ഉൾപ്പടെയുള്ള മരങ്ങൾ മുറിക്കുന്നതിനുള്ള അനുവാദം നൽകുക, വടാട്ടുപാറയിൽ നിന്നും കുട്ടമ്പുഴയിലേക്ക് 50 വർഷമായി സഞ്ചരിച്ചിരുന്ന റോഡ് ഗതാഗതം നിരോധിച്ചത് പിൻവലിച്ച് ഗതാഗതത്തിനു് തുറന്നു കൊടുക്കുക, വന്യമൃഗങ്ങളിൽ നിന്നും മനുഷ്യർക്കും കൃഷിയിടങ്ങൾക്കും സംരക്ഷണം നൽകുക, വന്യമൃഗങ്ങൾ നശിപ്പിക്കുന്ന കാർഷിക വിളകൾക്ക് ന്യായമായ നഷ്ടപരിഹാരം നൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ്ണ.

KPCC ജന:സെക്രട്ടറി ഡോ: മാത്യു കുഴൽ നാടൻ ധർണ്ണ ഉൽഘാടനം ചെയ്തു മണ്ഡലം പ്രസിഡൻറ് E. C റോയി അദ്ധ്യക്ഷത വഹിച്ചു.