കോതമംഗലം : സമഗ്ര ശിക്ഷാ കേരള കോതമംഗലം ബി ആർ സി യുടെ നേതൃത്വത്തിൽ പൊയ്ക ഗവൺമെന്റ് ഹൈസ്കൂളിലെ പ്രീ സ്കൂൾ ആധുനികവൽക്കരണ പദ്ധതിയുടെ ഉദ്ഘാടനം ആന്റണി ജോൺ എംഎൽഎ നിർവഹിച്ചു. ശാസ്ത്രീയവും, മനശാസ്ത്രപരവുമായ ബോധന രീതികളിലൂടെയും വിവിധ പഠനോപകരണങ്ങൾ ഉൾക്കൊള്ളുന്ന പഠന മൂലകളും സജ്ജമാക്കിയിട്ടുണ്ട്.
പഠന പ്രവർത്തനങ്ങൾ ആസ്വാദ്യകരമാക്കുന്നതിനു വേണ്ടി സജ്ജീകരിച്ചിട്ടുള്ള വിവിധ പഠന മൂലകളുടെ ഉദ്ഘാടനം കുട്ടമ്പുഴ ഗ്രാമപഞ്ചായത്ത് പ്രസിഡന്റ് സന്ധ്യ ലാലു,വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴ്സൺ ഉഷ അയ്യമ്പിള്ള,മുൻ പഞ്ചായത്ത്‌ പ്രസിഡന്റ് വിജയമ്മ ഗോപി,പി ടി എ പ്രസിഡന്റ് സജി തോമസ്,മാതൃ സംഘം ചെയർപേഴ്സൺ രമ്യ മനോജ്‌, കോതമംഗലം പ്രോജക്റ്റ് കോ ഓർഡിനേറ്റർ പി ജ്യോതിഷ്,കൈറ്റ് കോർഡിനേറ്റർ എസ് എം അലിയാർ എന്നിവർ വിവിധ കോർണറുകൾ ഉദ്ഘാടനം ചെയ്തു.
പ്രധാനാധ്യാപിക ശ്രീകല ദേവി സ്വാഗതവും,ക്ലസ്റ്റർ കോ ഓർഡിനേറ്റർ സിന്ധു പി ശ്രീധർ നന്ദിയും പറഞ്ഞു.ക്ലസ്റ്റർ കോ ഓർഡിനേറ്റർമായഎ ഇ ഷെമീദ,സിനി സി മാത്യു,അധ്യാപകർ,രക്ഷിതാക്കൾ എന്നിവർ പങ്കെടുത്തു.
