കോതമംഗലം : മാതിരപ്പള്ളി ഹൈസ്കൂൾ വിദ്യാർത്ഥിനി ആശുപത്രിയിൽ ചികിത്സയിൽ ഇരിക്കെ മരണമടഞ്ഞു.കറുകടം സ്വദേശിനിയായ മറ്റനായി അശ്വതി ഷിമിലേഷ് (14) ആണ് മരണമടഞ്ഞത്. തിങ്കളാഴ്ച പരീക്ഷ എഴുതാൻ വന്ന വിദ്യാർത്ഥിനി സ്കൂളിൽ ശർദ്ദിച്ചതിനെ തുടർന്ന് അധ്യാപകർ കോതമംഗലത്തെ ആശുപത്രിയിൽ പ്രവേശിപ്പിക്കുകയായിരുന്നു. ഡോക്ടർമാരുടെ പരിശോധനയിൽ ആന്തരിക അവയവങ്ങൾക്ക് തകരാർ സംഭവിച്ചത് കണ്ടെത്തിയതിനെ തുടർന്ന് ഡോക്ടർമാരുടെ നിർദ്ദേശപ്രകാരം വിദഗ്ധ ചികിത്സക്കായി കോട്ടയം മെഡിക്കൽ കോളേജിൽ അഡ്മിറ്റ് ചെയ്യുകയായിരുന്നു. അവിടെ ചികിത്സയിലിരിക്കെ ഇന്ന് വ്യാഴാഴ്ച്ച ഉച്ചയോടെയാണ് മരണം സംഭവിച്ചത്.
അശ്വതിയുടെ കുടുംബം കുട്ടമ്പുഴ കൂവപ്പാറയിൽ നിന്ന് വന്ന് കറുകടം ഷാപ്പുംപടിയിൽ കാർമൽ നിവാസിനു സമീപം വാടകയ്ക്ക് താമസിക്കുകയായിരുന്നു. കോട്ടയം മെഡിക്കൽ കോളേജിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിന് ശേഷം നാളെ സംസ്കരിക്കും.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക.. 👇
