വേറിട്ട ബോധവൽക്കരണം; കുട്ടമ്പുഴ കുടുംബാരോഗ്യ കേന്ദ്രത്തിലെ ആരോഗ്യ പ്രവർത്തകർ മാതൃകയാകുന്നു.

• മുരളി കുട്ടമ്പുഴ

കുട്ടമ്പുഴ: ആളുകളുടെ മനോഭാവത്തിൽ മാറ്റമുണ്ടാക്കാൻ കോമാളി വേഷത്തിൽ ആരോഗ്യ പ്രവർത്തകർ.  കുട്ടമ്പുഴ ഫാമിലി ഹെൽത്ത് സെന്ററിലെ ജെ.പി.എച്ച് എൻ.ലാസാണ് കൊറോണയ്ക്കതിരെ നാട്ടുകാരിൽ ബോധവൽക്കരണം നടത്താൻ കോമാളി വേഷത്തിൽ നാട്ടിലിറങ്ങിയത്. കുട്ടമ്പുഴയിലെ മുഴുവൻ സ്ഥാപനങ്ങളിലും ഇവർ കയറിയിറങ്ങി കോവിഡിനെതിരെ കരുതേണ്ട കാര്യങ്ങൾ പറഞ്ഞു കൊടുത്തു. മാസ്ക് കൃത്യമായ ധരിക്കാതെയും അനാവശ്യത്തിനു റോഡിലിറങ്ങിയവരേയും, കോവിഡ് നിയമങ്ങൾ ലംഘിച്ചു കണ്ട കച്ചവട സ്ഥാപനക്കാരെയും കർശന രീതിയിൽ കാര്യങ്ങൾ ബോധിപ്പിച്ചു കൊണ്ടായിരുന്നു പ്ലാക്കാർഡുകളുമേന്തിയ ആരോഗ്യ സംഘം സ്ഥാപനങ്ങളിൽ യാദൃശ്ചികമായെത്തിയത്. വേറിട്ട ബോധവൽക്കരണ രീതി ഫലം കണ്ടു എന്ന് ജെ.പി.എച്ച്.എൻ. ലാസ് പറഞ്ഞു.