കോട്ടപ്പടി: പ്ലാമുടിയിലെ കാട്ടാന ശല്യം പരിഹരിക്കാൻ നടപടി വേണമെന്ന് യുഡിഎഫ് ജില്ലാ കൺവീനർ ഷിബു തെക്കുംപുറം ആവശ്യപ്പെട്ടു. തുടർച്ചയായി മൂന്നാം ദിവസമാണ് പ്ലാമുടിയിൽ കാട്ടാന ഇറങ്ങുന്നത്. ഈ ദിവസങ്ങളിൽ കാട്ടാനക്കൂട്ടം വ്യാപകമായി കൃഷി നശിപ്പിച്ചിട്ടുണ്ട്. തെങ്ങ്,കവുങ്ങ്,വാഴ എന്നിവ പരക്കെ നശിപ്പിച്ചിട്ടുണ്ട്. രാത്രി കാലത്ത് പുറത്തിറങ്ങാൻ പോലും കഴിയാതെ ഭയന്നു കഴിയുകയാണ് നാട്ടുകാർ. സുരക്ഷിതമായ വൈദ്യുത വേലി സ്ഥാപിച്ച് ആന ശല്യം ഒഴിവാക്കണമെന്ന് സ്ഥലം സന്ദർശിച്ച യുഡിഎഫ് സംഘം ആവശ്യപ്പെട്ടു. ഷിബു തെക്കുംപുറം, ജെയിംസ് കോറമ്പേൽ, പി.സി.ജോർജ് എന്നിവരുടെ നേതൃത്വത്തിലാണ് യുഡിഎഫ് സംഘം എത്തിയത്.
ചിത്രം: കോട്ടപ്പടി പ്ലാമുടിയിൽ കാട്ടാന കൂട്ടം നശിപ്പിച്ച രാജു കാഞ്ഞിരത്തിലിൻ്റെ കൃഷിയിടം യുഡിഎഫ് സംഘം സന്ദർശിച്ചപ്പോൾ.
