കോതമംഗലം : നവാഭിഷിക്തനായ മലബാർ സിംഹാസന പള്ളികളുടെ മെത്രാപ്പോലീത്ത മോർ സ്തേഫാനോസ് ഗീവർഗീസ് മലങ്കര മണ്ണിൽ എത്തിച്ചേർന്നു. ഇന്നലെ പുലർച്ചെ നെടുമ്പാശ്ശേരി അന്താരാഷ്ട്ര വിമാനത്താവളത്തിൽ എത്തിച്ചേർന്ന മോർ സ്തേഫാനോസ് ഗീവർഗീസ് മെത്രാപ്പോലീത്തയെ മോർ അത്താനാസിയോസ് ഏലിയാസ് മെത്രാപ്പോലീത്തയുടെ നേതൃത്വത്തിൽ മലങ്കരയിലേക്ക് സ്വീകരിച്ചു.
അഭിവന്ദ്യരായ മോർ ക്രിസോസ്റ്റമോസ് മർക്കോസ്, മോർ ക്ലീമീസ് കുര്യാക്കോസ്, മോർ അന്തോണിയോസ് യാക്കോബ്, മോർ പീലക്സിനോസ് സഖറിയാസ്, മോർ യൂലിയോസ് ഏലിയാസ്, മോർ തീമോത്തിയോസ് മാത്യൂസ് എന്നീ മെത്രാപ്പോലീത്തമാരും വൈദികരും വിശ്വാസികളും നവാഭിഷിക്ത മെത്രാപ്പോലീത്തയെ മലങ്കരയുടെ മണ്ണിലേക്ക് സ്വാഗതം ചെയ്തു.
