കോതമംഗലം : തങ്കളം മാർ ബസേലിയോസ് സ്കൂൾ ഓഫ് നഴ്സിംഗ് പൂർവ വിദ്യാർത്ഥി സമ്മേളനവും, ക്രിസ്തുമസ് ആഘോഷവും നടത്തി. മാർ തോമ ചെറിയ പള്ളി വികാരി ഫാ. ജോസ് പരത്തുവയലിൽ ഉൽഘാടനം ചെയ്തു. എം. ബി. എം. എം അസോസിയേഷൻ വൈസ് പ്രസിഡന്റ്‌ ജോമോൻ പാലക്കാടൻ അധ്യക്ഷത വഹിച്ചു.
അസോസിയേഷൻ സെക്രട്ടറി സി. ഐ. ബേബി, ട്രെഷറർ പി. പി. എൽദോസ്, ചെറിയപള്ളി ട്രസ്റ്റി ബിനോയ്‌ മണ്ണൻ ചേരിൽ, പ്രിൻസിപ്പൽ ജൂലി ജോഷുവ, ഹോസ്പിറ്റൽ അഡ്മിനിസ്ട്രേറ്റർ ലിമി എബ്രഹാം, നഴ്സിംഗ് സൂപ്രണ്ട് ഫെമി എൽദോസ്, പൂർവ വിദ്യാർത്ഥി പ്രതിനിധി മോളി വര്ഗീസ്, ട്യൂട്ടർമാരായ വിജു ജേക്കബ്, ലെയാ കെ. പോൾ എന്നിവർ പ്രസംഗിച്ചു.
1981 ൽ 12 വിദ്യാർത്ഥികളുമായി ആരംഭിച്ച സ്കൂൾ ഓഫ് നഴ്സിംഗിലെ ആദ്യബാച്ചിലെ 4 വിദ്യാർത്ഥികൾ ഉൾപ്പെടെ ഉള്ളവർ യോഗത്തിൽ പങ്കെടുത്തു. ഭാരവാഹികളായി മോളി വര്ഗീസ് ( പ്രസിഡന്റ്‌ ), ഗ്രേസ് മാത്യു, സിജി ജോൺ ( വൈസ് പ്രസിഡന്റ്‌മാർ ), ജൂലി തോമസ് ( സെക്രട്ടറി ), ഷീന കുരുവിള ( ജോയിന്റ് സെക്രട്ടറി ), ദീപ പോൾ ( ട്രെഷറർ ), ബിജിമോൾ പി. എ. (ഓഡിറ്റർ ) എന്നിവരെ തെരെഞ്ഞെടുത്തു.
