കോതമംഗലം : എം എ എഞ്ചിനീയറിംഗ് കോളേജിൽ വജ്ര ജൂബിലിയോടനുബന്ധിച്ച് നടക്കുന്ന ശാസ്ത്ര സാങ്കേതിക പ്രദർശനത്തിൽ മെക്കാനിക്കൽ എഞ്ചിനീയറിംഗ് വിഭാഗത്തിലെ ഹീറ്റ് എൻജിൻസ് ലബോറട്ടറി ഒരുക്കിയിട്ടുള്ള വേറിട്ട പ്രൊജക്ടുകൾ ആകർഷകമായി. ബുള്ളറ്റ് എഞ്ചിൻ ഘടിപ്പിച്ച ഓൾട്ടെറൈൻ വെഹിക്കിൾ, റേസിംഗ് കാറിൻറെയും ടില്ലറിന്റെയും മോഡലുകൾ, പ്രീമിയർ പദ്മിനി ഹെറാൾഡ് കട്ട് മോഡൽ തുടങ്ങി വിദ്യാർഥികളും അദ്ധ്യാപകരും ചേർന്നൊരുക്കിയ വിവിധ പ്രൊജറ്റുകൾ ശ്രദ്ധേയമായി.
ഒരു വാഹത്തിൽ വരുന്ന പ്രധാനപ്പെട്ട യന്ത്രഭാഗങ്ങളായ എഞ്ചിൻ, ക്ലച്ച്, ഗിയർ ബോക്സ്‌, ഡിഫ്രൻഷ്യൽ തുടങ്ങി എല്ലാ ഭാഗങ്ങളുടെയും പ്രവർത്തങ്ങൾ ഒറ്റകാഴ്ച്ചയിൽ മനസിലാക്കിയെടുക്കാവുന്ന തരത്തിൽ സജീകരിച്ചിട്ടുള്ള വാഹനത്തിന്റെ പ്രവർത്തന മാതൃക പ്രദർശിനി കാണാനെത്തിയ ആയിരക്കണക്കിന് വിദ്യാർത്ഥികൾക്ക് ഗുണപ്രതമായി.

വാഹനങ്ങളുടെ പഴയകാല ടെക്നോളജി മുതൽ നൂതന സാങ്കേതിക വിദ്യവരെ മനസിലാക്കിയെടുക്കുവാനുള്ള സംവിധാനങ്ങളും ഹീറ്റ് എഞ്ചിൻ ലാബിൽ തയ്യാറാക്കിയിട്ടുണ്ട്. പ്രദർശിനി കാണാൻ എത്തിയവർക്ക് പ്രൊജക്ടിന്റെ ഭാഗമയുണ്ടാക്കിയ ഓൾട്ടറൈൻ വാഹങ്ങളിൽ കയറിയിരുന്ന് ഫോട്ടോയും വീഡിയോയും എടുക്കുവാനും വളരെ ആവേശമായിരുന്നു. കപ്പലുകളിലും ഹെലിക്കോപ്റ്ററുകളിലും ഗതി നിർണ്ണയത്തിനും ബാലൻസിഗിനും ഉപയോഗിക്കുന്ന ഗൈറോ സ്കോപ്പിക്ക് പ്രസിഷൻ എഫക്ട് നേരിട്ട് അനുഭവിച്ചറിയുവാൻ കഴിയുന്ന രീതിയിൽ തയ്യാറാക്കിയിട്ടുള്ള മാജിക്കൽ വീൽ സംവിധാനം പ്രദർശിനി കാണാൻ എത്തിയ കുട്ടികൾക്കും പ്രായമായവർക്കും ഒരുപോലെ ആവേശവും കൗതുകവുമുണർത്തി.

മെക്കാനിക്കൽ വിഭാഗം മേധാവി ഡോ:ബിനു മാർക്കോസാണ് വകുപ്പിന് കീഴിലുള്ള വിവിധ ലാബുകളിലെയും വർക്ക്‌ഷോപ്പുകളിലേയും പ്രൊജെക്ടുകൾ ഏകോപിപ്പിക്കുന്നത്. വിവിധ ഡിപ്പാർട്മെന്റ്കൾ ചേർന്നൊരുക്കിയ വിവിധ ശാസ്ത്ര സാങ്കേതിക പ്രദർശിനികൾ കാണാൻ പ്രതിദിനം ആയിരക്കണക്കിന് ആളുകളാണ് വന്ന് പോകുന്നത്. ശനിയാഴ്ച്ച വൈകിട്ടോടെ 8 ദിവസം നീണ്ടുനിന്ന വജ്ര മേസ് പ്രദർശിനി അവസാനിക്കും.

കോതമംഗലം : കോതമംഗലം എക്സ്സൈസ് സർക്കിൾ ഇൻസ്‌പെക്ടർ എ ജോസ് പ്രതാപിന്റെ നേതൃത്വത്തിൽ ഉച്ചക്ക് സംശയാസ്പദമായ രീതിയിൽ കണ്ട പെരുമ്പാവൂർ സ്വദേശിയെ ചോദ്യം ചെയ്തതിൽ കോതമംഗലം റവന്യൂ ടവറിനും പരിസര പ്രദേശത്തും വൈകുന്നേരങ്ങളിലും രാത്രിയിലും വ്യാപകമായ മയക്കു മരുന്ന് വില്പന നടക്കുന്നതായ വിവരം കിട്ടിയിരുന്നു. ഇതേ തുടർന്നു എക്സ്സൈസ് ഷാഡോ ടീമിനെ ഇവിടങ്ങളിൽ വിന്യസിച്ചിരുന്നു. ഇതിനെ തുടർന്ന് നടത്തിയ റെയ്ഡിൽ അസം നാഘോൺ സ്വദേശി ഷകൂർ അലി (32) 563 കുപ്പികളിലായി ബ്രൗൺ ഷുഗറുമായി പിടിയിലായത്.

കോതമംഗലത്തു ഇതുവരെ നടത്തിയതിൽ ഏറ്റവും വലിയ മയക്കുമരുന്ന് വേട്ടയാണ് എക്സ്സൈസ് സർക്കിൾ ഇൻസ്‌പെക്ടർ എ ജോസ് പ്രതാപിന്റെ നേതൃത്വത്തിൽ നടത്തിയത്. പ്രതി ഷകൂർ അലി മുൻപ് നിരവധി തവണ കോതമംഗലത്തു വന്നു വില്പന നടത്തിയതായും വിവരം കിട്ടിയിരുന്നു. അസമിൽ നിന്ന് വൻ തോതിൽ ബ്രൗൺ ഷുഗർ കേരളത്തിലേക്ക് കടത്തുന്ന മാഫിയയിലെ കണ്ണിയാണ് ഷകൂർ. പിടിച്ചെടുത്ത ബ്രൗൺ ഷുഗറിനു 17 ലക്ഷം വിലവരും. റെയ്‌ഡിന് സർക്കിൾ ഇൻസ്‌പെക്ടർ എ ജോസ് പ്രതാപിനൊപ്പം പി ഓ. K A നിയാസ്, ജയ് മാത്യൂസ്, സിഇഒ മാരായ എം എം നന്ദു, കെ സി എൽദോ, പി റ്റി രാഹുൽ, ഡ്രൈവർ ബിജു പോൾ എന്നിവർ നേതൃത്വം നൽകി.

കോതമംഗലം : ലോക ഏഡ്സ് ദിനത്തോടനുബന്ധിച്ച് വാരെപ്പെട്ടി സി എച്ച് സി യുടെ നേതൃത്വത്തിൽ ഏഡ്സ് , മയക്കുമരുന്ന് ബോധവൽക്കരണ പരിപാടിയും ,സൗഹൃദ ഫുഡ്ബോൾ മത്സരവും നടത്തി. ആരോഗ്യ വകുപ്പു ജീവനക്കാരും ആശാ പ്രവർത്തകരും പങ്കെടുത്ത റാലി വാരപ്പെട്ടി പഞ്ചായത്ത് പ്രസിഡന്റ് പി.കെ. ചന്ദ്രശേരൻ നായർ ഫ്ലാഗ് ഓഫ് ചെയ്തു. തുടർന്ന് വാരപ്പെട്ടി പഞ്ചായത്ത് മിനി സ്റ്റേഡിയത്തിൽ ആരോഗ്യ വകുപ്പു ജീവനക്കാർ, നടത്തിയ സൗഹൃദ ഫുഡ്ബോൾ മത്സരം

കോതമംഗലം ബ്ലോക്ക് പഞ്ചായത്ത്
പ്രസിഡന്റ് പി എ എം ബഷീർ ഉത്ഘാടനം ചെയ്തു.

എയ്ഡിസിനെ കുറിച്ചുള്ള തെറ്റിദ്ധാരണകൾ ജനങ്ങൾക്കിടയിൽ ഇപ്പോഴും ഉണ്ടെന്നും അതിനെ കുറിച്ചുള്ള തെറ്റിദ്ധാരണകൾ മാറ്റിയെടുക്കാനാനാണ് ഇത്തരത്തിൽ ഒരു സന്ദേശം നൽകുന്നതെന്നും വാരപ്പെട്ടി ഹെൽത്ത് സൂപ്പർവൈസർ കെ.ആർ. സുഗതൻ പറഞ്ഞു.

വാരപ്പെട്ടി പഞ്ചായത്ത് പ്രസിഡന്റ് പി.കെ. ചന്ദ്രശേഖരൻ നായർ അധ്യക്ഷത വഹിച്ച ചടങ്ങിൽ പഞ്ചായത്ത് വൈ:പ്രസിഡന്റ് ബിന്ദു ശശി, ബ്ലോക്ക് പഞ്ചായത്ത് വൈ.പ്രസിഡന്റ് നിസാമോൾ ഇസ്മായിൽ, ബ്ലോക്ക് പഞ്ചായത്ത് സ്റ്റാന്റിങ് കമ്മറ്റി അംഗങ്ങളായ ജോമി തെക്കേക്കര, ജെയിംസ് കോറ ബെൽ , ബ്ലോക്ക് പഞ്ചായത്ത് അംഗം ഡയാന നോബി, ആശുപത്രി വികസന സമിതി അംഗങ്ങളായെ ലെത്തീഫ് കുഞ്ചാട്ട്, എം ഐ കുര്യാക്കോസ്, സി എച്ച് സി മെഡിക്കൽ ഓഫിസർ ഡോ.ബി സുധാകർ ,ഹെൽത്ത് സൂപ്പർവൈസർ കെ.ആർ. സുഗുണൻ ,പി ആർ ഒ സോബിൻ പോൾ , ആരോഗ്യ വകുപ്പ് ജീവനക്കാർ പാലിയേറ്റിവ് പ്രവർത്തകർ ,ആശ പ്രവർത്തകൾ തുടങ്ങിയ നിരവധി പേർ ചടങ്ങിൽ പങ്കെടുത്തു.