കോതമംഗലം ബ്ലോക്ക് പഞ്ചായത്ത് പുതിയ ഓഫീസ് മന്ദിരം നാടിനു സമർപ്പിച്ചു.

കോതമംഗലം: കോതമംഗലം ബ്ലോക്ക് പഞ്ചായത്ത് പുതിയ ഓഫീസ് മന്ദിരം ബഹു തദ്ദേശ സ്വയംഭരണ വകുപ്പ് മന്ത്രി എ സി മൊയ്തീൻ നാടിന് സമർപ്പിച്ചു. ആൻ്റണി ജോൺ എം എൽ എ അധ്യക്ഷത വഹിച്ചു. ബ്ലോക്ക് പഞ്ചായത്തിൻ്റെ 2 കോടി രൂപയും,എം എൽ എ യുടെ ആസ്തി വികസന ഫണ്ടിൽ നിന്ന് 25 ലക്ഷം രൂപയും വകയിരുത്തി 3 നിലകളിലായി 12000 ചതുരശ്ര അടി വിസ്തീർണ്ണത്തിലാണ് പുതിയ ഓഫീസ് മന്ദിരത്തിൻ്റെ നിർമ്മാണം പൂർത്തീകരിച്ചത്. ബ്ലോക്ക് പഞ്ചായത്ത് പ്രസിഡൻ്റ് റഷീദ സലീം,ഗ്രാമവികസന കമ്മീഷണർ എൻ പത്മകുമാർ ഐ എ എസ്,പഞ്ചായത്ത് പ്രസിഡൻ്റുമാരായ രഞ്ജിനി രവി,സന്ധ്യാ ലാലൂ,ബെന്നി പോൾ,ബ്ലോക്ക് പഞ്ചായത്ത് വൈസ് പ്രസിഡൻ്റ് ശാന്തമ്മ പയസ്,ജില്ലാ പഞ്ചായത്ത് മെമ്പർ കെ എം പരീത്,ബ്ലോക്ക് പഞ്ചായത്ത് മെമ്പർമാരായ സെലിൻ ജോൺ,ബിന്ദു ജയകുമാർ,എം എൻ ശശി,സെബാസ്റ്റ്യൻ ആഗസ്തി,വിൽസൺ ഇല്ലിക്കൽ,ഒ ഇ അബ്ബാസ്,എ വി രാജേഷ്,അസിസ്റ്റൻ്റ് എക്സിക്യൂട്ടീവ് എഞ്ചിനീയർ ധന്യ എൻ ജനാർദ്ദനൻ,എ ഡി സി ജനറൽ എസ് ശ്യാമ ലക്ഷ്മി,ബ്ലോക്ക് പഞ്ചായത്ത് സെക്രട്ടറി കെ എച്ച് നാസർ,അസിസ്റ്റൻ്റ് എഞ്ചിനീയർ അനൂപ് ജോർജ്,വിവിധ രാഷ്ട്രീയ – സാമൂഹ്യ – സാംസ്കാരിക രംഗത്തെ പ്രമുഖർ എന്നിവർ പങ്കെടുത്തു.