നേര്യമംഗലം : ഇഞ്ചത്തൊട്ടി ഫോറസ്റ്റ് സ്റ്റേഷനിൽ അതിക്രമിച്ച് കയറി വധ ഭീഷണി മുഴക്കിയയാൾക്കെതിരെ വനപാലകർ കുട്ടമ്പുഴ പോലീസിൽ പരാതി നൽകി.
നേര്യമംഗലം റെയിഞ്ചിൽ ഇഞ്ചത്തൊട്ടി ഫോറസ്റ്റ് സ്റ്റേഷനിൽ ജീവനക്കാർ കാട്ടാനയെ ഓടിക്കുന്ന ഡ്യൂട്ടിയിൽ ഏർപ്പെട്ടിരിക്കവെ മദ്യപിച്ച് സ്റ്റേഷനിൽ വരുകയും വനിതാ ജീവനക്കാർ ഉൾപ്പടെ താമസിക്കുന്ന കെട്ടിടത്തിലേക്ക് അധിക്രമിച്ച് കയറി വനിതാ ജീവനക്കാർ അടക്കമുള്ള ഉദ്യോഗസ്ഥർക്കെതിരെ അസഭ്യം പറയുകയും വധഭീഷണി മുഴക്കുകയും ചെയ്തുവെന്നാണ് പരാതി.
ഇഞ്ചത്തൊട്ടി സ്വദേശി വിജയനെതിരെയാണ് പരാതി നൽകിയത്. ജീവനക്കാർക്കെതിരെയുള്ള അതിക്രമങ്ങളിൽ KFPSA ഇടുക്കി നോർത്ത് ജില്ലാ കമ്മിറ്റി ശക്തമായ പ്രതിഷേധം രേഖപ്പെടുത്തി.
