കോതമംഗലം : നെല്ലിക്കുഴി കമ്പനിപ്പടിയിൽ സംഘർഷം. 13 ആം വാർഡിലെ കമ്പനിപ്പടി – മഞ്ഞാക്കൽ റോഡിന് സമീപം സ്വകാര്യ വ്യക്തിയുടെ കെട്ടിടത്തിലേക്ക് പ്രവേശിക്കാൻ ഉണ്ടാക്കിയ റാമ്പ് പൊളിച്ചു നീക്കണമെന്ന പഞ്ചായത്ത് സെക്രട്ടറിയുടെ നോട്ടീസ് പ്രകാരം പഞ്ചായത്ത് അധികാരികൾ പോലീസ് പ്രൊട്ടക്ഷനോടു കൂടിയാണ് പഞ്ചായത്ത് സെക്രട്ടറി എത്തിയത് കെട്ടിട ഉടമകളും നാട്ടുകാരും ചേർന്ന് നടപടിയെ തടഞ്ഞത് നേരിയ സംഘർഷത്തിന് ഇടയാക്കി.
രണ്ട് മാസക്കാലം മുൻപ് ഈ പ്രദേശത്ത് പഞ്ചായത്ത് വഴിയോട് ചേർന്ന് ട്രാൻസ്ഫോർമർ സ്ഥാപിക്കാൻ പഞ്ചായത്ത് അധികാരികളും KSEB ഉദ്യോഗസ്ഥരും ശ്രമിച്ചത് അന്ന് വലിയ സംഘർഷത്തിൽ കലാശിക്കുകയും കടുത്ത എതിർപ്പിനെ തുടർന്ന് പോലീസ് ഇടപ്പെട്ട് അന്ന ട്രാൻസ്ഫോർമർ സ്ഥാപിക്കാതെ KSEB അധികാരികൾ മടങ്ങുകയും ചെയ്തിരിന്നു.
പിന്നീട് ജനവാസ മേഘലയിൽ ട്രാൻസ്ഫോർമർ സ്ഥാപിക്കാനുള്ള നീക്കത്തെ എതിർത്ത് കൊണ്ട് പരിസരവാസികൾ ഹൈ കോടതിയെ സമീപിക്കുകയും ഹൈകോടതി ടി വിഷയത്തിൽ ഉചിതമായ സ്ഥലം ഏതെന്ന് നിർണ്ണയിക്കാൻ ADM നെ ചുമതലപ്പെടുത്തുകയും ADMന്റെ പരിശോദനയിൽ ടി പഞ്ചായത്ത് റോഡിൽ ട്രാൻസ്ഫോർമർ സ്ഥാപിക്കാനുള്ള സൗകര്യമില്ല എന്ന രീതിയിൽ മറ്റേതെങ്കിലും സ്ഥലത്ത് ട്രാൻസ്ഫോർമർ സ്ഥാപിക്കാനുള്ള എസ്റ്റിമേറ്റ് തയ്യാറാക്കി നൽകുവാൻ KSEB അധികാരികളോട് നിർദ്ദേശിക്കുകയും ചെയ്തിരിന്നു.
അങ്ങനെ ട്രാൻസ്ഫോർമർ സ്ഥാപിക്കാനുള്ള ശ്രമം പരാജയപ്പെട്ടതിന്റെ ജാള്യത മറയ്ക്കാനും വ്യക്തി വൈരാഗ്യം തീർക്കാനുമാണ് തന്റെ കുടുംബത്തിന് നേരെ ഇത്തരത്തിൽ ഉള്ള നടപടികളുമായി പഞ്ചായത്ത് അധികാരികളും ഭരണപക്ഷ പാർട്ടിയിലെ ചിലരും കൂടി ശ്രമിക്കുന്നത് എന്ന് കെട്ടിട ഉടമകളായ മാലിക് എടപ്പാറ, ഷഫീഖ് എടപ്പാറ എന്നിവർ വ്യക്തമാക്കി.
