കോതമംഗലം : കോതമംഗലം മാർ ബേസിൽ ഹയർ സെക്കൻഡറി സ്കൂളിൽ 88-)0 വാർഷികവും സ്തുത്യർഹമായ സേവനത്തിനു ശേഷം വിരമിക്കുന്ന അദ്ധ്യാപകർക്ക് യാത്രയയപ്പും, പഠന- കലാ-കായിക പ്രതിഭകൾക്ക് പുരസ്കാര വിതരണവും നടത്തി. വി. മാർ തോമാ ചെറിയപള്ളി വികാരി റവ. ഫാദർ ജോസ് പരത്തുവയലിൽ അദ്ധ്യക്ഷത വഹിച്ച ചടങ്ങിൽ ആൻറണി ജോൺ എം എൽ എ ഉദ്ഘാടനം നിർവഹിച്ചു. ഹെഡ്മിസ്ട്രസ് ബിന്ദു വർഗീസ് റിപ്പോർട്ട് അവതരിപ്പിച്ചു.സ്കൂൾ മാനേജർ ജോർജ് കൂർപ്പിള്ളിൽ വിരമിക്കുന്ന അദ്ധ്യാപകരായ വിജി തോമസ് , തോമസ് മാത്യു , എൽദോ കെ വൈ , റൂബി വർഗീസ് , ജീന പോൾ , ഷൈനി പോൾ എന്നിവരെ ഉപഹാരം നൽകി ആദരിച്ചു. പാഠ്യ- പാഠ്യേതര രംഗങ്ങളിലെ പ്രതിഭകളെ മുൻസിപ്പൽ ചെയർമാൻ കെ കെ ടോമി പുരസ്കാരം നൽകി അനുമോദിച്ചു. കായിക മേഖലയിലെ മികച്ച പരിശീലകരായ ഷിബി മാത്യു , മധു സി ആർ ,ബിനു വി സ്കറിയ , മികച്ച സീഡ് കോ- ഓർഡിനേറ്റർ ഷെല്ലി പീറ്റർ എന്നിവരെ ആദരിച്ചു.
വാർഡ് കൗൺസിലറായ റിൻസ് റോയ് ,വി .മാർ തോമ ചെറിയ പള്ളി ടെസ്റ്റി ഏലിയാസ് വർഗീസ് , ട്രസ്റ്റ് ചെയർമാൻ എം എസ് എൽദോസ് ,മുൻ പ്രിൻസിപ്പൽ ജോർജ് മാത്യു ,പി റ്റി എ പ്രസിഡൻറ് സനീഷ് എ എസ് , സ്റ്റാഫ് സെക്രട്ടറി പ്രീതി എൻ കെ എന്നിവർ ചടങ്ങിൽ പങ്കെടുത്തു.മാസ്റ്റർ ഷെർമിക് ഹസ്സൻ നന്ദി പ്രകാശിപ്പിച്ചു.
