കോതമംഗലം : റോഡിലിറങ്ങിയ ആനകളെ തുരത്തുന്നതിനിടെ വീണ് ഫോറസ്റ്റർക്ക് പരിക്ക്; ആനയുടെ ആക്രമണത്തിൽ നിന്ന് കഷ്ടിച്ച് രക്ഷപ്പെട്ടു. വെള്ളിയാഴ്ച്ച ഭൂതത്താൻകെട്ട് – വടാട്ടുപാറ റോഡിൽ ആഞ്ഞിലി ചുവടിന് സമീപം റോഡിലിറങ്ങിയ കാട്ടാനക്കൂട്ടത്തെ വനത്തിലേക്ക് തിരികെ വിടുന്നതിനിടെയാണ് സംഭവം. കാട്ടാനക്കൂട്ടത്തിലെ ഒരാന വനപാലകർക്ക് നേരേ പാഞ്ഞടക്കുകയായിരുന്നു.
ഓടി മാറുന്നതിനിടയിൽ ഫോറസ്റ്റർ ബീനൂബ് ഖാൻ വീഴുകയായിരുന്നു. കൂടെ ഉണ്ടായിരുന്നവർ ഒച്ചവച്ചും വാഹനം ഇരപ്പിച്ച് നിർത്തിയും ആനയെ പിന്തിരിപ്പിക്കുകയായിരുന്നു. കോതമംഗലം താലൂക്ക് ആശൂപത്രിയിൽ പ്രവേശിപ്പിച്ച ബീനൂബ് ഖാൻ കാലിന് പൊട്ടൽ സംഭവിച്ചിട്ടുണ്ട്.
