കോതമംഗലം : കോഴിപ്പിള്ളി മാതാ അമൃതാനന്ദമയീ സത്സംഗ സമിതി ഭജന മന്ദിരത്തിന്റെ ഇരുപതാമത് വാർഷികാഘോഷ ഉദ്ഘാടനം നടന്നു. സമിതി പ്രസിഡന്റ് സരിതാസ് നാരായണൻ നായർ അദ്ധ്യക്ഷതയിൽ മാതാ അമൃതാനന്ദമയീമഠം ജനറൽ സെക്രട്ടറി സംപൂജ്യ ശ്രീമദ് പൂർണ്ണാമൃതാനന്ദപുരി സ്വാമിജി ഉദ്ഘാടനം നിർവ്വഹിച്ചു. ആന്റണി ജോൺ എം എൽ എ, വാരപ്പെട്ടി ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ എന്നിവരുടെ മഹനീയ സാന്നിദ്ധ്യത്തിൽ കോഴിപ്പിള്ളി എൽ പി സ്ക്കൂൾ ജംഗഷനിൽ നിന്നും സ്വാമിജിക്ക് പൂർണ്ണകുംഭം നൽകി എതിരേൽപ്നൽകി.
വാർഡ് മെമ്പർ പ്രിയസന്തോഷ്, പി പി സജീവ്, ഡോ രോഷ്നി ഹരികൃഷ്ണൻ, ഡോ ഉണ്ണികൃഷ്ണൻ, മനോജ് എടപ്പാട്, പി വി ഗോപാൽ, എഞ്ചിനീയർ ടി ഇ ഭാസ്ക്കരൻ, പി പി ജിജു എന്നിവർ സംസാരിച്ചു. കാര്യദർശി ലാലു വിജയകുമാർ, ടി വി നാരായണൻ, കെ വിജയകുമാർ, സെൽവരാജ്, സുജാത ഭാസി, പി എസ് ഷാജി, വി ബി മനോജ്, ശങ്കർ എസ്, എന്നിവർ സംസാരിച്ചു .തുടർന്ന് സ്വാമിജിയുടെ അനുഗ്രഹ പ്രഭാഷണവും, ഭക്തിഗാനാമൃതവും, പ്രസാദ വിതരണതോടും കൂടി സമാപിച്ചു.
